"ديكيي ارمان" لاقاپ اتىمەن بەلگٸلٸ ارمان جۇماگەلديەۆكە قاتىستى ٷكٸم ٶزگەرٸسسٸز قالاتىن بولدى, دەپ حابارلايدى Dalanews.kz.
بۇل تۋرالى بٷگٸن الماتىدا ٶتكەن سوتتا بەلگٸلٸ بولدى.
ەسكە سالايىق, 14 قازان كٷنٸ الماتى قالاسىندا قاڭتار وقيعاسىنا قاتىستى ٸس بويىنشا اپەللياتسييالىق شاعىمداردى قاراۋ باستالعان ەدٸ.
بۇعان دەيٸن وسى ٸس بويىنشا اتىشۋلى «ديكيي ارمان» لاقاپ اتىمەن تانىمال ارمان جۇماگەلديەۆ 20 جىلعا باس بوستاندىعىنان ايىرىلعان.
2025 جىلدىڭ 7 قاڭتارىندا سوت قاڭتار وقيعاسىنا قاتىسى بار 44 ايىپتالۋشىعا ٷكٸم شىعارعان بولاتىن. ولاردىڭ اراسىندا ارمان جۇماگەلديەۆ, الماتى قالالىق مەسليحاتىنىڭ بۇرىنعى دەپۋتاتى قايرات قۇدايبەرگەن جەنە ۇقك-نٸڭ 5-دەپارتامەنتٸنٸڭ ەكس-باسشىسى رۋسلان ىسقاقوۆ بار.
سوت ٷكٸمٸنە سەيكەس, ارمان جۇماگەلديەۆ ۇيىمداسقان قىلمىستىق توپ قۇرعانى, جاپپاي تەرتٸپسٸزدٸككە قاتىسقانى جەنە 24 ادامدى زاڭسىز بوستاندىعىنان ايىرعانى ٷشٸن كٸنەلٸ دەپ تانىلىپ, 20 جىلعا سوتتالدى. قايرات قۇدايبەرگەنگە – 8 جىل, ال رۋسلان يسكاكوۆقا – 15 جىل 6 اي تٷرمە جازاسى جەنە مەملەكەتتٸك قىزمەتتە جۇمىس ٸستەۋگە ٶمٸر بويىنا تىيىم سالىندى.
