قازاقستان مۇسىلماندارى دٸني باسقارماسى deepfake-تٸ قولدانۋعا قاتىستى پەتۋا شىعاردى, دەپ حابارلايدى Dalanews.kz.
يسلام دٸنٸ عىلىم مەن تەحنولوگييانىڭ دامۋىنا, جاڭالىق اشۋعا تىيىم سالمايدى. الايدا بۇل دامۋ ادامزات يگٸلٸگٸنە, ەدٸلەتتٸلٸككە, ادامگەرشٸلٸككە نەگٸزدەلٸپ, شاريعاتتىڭ اياسىندا جٷزەگە اسۋى تيٸس. سوندىقتان كەز كەلگەن تەحنولوگييا يگٸ ماقساتتا قولدانىلسا – رۇقسات, ال جاماندىققا, زيياندى ماقساتتا قولدانىلسا تىيىم سالىنادى.
Deepfake تەحنولوگيياسى ارقىلى ادامنىڭ شىن مەنٸندە ايتپاعان سٶزدەرٸن ايتقانداي نەمەسە ٸستەمەگەن ٸس-ەرەكەتتەرٸن ٸستەگەندەي ەتٸپ جاساۋ, جالعان اقپارات تاراتۋ, شاريعات بويىنشا قاتاڭ تىيىم سالىنادى. مۇنداي جالعان اقپارات تاراتۋ ەل تىنىشتىعىن بۇزىپ, قوعام ٸشٸندە ٸرٸتكٸ تۋدىرادى. الدىن الماسا, سالدارى ەلدٸڭ ىنتىماق-بٸرلٸگٸنە سىزات تٷسٸرٸپ, قوعامعا زالالىن تيگٸزەدٸ.
Deepfake ەدەتتە ٶزگەگە زييان كەلتٸرۋ ماقساتىندا پايدالانىلادى. پايعامبارىمىز (وعان اللانىڭ سالاۋاتى مەن سەلەمٸ بولسىن):
سونىمەن قاتار, مۇنداي كونتەنت ادامداردى قورقىتىپ, ٶمٸرٸنە قاۋٸپ تٶندٸرۋٸ مٷمكٸن. ال يسلام دٸنٸ ادام ٶمٸرٸنٸڭ قاۋٸپسٸزدٸگٸن ەڭ ماڭىزدى ماقساتتارىنىڭ بٸرٸ رەتٸندە قاراستىرادى. تٸپتٸ قالجىڭ تٷرٸندەگٸ قورقىتۋعا دا شاريعاتتا قاتاڭ تىيىم سالىنعان.
شەشٸم:
ديپفەيك تەحنولوگيياسى ارقىلى ادامنىڭ شىن مەنٸندە ايتپاعان سٶزدەرٸن ايتقانداي نەمەسە ٸستەمەگەن ٸس-ەرەكەتتەرٸن ٸستەگەندەي ەتٸپ جالعان اقپارات تاراتۋعا, ادامداردى الداۋعا شاريعاتتا تىيىم سالىنادى.
