بيىل «QazaqGaz» ۇلتتىق كومپانياسى گەولوگيالىق بارلاۋ جانە كۇردەلى قۇرىلىس جوبالارىنا دەن قويدى. بۇل سايكەسىنشە گازدى ىشكى تۇتىنۋدىڭ ارتۋىنا جانە قازاقستاننىڭ گاز قورى اۋقىمىن كەڭەيتۋ قاجەتتىلىگىنە بايلانىستى بولدى، دەپ حابارلايدى Dalanews.kz.
2025 جىلداعى باسىمدىقتار قاتارىندا گاز ينفراقۇرىلىمىن نىعايتۋ جانە «QazaqGaz Aimaq» اقارقىلى استانا مەن ونىڭ اگلومەراسياسىن ودان ءارى گازداندىرۋ جونىندەگى جوبالاردى ىسكە اسىرۋدى قوسا العاندا، وڭىرلەردى كوگىلدىر وتىنمەن قامتۋ كوزدەلدى.
ايماقتار – ەرەكشە نازاردا
2025 جىلى 95 ەلدىمەكەندە 350 مىڭ ادام گازعا قول جەتكىزسە، 2026 جىلى تاعى 41 ەلدىمەكەنگە گاز بەرىلەتىن بولادى. ماسەلەن، ەگەر 2024 جىلدىڭ 1 قاڭتارىندا ەل تۇرعىندارىنىڭ 62%-ى گازبەن قامتاماسىز ەتىلسە، 2025 جىلدىڭ قورىتىندىسى بويىنشا بۇل كورسەتكىش 64،2%-عا دەيىن ءوستى. بۇل رەتتە، ىشكى نارىقتا گاز تۇتىنۋ كولەمى ۇنەمى ءوسىپ كەلەدى: جىل قورىتىندىسى بويىنشا ءتيىستى مەجە 20،4 ملرد م³ قۇرادى. ءىرى جوبالاردى جۇزەگە اسىرۋ جانە جاڭا ماگيسترالدىق گاز قۇبىرلارىن قوسۋ ارقاسىندا جۇزدەگەن ەلدىمەكەندە ءومىر ءسۇرۋگە قاجەت قولايلى جاعداي جاسالىپ، قارقىندى دامۋعا مۇمكىندىك تۋدى.
2025 جىلى گاز ماماندارى ءۇشىن ەڭ ماڭىزدى وقيعالاردىڭ ءبىرى «ءتالدىقورعان-ۇشارال» گاز قۇبىرىنىڭ قۇرىلىسىن مەرزىمىنەن بۇرىن 1 جىل جانە 4 ايعا اياقتاۋبولدى. جوبانى ىسكە اسىرۋدىڭ ارقاسىندا جەتىسۋ وبلىسىنىڭ 84 ەلدىمەكەنى گازعا قوسىلاتىن بولادى، بۇل ءوڭىءردى گازداندىرۋ دەڭگەيىن 56،5%-دان 76%-عا دەيىن كوتەرۋگە جول اشادى.
مەملەكەت باسشىسىنىڭ تاپسىرماسى بويىنشا «سارىارقا» گاز قۇبىرىنىڭ 1ء-شى كەزەڭىن ىسكە اسىرۋ اياسىندا استانانىڭ اينالاسىندا ورنالاسقان ەلدىمەكەندەردى گازداندىرۋ جۇمىسى جۇرگىزىلۋدە. «QazaqGaz Aimaq» كومپانياسى ماماندارىنىڭ بەلسەندى اتسالىسۋىمەن نۇرلى، تالاپكەر، قوياندى، ى.التىنسارين، اققايىڭ ەلدىمەكەندەرىندەگى 35 مىڭ ادام گاز يگىلىگىن كورە باستادى. قازاقستان پرەزيدەنتى قاسىم-جومارت توقايەۆ قاتىسقان تەلەكوپىر بارىسىندا قوسشى قالاسى گازعا قوسىلدى. ءسويتىپ قالاداعى 31 مىڭ تۇرعىن «كوگىلدىر وتىنعا» قوسىلۋ مۇمكىندىگىنە يە بولدى.
وركەندەۋ كىلتى – گاز ءترانزيتى
حالىقارالىق گاز ءترانزيتى كولەمىنىڭ ۇلعايۋى 2025 جىلى كومپانيانىڭ وپەراسيالىق جانە قارجىلىق كورسەتكىشتەرىن جاقسارتۋعا ىقپالىن تيگىزدى. جىل قورىتىندىسىندا ماگيسترالدىق تاسىمالداۋ كولەمى جوسپاردان 5%-عا ارتىق ورىندالدى، ەكسپورت جەتكىزىلىمدەرءى ءوسءتى جانە حالىقارالىق ترانزيتتەن تۇسەتىن كىرىس ۇلعايدى.
گاز تاسىمالداۋدىڭ جالپى كولەءمى 88،3 ملرد تەكشە مەتردى قۇراپ، ونىڭ 53،2 ملرد تەكشە مەترى «ورتا ازيا — ورتالىق»، «سويۋز — ورىنبور — نوۆوپسكوۆ» جانە «بۇحارا — ورال» ماگيسترالدىق گاز قۇبىرلارى ارقىلى وتەتىن ترانزيتكە تيەسىلى بولدى. بۇل دەگەنىڭىز، ۇلتتىق كومپانيا قىزمەتىندە ترانزيت باعىتىنىڭ ماڭىزدىلىعىن كورسەتۋدە.
سيفرلاندىرۋداعى سەرپىلىس
QazaqGaz كۇندەلىكتى جۇمىسىندا جاساندى ينتەللەكتىنى (جي) ەنگىزۋءدى بەرىك ۇستانىپ وتىر.
كومپانيانىڭ باستى تۇتىنۋشىلىق ءونىمى – QazaqGaz Aimaq ءموبيلدى قوسىمشاسى، ابونەنتتەرگە ەسەپكە الۋ قۇرالدارىنىڭ كورسەتكىشتەرىن فوتوسۋرەتتەر ارقىلى بەرۋگە مۇمكىندىك تۋعىزدى. جاساندى ينتەللەكتكە نەگىزدەلگەن الگوريتمدەر ەسەپتەگىش كورسەتكىشتەرىن اۆتوماتتى تۇردە تانيدى جانە دەرەكتەردى ابونەنتتىڭقاتىسۋىنسىز وڭدەيدى. ءقازىردىڭ وزىندە 330 مىڭنان استام ادام وسى سەرۆيستى پايدالانسا، 2026 جىلدىڭ سوڭىنا دەيىن بارلىق ابونەنتتءىڭ كەمىندە 10%-ىن قوسىمشاعا قوسۋ جوسپارلانۋدا.
Egov پورتالىندا قولدانىسقا بەرىلگەن گازداندىرۋ جونىندەگى جي-كەڭەسشى جىلدام ءارى تاۋلىك بويى جاۋاپ بەرە وتىرىپ، بايلانىس ورتالىقتارىنىڭ جۇمىسىن جەڭىلدەتۋدە. سونىمەن قاتار، تەحنيكالىق شارتتاردى بەرۋ پروسەسى تولىعىمەن ونلاين سيپاتقا كوشتى. قاجەتتى قۇجاتتار دەرەكقوردان اۆتوماتتى تۇردە جۇكتەلەدى جانە ولاردى تىركەۋ جىلدامدىعى 12 ەسەگە ءوستى. ءقازىردىڭ وزىندە ابونەنتتەردىڭ جارتىسى ونى ونلاين تارتىپتە الۋدى قۇپ كورۋدە.
گاز قورىن كەڭەيتۋ
كومپانيا گەولوگيالىق بارلاۋدى جانداندىردى. جامبىل وبلىسىندا مالدىباي ۋچاسكەسىندە گاز قورىراستالىپ، سەيسميكالىق بارلاۋ جۇمىسىنا دايىندىق جۇرگىزىلۋدە. اناباي كەن ورنىندا ءۇش پايدالانۋ جانە ءبىر باعالاۋ ۇڭعىماسى بۇرعىلاندى.
سونىمەن بىرگە، امانگەلدى توبىنىڭ قۇرامىندا بارحاننايا كەن ورنى ىسكە قوسىلدى. جوبا جاڭا جۇمىس ورىندارىن قۇرۋدى جانە مەملەكەتتىك بيۋدجەتكە قوسىمشا تۇسىمدەر جاساۋدى كوزدەيدى. كەن ورنىندا گاز ءوندىرۋ 2026 جىلى شامامەن 30 ملن تەكشە مەتردى، ال 2028 جىلعا قاراي ەڭ جوعارى دەڭگەي رەتىندە 65 ملن تەكشە مەتردى قۇرايدىدەپ كۇتىلۋدە.
بىرنەشە كەلىسىمگە قول قويىلدى:
-قازازوت كومپانياسىمەن سيەۆەرنىي-2 ۋچاسكەسى بويىنشا جەر قويناۋىن پايدالانۋ جونىندەگى كەلىسىم؛
-سارالجىن ۋچاسكەسى بويىنشا جەر قويناۋىن پايدالانۋ جونىندەگى كەلىسىم؛
-CNPC كومپانياسىمەن «سيەۆەرنىي-1» ۋچاسكەسى بويىنشا بىرلەسكەن قىزمەتتى جۇزەگە اسىرۋ، سونداي-اقازىرلەۋ جوباسى بەكىتىلگەنگە جانە ونەركاسىپتىك پايدالانۋعا كوشكەنگە دەيىنگى بارلاۋ كەزەڭىن قارجىلاندىرۋ تۋرالى كەلىسىمدەر جاسالدى. «سيەۆەرنىي-1» جوباسى گازدىڭ رەسۋرستىق بازاسىن ۇلعايتۋدا اسا ۇلكەن رول اتقارماق. جاڭا كەلىسىمدەرگە قول قويۋ ءراسىمى پەكيندەگى جو،ارى دەڭگەيدە وتكەن كەزدەسۋلەر اياسىندا جۇزەگە اسىرىلدى.
- 2025 جىلى Chevron كومپانياسىمەن كت-III(جالىبەك) ۋچاسكەسىن بىرلەسىپ زەرتتەۋ جۇمىستارىاياقتالدى. بىرلەسكەن جوبانى ىسكە اسىرۋ بويىنشا كەلەسى قادامدار تالقىلانۋدا. سونىمەن قاتار، ENI كومپانياسىمەن باتىس قازاقستاندا ورنالاسقان كامەنكوۆسكيي بلوگى بويىنشا كەلىسسوزدەر ءجۇرىپ جاتىر.
اۋقىمدى گاز جوبالارى
گازعا ىشكى سۇرانىستىڭ ارتۋى، وڭىرلەردى بەلسەندى گازداندىرۋ جانە ەكسپورتتىق-ترانزيتتىك الەۋەتتى دامىتۋ جاعدايىندا QazaqGaz ءبىرقاتار ستراتەگيالىق باستامالاردى ىسكە اسىرۋدا. ولاردىڭ ىشىندە شيكى گازدى وڭدەۋ بويىنشا اۋقىمدى جوبالار بار.
مىسالى، ۇلتتىق كومپانيا ءۇشىن قۋاتتىلىعى جىلىنا 1 ملرد تەكشە مەتر قاشاعان گاز وڭدەۋ زاۋىتىنىڭ قۇرىلىسىنىڭ سالماعى زور. جوبا ءقازىردىڭ وزىندە بەلسەندى جۇرۋدە: جاۋاپتى ىسكە 2 مىڭنان استام جۇمىسشى جۇمىلدىرىلىپ، 340-تان استام تەحنيكا تارتىلعان. بۇدان تىس، قۋاتى 2،5 ملرد تەكشە مەتر جاڭا گاز وڭدەۋ زاۋىتى بويىنشا الدىن الا جوبالاۋ (رre-FEED) كەزەڭى اياقتالدى.
«بەينەۋ – بوزوي – شىمكەنت» گاز قۇبىرىنىڭ ەكىنشى جەلىسىنىڭ جوباسى ەلدى بولاشاق گازبەن جابدىقتاۋدىڭتۇراقتىلىعى تۇرعىسىندا ەرەكشە ءمانگە يە بولۋدا. 2025 جىلى جوبا مەملەكەتتىك ساراپتامانىڭ وڭ قورىتىندىسىن الدى، سونداي-اق قۇبىرلار مەن گاز ايداۋ اگرەگاتتارىن جەتكىزۋگە كەلىسىمشارتتار جاسالدى. بۇل ءوز كەزەگىندە قۇرىلىستى ىسكە اسىرۋ كەزەڭىنە وتۋگە مۇمكىندىك بەرەدى.
سىعىمدالعان تابيعي گازدى دامىتۋ بويىنشا جۇيەلى جۇمىس جۇرگىزىلىپ كەلەدى. بۇگىنگى تاڭدا قازاقستاندا كولىككە گاز قۇياتىن 24 كومپرەسسورلىق ستانسياسى جۇمىس ىستەيدى، ونىڭ 6-ى «QazaqGaz Onimderi» ج ش س تيەسىلى. ستانسيالار الماتى مەن اقتوبەدە جۇمىس ىستەيدى. 2026 جىلى «QazaqGaz» برەندىمەن الماتى، اقتوبە، تاراز قالالارىندا جانە جەتىسۋ وبلىسىندا تاعى بەس بەكەت ىسكە قوسىلادى دەپ جوسپارلانۋدا.
ادامي كاپيتال
جۇمىسشى ماماندىقتار جىلى QazaqGaz ادامي رەسۋرستاردى دامىتۋعا باسا نازار اۋداردى. ۇلتتىق گاز كومپانياسىنىڭ كادرلىق الەۋەتىن دامىتۋ جانە بولاشاق كادر قورىن دايىنداۋ بويىنشا «QazaqGaz كوشباسشىلار پۋلى» جوباسى ىسكە قوسىلدى. كادر رەزەرۆىنە اكىمشىلىك، ينجەنەرلىك-تەحنيكالىق جانە وندىرىستىك بلوكتاردان كوپساتىلى ىرىكتەۋدەن ءساتتى وتكەن QazaqGaz كومپانيالار توبىنىڭ 27 قىزمەتكەرى كىردى.
سونىمەن قاتار 8 مىڭنان استام مامان جۇمىسشى كاسىپتەرى بويىنشا قايتا دايارلاۋدان جانە وقىتۋدان ءوتتى. گازشىلار تۇراقتى نەگىزدە «ۇزدىك مامان» كاسىبي شەبەرلىك كونكۋرسىنا قاتىسىپ، بىلىكتىلىگىن راستايدى جانە جالاقىلارىنا قوسىمشا ۇستەمەاقى الادى.
ەڭبەك جاعدايىن جاقسارتۋعا ەرەكشە نازار اۋدارىلىپ، تەمىرتاۋ مەن جەزقازعاندا ۇلتتىق كومپانيانىڭ ەنشىلەس كاسىپورنى «ينتەرگاز ورتالىق ازيا» قولعا الۋىمەن زاماناۋي ۆاحتا كەشەندەرى سالىندى. ولاردىڭ ءارقايسىسىندا اكىمشىلىك-تۇرمىستىق بلوك، وقۋ سىنىبى، مەديسينالىق كابينەتتەر، جاتتىعۋ زالى، كىر جۋاتىن بولمە، دەمالىس بولمەلەرى جانە زاماناۋي قاۋىپسىزدىك جۇيەسى بار. اتىراۋدا جاتاقحاناعا كۇردەلى جوندەۋ جۇرگىزىلدى. بارلىعى 2025 جىلى الەۋمەتتىك-تۇرمىستىق احۋالدى جاقسارتۋ ماقساتىندا 33 نىسان جوندەلدى.
ۇلتتىق كومپانيانىڭ بيىلعى 25 جىلدىق مەرەيتويىنا وراي گاز سالاسىن دامىتۋعا ۇلەس قوسقان ەڭبەك ادامدارىنا سىي-قۇرمەت كورسەتىلدى. ءۇش مىڭنان استام جۇمىسشى مەن ارداگەر ماراپات يەلەنىپ، ەل وڭىرلەرىندە گاز قىزمەتكەرلەرىن جانە ولاردىڭ كاسىبي جولىن قۇرمەتتەۋگە ارنالعان سالتاناتتى ءىس-شارالار ءوتتى.
گاز سالاسىن دامىتۋ جۇيەلى تۇردە جۇرگىزىلىپ كەلەدى. الدا وڭىرلەردى ودان ءارى گازداندىرۋدان جانە گازدىڭ رەسۋرستىق بازاسىن دامىتۋدان باستاپ، ينفراقۇرىلىمدى جاڭعىرتۋعا جانە ىشكى جانە سىرتقى نارىقتارعا جەتكىزىلىمدەردىڭ سەنىمدىلىگىن ارتتىرۋعا دەيىنگى كوپتەگەن كەلەلى مىندەت تۇر. QazaqGaz كەلەسى جىل تابالدىرىعىن باسىمدىقتاردى ناقتى ايقىنداعان جانە ولاردى ىسكە اسىرۋعا دايەكتى تۇردە كىرىسۋگە دايىن كۇيدە اتتاۋدا. ناتيجەسى سول، قازاقستاندىقتاردىڭ گاز يگىلىگىنە قول جەتكىزۋى جوعارىلاپ، ەلدىڭ ەنەرگەتيكالىق قاۋىپسىزدىگى نىعايۋدا.
