Qutqarylǵan turǵyndardyń jeteýi – bala. Qutqarýshylar órtti nebári jarty saǵattyń ishinde sóndirip úlgerdi, dep habarlaidy Dalanews.kz.
Ekibastuz qalalyq tótenshe jaǵdailar basqarmasynyń málimetinshe, 7 aqpan kúni saǵat 07:08-de Abai kóshesi, 49/2 mekenjaiy boiynsha ornalasqan kópqabatty úidiń tórtinshi qabatynda páter janyp jatqany týraly habarlama túsken.
“Órt sóndirýshiler oqiǵa ornyna shuǵyl jetti. Atalǵan mekenjaida eki bólmeli páterdiń balkony men qonaq bólmesinde úi zattary janyp jatqany anyqtalǵan. Órttiń aýmaǵy 12 sharshy metrdi qurady”, – delingen tótenshe jaǵdailar basqarmasynyń habarlamasynda.
Órt sóndirý bólimsheleri baspaldaqpen kóterilgenge deiin podezde turatyn 20 adam óz betinshe dalaǵa shyǵyp úlgergen. Jalyn saǵat 07.25-te aýyzdyqtalyp, saǵat 07.47-de sóndirildi.
Órttiń shyǵý sebep-saldary anyqtalýda.
