"Dıkıı Arman" laqap atymen belgili Arman Jumageldıevke qatysty úkim ózgerissiz qalatyn boldy, dep habarlaıdy Dalanews.kz.

Bul týraly búgin Almatyda ótken sotta belgili boldy. 

Eske salaıyq, 14 qazan kúni Almaty qalasynda Qańtar oqıǵasyna qatysty is boıynsha apelásıalyq shaǵymdardy qaraý bastalǵan edi. 

Buǵan deıin osy is boıynsha atyshýly «Dıkıı Arman» laqap atymen tanymal Arman Jumageldıev 20 jylǵa bas bostandyǵynan aıyrylǵan. 

2025 jyldyń 7 qańtarynda sot Qańtar oqıǵasyna qatysy bar 44 aıyptalýshyǵa úkim shyǵarǵan bolatyn. Olardyń arasynda Arman Jumageldıev, Almaty qalalyq máslıhatynyń burynǵy depýtaty Qaırat Qudaıbergen jáne UQK-niń 5-departamentiniń eks-basshysy Rýslan Ysqaqov bar.

Sot úkimine sáıkes, Arman Jumageldıev uıymdasqan qylmystyq top qurǵany, jappaı tártipsizdikke qatysqany jáne 24 adamdy zańsyz bostandyǵynan aıyrǵany úshin kináli dep tanylyp, 20 jylǵa sottaldy. Qaırat Qudaıbergenge – 8 jyl, al Rýslan Iskakovqa – 15 jyl 6 aı túrme jazasy jáne memlekettik qyzmette jumys isteýge ómir boıyna tyıym salyndy.