ەسق الۋعا ءوتىنىمدى ق ر ۇكو سايتىنىڭ ارنايى ءبولىمى ارقىلى ونلاين رەجيمىندە بەرۋگە بولادى. ءوتىنىمدى قاۋىپسىزدىك ماقساتىندا دەربەس كومپيۋتەردەن بەرۋ ۇسىنىلادى.
- ەڭ الدىمەن pki.gov.kz سايتىنداعى «زاڭدى تۇلعالار ءۇشىن ەسق الۋ» بولىمىنە كىرەسىز.
- ودان كەيىن مارتەبەڭىزدى كورسەتە وتىرىپ قاجەتتى ق ر ۇكو تىركەۋ كۋالىكتەرىنىڭ ۇلگىسىن تاڭداۋىڭىز قاجەت. (ول مەكەمەنىڭ ءبىرىنشى باسشىسى، قول قويۋ قۇقىعى بار جۇمىسكەر نەمەسە قارجىلىق قۇجاتتارعا قول قويۋ قۇقىعى بار قىزمەتكەر جانە ت.ب. بولۋى مۇمكىن).
- ءونلاين-وتىنىمدى بەرگەننەن كەيىن سىزگە ونى راستاۋ ءۇشىن حقو-عا بارۋ قاجەت. وزىڭىزبەن بىرگە جەكە كۋالىگىڭىز، ۋاكىلەتتى تۇلعانىڭ راستايتىن قۇجاتتارى مەن باسىپ شىعارىلعان ءوتىنىم بولۋى قاجەت. تەكسەرگەننەن كەيىن وپەراتور راستاۋدى جاسايدى جانە ءسىز ەسق ءوز كومپيۋتەرىڭىزگە جۇكتەپ، وعان ءوز ءپارولىڭىزدى ورناتا الاسىز.
مىنە، ەندى ءسىز ەلەكتروندىق ۇكىمەت پورتالىمەن جۇمىستى باستاي الاسىز.
ەسق پايدالانا وتىرىپ زاڭدى تۇلعالار كەلەسىدەي ارتىقشىلىقتارعا قول جەتكىزبەك:
- ەلەكتروندىق ساۋدا-ساتتىققا قاتىسۋ؛
- جەكە قاتىسۋىنسىز بانكتىك وپەراسيالاردى ورىنداۋ؛
- جەكە قاتىسۋىنسىز ەلەكتروندى ەسەپتەردى تاپسىرۋ؛
- كومپانيانى قاشىقتىقتان باسقارۋ جانە ت.ب.
ەسق-نى ءتۇرلى اقپارات جەتكىزگىشتەرىندە ساقتاۋعا بولادى، ءبىراق بۇل رەتتە ول بوتەن قولعا تۇسپەۋىن جاۋاپكەرشىلىكپەن قاداعالاۋ قاجەت.
ەسق-نىڭ قولدانىس مەرزىمى 1 جىل، ءبىراق پايدالانۋشى ونى ەلەكتروندى پورتالدا مەرزىمى ءوتىپ كەتپەي تۇرىپ تاعى ءبىر جىلعا ۇزارتا الادى.
«ازاماتتارعا ارنالعان ۇكىمەت» مەملەكەتتىك كورپوراسياسى» كەاق تۇركىستان وبلىسى بويىنشا فيليالىنىڭ باسپا ءسوز قىزمەتى
