كاسىپكەر داننا قاراعۇسوۆا عارىشقا تۋريست رەتىندە ۇشىپ كەلدى، دەپ حابارلايدى Dalanews.kz. 

داننا كاراگۋسوۆا Blue Origin كومپانياسىنىڭ New Shepard زىمىرانىمەن عارىشقا ۇشتى.

قازاقستاندىق داننا كاراگۋسوۆا Blue Origin كومپانياسىنا تيەسىلى New Shepard زىمىرانىمەن سۋبوربيتالىق ۇشۋدى جۇزەگە اسىردى. ۇشۋ بەينەجازباسى كومپانيانىڭ YouTube ارناسىندا جاريالاندى.

بۇل Blue Origin كومپانياسىنىڭ New Shepard باعدارلاماسى اياسىنداعى 15ء-شى ادام قاتىسقان ۇشۋ.

ەكيپاج قۇرامى

كاراگۋسوۆادان بولەك ەكيپاج قۇرامىندا دجەفف ەلدجين، كلينت كەللي III، ۋيلل ليۋيس، اارون نيۋمان جانە ۆيتاليي وستروۆسكيي بولدى.

ميسسيانىڭ ەرەكشەلىگى

NS-36 ميسسياسى New Shepard باعدارلاماسىنداعى 15ء-شى پيلوتتىق ۇشۋ بولىپ سانالادى. وسى ۋاقىتقا دەيىن New Shepard كەمەسى عارىشقا جالپى 86 ادامدى ۇشىرعان.

Blue Origin كومپانياسىنىڭ العاشقى سۋبوربيتالىق ۇشۋى 2021 جىلدىڭ 20 شىلدەسىندە ءوتتى. سول ساپاردىڭ قاتىسۋشىلارىنىڭ ءبىرى Amazon جانە Blue Origin كومپانيالارىنىڭ نەگىزىن قالاعان امەريكالىق ميللياردەر دجەفف بەزوس بولعان.

ۇشۋ دەرەكتەرى

ەكيپاج وتىرعان كاپسۋلا جەر بەتىنەن 106 شاقىرىم، ياعني تەڭىز دەڭگەيىنەن 107 شاقىرىم بيىكتىككە دەيىن كوتەرىلدى. ۇشۋ ميسسياسىنىڭ جالپى ۇزاقتىعى 10 مينۋت 21 سەكۋند بولدى.

ايتا كەتەيىك، ب ا ق مالىمەتتەرىنشە، عارىش ءتۋريزمىنىڭ قۇنى شامامەن 250 مىڭ اقش دوللار.