– بوزجىراعا كەلۋشٸلەر سانى جىل سايىن ەسەلەپ ارتۋدا. الايدا قاراجات تاپشىلىعىنان تۋريستٸك قىزمەتتٸ تالاپقا ساي ۇيىمداستىرۋعا مٷمكٸندٸك بولماي, بوزجىرا اڭعارىنا ٷستٸرت شىڭىنىڭ ٷستٸ جەنە استى ارقىلى اندىزداپ كەلەتٸن ونداعان بورپىلداق دالا جولدارى پايدا بولدى. ولارمەن بٸرنەشە اۆتوكٶلٸك ەر جولمەن قاپتالداسا, انداعايلاي جٷيتكٸگەن كەزدەگٸ الاپات اق توزاڭدى كٶرگەندە جانىڭىز تٷرشٸگەدٸ. ال ادامنىڭ قىساستىعىنان جٶڭكٸلە قاشقان ارقار, قاراقۇيرىق سىندى اڭداردىڭ كٶرٸنٸسٸ جٷرەك سىزداتادى. «جابايى تۋريزمدٸ» تەرتٸپكە كەلٸتٸرٸپ, «ەكولوگييالىق تۋريزمگە» اينالدىرماسا, اندىزداعان جول, انداعايلاعان اۆتوكٶلٸك اعىنى جاندى جەنە جانسىز تابيعاتتىڭ تٷبٸنە جەتەتٸنٸ انىق, – دەيدٸ ول.
ساراپشى مامان ينۆەستور كومپانييالاردى الىس-جاقىننان كەلگەن تۋريستەردٸ قابىلدايتىن بٸر قاباتتى قوناقٷيدٸ بوزجىرا نايزاشىڭدارى تٷبٸنەن سالۋ جٶنٸندەگٸ ۇسىنىسىنا قارسى بولىپ, ٶز ۋەجٸن جينالىستاردا بٸلدٸرگەن.
– سونىمەن قاتار بٸرقاتار ازاماتتار ۇسىنعانداي تۋريستٸك قابىلداۋ ورنىن 10-50 شاقىرىم قاشىقتان سالۋدىڭ تيٸمسٸزدٸگٸنە دە كٶز جەتكٸزدٸك. سەبەبٸ الىستاعى تۋريستٸك قابىلداۋ ورنىندا تۇرىپ, سان-ساپات دالا جولىمەن تۋريستەردٸڭ قانداي كٶلٸكپەن, قاي جاقتان كەلگەنٸن, قالاي جٷرگەنٸن, نە جاساپ جاتقانىن باقىلاۋ, رەتتەۋ مٷمكٸن ەمەس تٷسٸندٸك. سوندىقتان شاعىن قوناق ٷيٸ, ۆيزيت-ورتالىعى بار تۋريستٸك نىساندار بٸرنەشە شاقىرىمداعى اڭعار مەن نايزاشىڭدار تٷگەل كٶرٸنەتٸن تٶبە ٷستٸندە ورنالاستىرۋ كەرەك. وندا مەدەني تۋريزمدٸ ۇيىمداستىرۋ ٷشٸن مٸندەتتٸ تٷردە قوناقٷي, اۆتوتۇراق, كەلۋشٸلەردٸڭ تٷرلٸ قاجەتتەرٸن ٶتەيتٸن ورىندار, پايدالاناتىن ات, تٷيە, «ەكوكٶلٸكتەر» مەن ەۋە شارلارىن ساقتايتىن جەنە قىزمەتشٸلەر مەن گيدتەرگە ىستىق-سۋىقتا پانالايتىن باسپانا بولۋى شارت. ەگەر مۇنداي ورىن تىم قاشىقتا بولسا, اقتاۋدان ەكٸ-ٷش ساعاتتا جەتٸپ باراتىن تەپ-تەگٸس جولدا كٶپشٸلٸك وعان توقتاماي-اق, بٸردەن بوزجىراعا تارتارى سٶزسٸز, – دەيدٸ و.توعجانوۆ.
جول مەسەلەسٸن ايتا كەلە مامان بوزجىرا اۋماعىنلا اۆتوقوزعالىسقا شەكتەۋلەر قويۋ قاجەتتٸگٸن تٷسٸندٸردٸ.
– بەكەت اتاعا 15 شاقىرىمداي جەتپەي «اتا جولىنان» بۇرىلىپ شىڭ ٷستٸندەگٸ بوزجىرا پانورامالىق الاڭقايىنا باراتىن, ۇزىندىعى نەبەرٸ 10 شاقىرىم جولعا قاتقىل تابان تٶسەپ, بيٸك اۆتوكٶلٸكتەرگە مٷلدەم تيىم سالۋ كەرەك. بوزجىرا القابىن تولىق باقىلاۋدا ۇستاپ, ونىڭ ەكولوگييالىق جەنە رەكرەاتسييالىق سىيىمدىلىعىن ەسكەرە وتىرىپ, تۋريستەردٸ ارناۋلى سوقپاقپەن جاياۋ نەمەسە ات, تٷيە, ۆەلوسيپەد سىندى «ەكولوگييالىق تازا» كٶلٸكپەن جەتكٸزۋگە, ەۋە شارلارىمەن كٶتەرٸلۋگە, بيٸك مۇنارالارعا شىعۋعا عانا رۇقسات بەرۋگە بولادى, – دەپ ايتتى مامان.
توعجانوۆتىڭ پٸكٸرٸنشە, جايىلىمى مول بوزجىرا شاتقالدارىنىڭ جاقىن قولايلى جەرٸنەن اڭ ٸشەتٸن سۋ كٶزٸن جاساسا, تۋريستەر بەكەت اتا باسىنداعىداي ادامعا ٷيرەنگەن اڭداردى دا تاماشالاي الادى.
