ا.ەسٸموۆتىڭ جۇمىستى وڭ باعالايتىن جٶنٸ بار. ايتالىق, 2019 جىلدىڭ باسىندا «سامۇرىق-قازىنا» قورى بٸر جىلدا تابىس كٶلەمٸن 20,5 پايىزعا نەمەسە 157 ملرد تەڭگەگە ۇلعايتۋدى جوسپارلاعان-دى. جۇمىس بارىسىندا ويعا العان ٸس 38 پايىزعا ارتىعمەن ورىندالعان.
وسى رەتتە «ساۇرىق-قازىنا» قورىنىڭ 2017 جىلدان بەرگٸ قارىزدىق جٷكتەمەسٸ 1 ترلن تەڭگەگە تٶمەندەگەنٸن دە ايتا كەتۋٸمٸز كەرەك. ال سىرتقى قارىزدار 5,1 ملرد دوللارعا كەمٸگەن.
ەڭ باستىسى قوردىڭ باستى اكتسيونەرٸ سانالاتىن ٷكٸمەتتٸڭ ديۆيدەنتٸ 190 ملرد تەڭگەنٸ قۇراپ, ەكٸ ەسەگە ٶسكەنٸ مەلٸم بولدى.
– مۇنداي جوعارى نەتيجەگە 2018 جىلى ەلباسى بەكٸتٸپ بەرگەن دامۋ ستراتەگيياسىنىڭ ارقاسىندا قول جەتكٸزدٸك, – دەپ اعىنان جارىلدى ا.ەسٸموۆ مىرزا.
ال قوردان بيۋدجەتكە تٷسەتٸن تٷسٸمدەر 2019 جىلى 1,2 ترلن تەڭگەنٸ قۇراعان. بۇل – جالپى بيۋدجەتتٸڭ 10 پايىزىن قۇرايتىنىن ايتا كەتۋٸمٸز كەرەك.
قورعا قاراستى جەكەلەگەن كومپانييالاردىڭ تابىستىلىعى جايىندا سٶز قوزعاساق. ٶتكەن جىلى Air Astana كومپانيياسىنىڭ جولاۋشىلار تاسىمالداۋ اعىنى 2018 جىلمەن سالىستىرعاندا 17 پايىزعا ارتقان. ال «قازمۇنايگاز» ۇك» اق-نىڭ تازا تابىسى 39 پايىزعا ۇلعايعانى بەلگٸلٸ بولدى. سول سيياقتى «قتج» ۇك» كومپانيياسىنىڭ تابىسى 2018 جىلمەن سالىستىرعاندا 35 پايىزعا ٶسٸپتٸ.
