A.Esimovtyń jumysty oń baǵalaityn jóni bar. Aitalyq, 2019 jyldyń basynda «Samuryq-Qazyna» qory bir jylda tabys kólemin 20,5 paiyzǵa nemese 157 mlrd teńgege ulǵaitýdy josparlaǵan-dy. Jumys barysynda oiǵa alǵan is 38 paiyzǵa artyǵmen oryndalǵan.
Osy rette «Sauryq-Qazyna» qorynyń 2017 jyldan bergi qaryzdyq júktemesi 1 trln teńgege tómendegenin de aita ketýimiz kerek. Al syrtqy qaryzdar 5,1 mlrd dollarǵa kemigen.
Eń bastysy qordyń basty aktsioneri sanalatyn Úkimettiń dividenti 190 mlrd teńgeni qurap, eki esege óskeni málim boldy.
– Mundai joǵary nátijege 2018 jyly Elbasy bekitip bergen damý strategiiasynyń arqasynda qol jetkizdik, – dep aǵynan jaryldy A.Esimov myrza.
Al qordan biýdjetke túsetin túsimder 2019 jyly 1,2 trln teńgeni quraǵan. Bul – jalpy biýdjettiń 10 paiyzyn quraitynyn aita ketýimiz kerek.
Qorǵa qarasty jekelegen kompaniialardyń tabystylyǵy jaiynda sóz qozǵasaq. Ótken jyly Air Astana kompaniiasynyń jolaýshylar tasymaldaý aǵyny 2018 jylmen salystyrǵanda 17 paiyzǵa artqan. Al «QazMunaiGaz» UK» AQ-nyń taza tabysy 39 paiyzǵa ulǵaiǵany belgili boldy. Sol siiaqty «QTJ» UK» kompaniiasynyń tabysy 2018 jylmen salystyrǵanda 35 paiyzǵa ósipti.
