ETsQ alýǵa ótinimdi QR UKO saitynyń arnaiy bólimi arqyly onlain rejiminde berýge bolady. Ótinimdi qaýipsizdik maqsatynda derbes kompiýterden berý usynylady.
- Eń aldymen pki.gov.kz saityndaǵy «Zańdy tulǵalar úshin ETsQ alý» bólimine kiresiz.
- Odan keiin mártebeńizdi kórsete otyryp qajetti QR UKO tirkeý kýálikteriniń úlgisin tańdaýyńyz qajet. (Ol mekemeniń birinshi basshysy, qol qoiý quqyǵy bar jumysker nemese qarjylyq qujattarǵa qol qoiý quqyǵy bar qyzmetker jáne t.b. bolýy múmkin).
- Onlain-ótinimdi bergennen keiin sizge ony rastaý úshin HQO-ǵa barý qajet. Ózińizben birge jeke kýáligińiz, ýákiletti tulǵanyń rastaityn qujattary men basyp shyǵarylǵan ótinim bolýy qajet. Teksergennen keiin operator rastaýdy jasaidy jáne siz ETsQ óz kompiýterińizge júktep, oǵan óz parolińizdi ornata alasyz.
Mine, endi siz elektrondyq úkimet portalymen jumysty bastai alasyz.
ETsQ paidalana otyryp zańdy tulǵalar kelesidei artyqshylyqtarǵa qol jetkizbek:
- Elektrondyq saýda-sattyqqa qatysý;
- Jeke qatysýynsyz banktik operatsiialardy oryndaý;
- Jeke qatysýynsyz elektrondy esepterdi tapsyrý;
- Kompaniiany qashyqtyqtan basqarý jáne t.b.
ETsQ-ny túrli aqparat jetkizgishterinde saqtaýǵa bolady, biraq bul rette ol bóten qolǵa túspeýin jaýapkershilikpen qadaǵalaý qajet.
ETsQ-nyń qoldanys merzimi 1 jyl, biraq paidalanýshy ony elektrondy portalda merzimi ótip ketpei turyp taǵy bir jylǵa uzarta alady.
«Azamattarǵa arnalǵan úkimet» memlekettik korporatsiiasy» KEAQ Túrkistan oblysy boiynsha filialynyń baspasóz qyzmeti
