بيزنەستٸ دامىتۋدىڭ باستى قارجى كٶزٸ كومپانييالاردىڭ ٶز قاراجاتى بولىپ تابىلادى. 2025 جىلعى قاڭتار-تامىز ايلارىندا وتاندىق كومپانييالاردىڭ نەگٸزگٸ كاپيتالىنا قۇيىلعان ينۆەستيتسييا كٶلەمٸ 11 ترلن 543,1 ملرد تەڭگەنٸ قۇرادى, بۇل 2024 جىلعى قاڭتار-تامىز ايلارىمەن سالىستىرعاندا 14,3%-عا كٶپ, دەپ حابارلايدى Dalanews.kz.
"ينۆەستيتسييالاردى قارجىلاندىرۋدىڭ باسىم كٶزدەرٸ شارۋاشىلىق جٷرگٸزۋشٸ سۋبەكتٸلەردٸڭ مەنشٸكتٸ قاراجاتى بولىپ قالا بەرەدٸ: 7 ترلن 320 ملرد تەنگە نەمەسە جالپى كٶلەمنٸڭ 63,4%-ى. ينۆەستيتسييا قۇرامىنداعى بيۋدجەت اقشاسىنىڭ كٶلەمٸ 23% بولىپ, ٶتكەن جىلعى دەڭگەيدەن 42,6%-عا ارتقان.نەگٸزگٸ كاپيتالعا سالىنعان ينۆەستيتسييالاردىڭ جالپى كٶلەمٸندە ەكونوميكانىڭ ناقتى سەكتورىن قارجىلاندىرۋداعى بانك سالاسىنىڭ ٷلەسٸ نەبەرٸ 3,5% بولادى", دەپ كٶرسەتٸلگەن ۇلتتىق ستاتيستيكا بيۋروسى ۇسىنعان تىڭ دەرەكتە.
نەگٸزگٸ كاپيتالداعى قالعان 10,1% ينۆەستيتسييا قارىز الۋشى ٶزگە كٶزدەرگە تيەسٸلٸ, سونىڭ ٸشٸندە شەتەلدٸك قارىزدار دا بار (3,2%).
نەگٸزگٸ كاپيتالعا سالىنعان ينۆەستيتسييالاردىڭ نكي ٶسٸمٸ اقمولا (49,3%-عا), اقتٶبە (38,7%-عا), استانا قالاسى (35,8%-عا), جامبىل (32,4%-عا), الماتى قالاسى (26,1%-عا), تٷركٸستان (25,1%-عا), جەتٸسۋ (21,6%-عا), الماتى (16,9%-عا), سولتٷستٸك قازاقستان (16,8%-عا) جەنە پاۆلودار (16,7%-عا) وبلىستارىندا بايقالدى.
ينۆەستيتسييانىڭ ەدەۋٸر ٷلەسٸن استانا قالاسى (11,9%) جەنە الماتى قالاسى (11,2%) الادى.
جالپى شىعىنداردىڭ 68,3% عيماراتتار مەن يماراتتاردى سالۋ جەنە كٷردەلٸ جٶندەۋ جۇمىستارىنا جەنە جالپى كٶلەمنٸڭ 27,2% ماشينالاردى, جابدىقتاردى جەنە كٶلٸك قۇرالدارىن ساتىپ الۋعا جۇمسالادى.
2025 جىلعى قاڭتار-تامىزدا نەگٸزگٸ كاپيتالعا سالىنعان ينۆەستيتسييالاردىڭ نەگٸزگٸ ٷلەسٸ ٶنەركەسٸپكە (37,3%) (ونىڭ ٸشٸندە تاۋ-كەن ٶندٸرۋ ٶنەركەسٸبٸنە جەنە كارەرلەردٸ قازۋىنا–15,7%, ٶڭدەۋ ٶنەركەسٸبٸنە–(11%), جىلجىمايتىن مٷلٸكپەن وپەراتسييالارعا (19,4%), كٶلٸك جەنە قويمالاۋعا (18%) جەنە بٸلٸم بەرۋ (7,3%) تيەسٸلٸ.
