قۇتقارىلعان تۇرعىنداردىڭ جەتەۋى – بالا. قۇتقارۋشىلار ءورتتى نەبارى جارتى ساعاتتىڭ ىشىندە ءسوندىرىپ ۇلگەردى، دەپ حابارلايدى Dalanews.kz.
ەكىباستۇز قالالىق توتەنشە جاعدايلار باسقارماسىنىڭ مالىمەتىنشە، 7 اقپان كۇنى ساعات 07:08-دە اباي كوشەسى، 49/2 مەكەنجايى بويىنشا ورنالاسقان كوپقاباتتى ءۇيدىڭ ءتورتىنشى قاباتىندا پاتەر جانىپ جاتقانى تۋرالى حابارلاما تۇسكەن.
“ءورت سوندىرۋشىلەر وقيعا ورنىنا شۇعىل جەتتى. اتالعان مەكەنجايدا ەكى بولمەلى پاتەردىڭ بالكونى مەن قوناق بولمەسىندە ءۇي زاتتارى جانىپ جاتقانى انىقتالعان. ءورتتىڭ اۋماعى 12 شارشى مەتردى قۇرادى”، – دەلىنگەن توتەنشە جاعدايلار باسقارماسىنىڭ حابارلاماسىندا.
ءورت ءسوندىرۋ بولىمشەلەرى باسپالداقپەن كوتەرىلگەنگە دەيىن پودەزدە تۇراتىن 20 ادام ءوز بەتىنشە دالاعا شىعىپ ۇلگەرگەن. جالىن ساعات 07.25-تە اۋىزدىقتالىپ، ساعات 07.47-دە ءسوندىرىلدى.
ءورتتىڭ شىعۋ سەبەپ-سالدارى انىقتالۋدا.
