Qazaqstan musylmandary dini basqarmasy deepfake-ti qoldanýǵa qatysty pátýa shyǵardy, dep habarlaidy Dalanews.kz.
Islam dini ǵylym men tehnologiianyń damýyna, jańalyq ashýǵa tyiym salmaidy. Alaida bul damý adamzat igiligine, ádilettilikke, adamgershilikke negizdelip, shariǵattyń aiasynda júzege asýy tiis. Sondyqtan kez kelgen tehnologiia igi maqsatta qoldanylsa – ruqsat, al jamandyqqa, ziiandy maqsatta qoldanylsa tyiym salynady.
Deepfake tehnologiiasy arqyly adamnyń shyn máninde aitpaǵan sózderin aitqandai nemese istemegen is-áreketterin istegendei etip jasaý, jalǵan aqparat taratý, shariǵat boiynsha qatań tyiym salynady. Mundai jalǵan aqparat taratý el tynyshtyǵyn buzyp, qoǵam ishinde iritki týdyrady. Aldyn almasa, saldary eldiń yntymaq-birligine syzat túsirip, qoǵamǵa zalalyn tigizedi.
Deepfake ádette ózgege ziian keltirý maqsatynda paidalanylady. Paiǵambarymyz (oǵan Allanyń salaýaty men sálemi bolsyn):
Sonymen qatar, mundai kontent adamdardy qorqytyp, ómirine qaýip tóndirýi múmkin. Al islam dini adam ómiriniń qaýipsizdigin eń mańyzdy maqsattarynyń biri retinde qarastyrady. Tipti qaljyń túrindegi qorqytýǵa da shariǵatta qatań tyiym salynǵan.
Sheshim:
Dipfeik tehnologiiasy arqyly adamnyń shyn máninde aitpaǵan sózderin aitqandai nemese istemegen is-áreketterin istegendei etip jalǵan aqparat taratýǵa, adamdardy aldaýǵa shariǵatta tyiym salynady.
