Kásipker Danna Qaraǵusova ǵaryshqa týrıs retinde ushyp keldi, dep habarlaıdy Dalanews.kz.
Danna Karagýsova Blue Origin kompanıasynyń New Shepard zymyranymen ǵaryshqa ushty.
Qazaqstandyq Danna Karagýsova Blue Origin kompanıasyna tıesili New Shepard zymyranymen sýborbıtalyq ushýdy júzege asyrdy. Ushý beınejazbasy kompanıanyń YouTube arnasynda jarıalandy.
Bul Blue Origin kompanıasynyń New Shepard baǵdarlamasy aıasyndaǵy 15-shi adam qatysqan ushý.
Ekıpaj quramy
Karagýsovadan bólek ekıpaj quramynda Djeff Eldjın, Klınt Kellı III, Ýıll Lúıs, Aaron Núman jáne Vıtalıı Ostrovskıı boldy.
Mısıanyń ereksheligi
NS-36 mısıasy New Shepard baǵdarlamasyndaǵy 15-shi pılottyq ushý bolyp sanalady. Osy ýaqytqa deıin New Shepard kemesi ǵaryshqa jalpy 86 adamdy ushyrǵan.
Blue Origin kompanıasynyń alǵashqy sýborbıtalyq ushýy 2021 jyldyń 20 shildesinde ótti. Sol sapardyń qatysýshylarynyń biri Amazon jáne Blue Origin kompanıalarynyń negizin qalaǵan amerıkalyq mıllıarder Djeff Bezos bolǵan.
Ushý derekteri
Ekıpaj otyrǵan kapsýla Jer betinen 106 shaqyrym, ıaǵnı teńiz deńgeıinen 107 shaqyrym bıiktikke deıin kóterildi. Ushý mısıasynyń jalpy uzaqtyǵy 10 mınýt 21 sekýnd boldy.
Aıta keteıik, BAQ málimetterinshe, ǵarysh týrızminiń quny shamamen 250 myń AQSH dollar.
