Dalanews.kz پورتالى «كارجىلىق كەڭەسشى» ايدارى اياسىندا جەكە قارجى مەنەدجمەنتى، اقشانى جيناۋ مەن پايدالانۋ، نەسيە تۇرلەرىنە ارنالعان ماقالالار سەرياسىن جاريالاي باستادى.
بۇگىن ءبىز «دۇرىس» جانە «بۇرىس» نەسيەلەرگە توقتالماقپىز. ولاردىڭ ادام ومىرىنە تيگىزەتىن اسەرى قانداي؟ قاي نەسيە دۇرىسقا جاتادى؟ ال قاي نەسيە تۇرىنەن بويدى اۋلاق ۇستاعان ءجون؟
نەسيەنىڭ فورماسى ەمەس، ماقساتى ماڭىزدى
دۇرىستىلىق نەمەسە بۇرىستىلىق – ەش ۋاقىتتا نەسيەنىڭ قارجىلىق، تەحنيكالىق پارامەترىنە بايلانبايدى. وزدەرىڭىز بىلەتىندەي، نەسيەنىڭ ءتۇر-تۇرى بار. مىسالى، كەپىلزاتسىز نەسيە، كەپىلزات قويىلاتىن نەسيە، تاۋارلى نەسيە، قولما-قول اقشالاي بەرىلەتىن نەسيە جانە يپوتەكا. ونىڭ كەز-كەلگەنى ءبىز ءۇشىن «دۇرىس» نەمەسە «بۇرىس» بولىپ شىعۋى مۇمكىن. ءبارى – ونىڭ ماقساتتى قولدانۋىنا بايلانىستى.
«دۇرىس» نەسيە
ءسىزدىڭ نەمەسە جاقىن وتباسى مۇشەلەرىنىڭ دامۋىنا، ياعيني قازىرگىدەن جاقسىراق بولا تۇسۋىنە باعىتتالعان قارجى – ينۆەستيسيالاردىڭ تورەسى بولىپ سانالادى. مىسالى، جاقسى ءبىلىم الۋعا، دەنساۋلىقتى جاقسارتۋعا، پروفەسسيونالدى بىلىكتىلىكتى ارتتىرۋ ءۇشىن قوسىمشا وقۋعا الىنعان نەسيە ەش ۋاقىتتا بەكەر كەتپەيدى. وزىڭىزگە سالىنعان ينۆەستياسيانى سىزدەن ەشكىم تارتىپ الا المايدى.
سىزگە بولاشاقتا پايدا اكەلەتىن، ياعني بيزنەس، كاسىپ اشۋعا باعىتتالعان نەسيەلەر.
كاسىپتىڭ بيزنەس-جوسپارىن الدىن-الا جاساپ، نارىقتى تەرەڭ زەرتتەپ، ىسكە «جەتى ولشەپ، ءبىر كەسكەندەي» كىرىسسەڭىز، بيزنەس نەسيە ءسىزدى ۇلكەن جەڭىستەرگە جەتەلەيتىنى ءسوزسىز.
تۇرعىن ءۇي جايىن جاقسارتۋ. باسپانا ماسەلەسىنە قاتىستى نەسيە، ءبىر سوزبەن ايتقاندا يپوتەكا «دۇرىس نەسيە» باعىتىنا جاتادى. سەبەبى – ازاماتتىڭ ءوز مەنشىگىندەگى باسپانا ونىڭ بولاشاققا دەگەن سەنىمىن، ودان ءارى وتباسىن قۇرىپ، ومىرگە بالا اكەلىپ، تۇراقتى ءومىر سۇرۋگە دەگەن ىنتاسىن نىعايتادى. جالپى، ءوز ءۇيىنىڭ بولماۋى وتانداستارىمىزدىڭ پسيحوەموسيونالدى جاعدايىنا قاتتى اسەر ەتەتىن فاكتور. يپوتەكا ول ماسەلەنى شەشە الادى.
«بۇرىس» نەسيە
توي، تۋعان كۇن، كەز كەلگەن كوڭىل كوتەرۋ شارالارىن اتقارۋ ءۇشىن الىنعان بانك نەسيەسى – «بۇرىس» نەسيە بولىپ سانالادى. ءاسىلى، وندايعا قارىز الماعان دۇرىس. توي جاساۋعا قارجىلىق جاعداي كەلمەسە، سول تويدى جاساماۋعا دا بولادى. بۇل جاعدايدا ءسىزدى اينالاڭىزداعى ادامداردىڭ پىكىرى ەمەس، بولاشاق قارجىلىق قاۋىپسىزدىگىڭىز مازالاۋى كەرەك. مۇنداي نەسيە ەش ۋاقىتتا پايدا اكەلگەن ەمەس. ءبىر كۇندە ءوتىپ كەتەتىن شارا ءۇشىن، ايلاپ-جىلداپ نەسيە سوماسىن وتەۋ كەز-كەلگەن ادامدى كۇيزەلىسكە ۇشىراتادى.
قارجىلىق پيراميدا، ءتۇرلى لومبارد، كريپتوۆاليۋتالىق الاياقتاردىڭ سحەماسىنا الدانىپ، سوعان نەسيە الۋ. نەسيەنىڭ ەڭ اۋىر فورماسى وسى.
ءبىز وسىنىڭ الدىندا تەك ءوزىڭىز بەن ەتەنە جاقىنىڭىزدىڭ ءبىلىم الۋىنا، بىلىكتىلىگىن ارتتىرۋىنا، ەمدەلۋىنە باعىتتالعان نەسيەنىڭ دۇرىس ەكەنىن ايتتىق. ال باسقا ماقساتقا، مىسالى ءسىز نەمەسە ءسىزدىڭ جاقىنىڭىزعا ءبىر ساتتىك زور پايدانى ايتىپ، ۋادە بەرىپ وتىرعان الدەكىمنىڭ سوزىنە سەنىپ، ەشقاشان نەسيە الۋعا بولمايدى.
الدىنداعى نەسيە، قارىزداردى جابۋ ءۇشىن تاعى دا نەسيە الۋ. ەگەر قايتا قارجىلاندىرۋ، ياعني شارتتارى اۋىرلاۋ، پايىزدارى جوعارى باستاپقى نەسيەنى اناعۇرلىم ءتيىمدى شارتتارعا بار نەسيەگە اۋىستىرۋ بولماسا، بۇل دا نەسيەنىڭ «بۇرىس» ءتۇرى. سەبەبى، ول ازاماتتىڭ قارجىلىق جۇكتەمەسىن ارتتىرا بەرەدى.
قورىتا كەلگەندە
ەگەر بانككە ءبارىبىر جۇگىنۋ كەرەك بولسا، وندا تەك «دۇرىس» نەسيەنى تاڭداڭىز. سونىمەن بىرگە، ونىڭ شارتتارىنا نازار اۋدارىڭىز. وزىڭىزگە ءتيىمدىسىن عانا ىرىكتەپ الىڭىز.
ءبىر قۋانتارلىعى، ءقازىر بانكتەر ازاماتتار ءۇشىن نەسيە شارتى مەن ونى راسىمدەۋدى بارىنشا قولايلى قىلۋعا تىرىسۋدا. كوپتەگەن راسىمدەر ونلاين فورماتقا كوشىرىلدى. ۇيدەن شىقپاي-اق، نەسيەگە ءوتىنىشتى بانك سايتىنان دا بەرۋگە بولادى.
سونىمەن بىرگە، كەپىلزاتسىز نەسيەنىڭ شارتتارى دا ازاماتتارعا بارىنشا قولايلى بولا ءتۇستى. مىسالى، بانك ۆتب (قازاقستان) كەزەكتى رەت ءوز كليەنتتەرى ءۇشىن نەسيە شارتتارىن جاقسارتىپ وتىر. بانك ۆتب (قازاقستان) ۇسىناتىن كەپىلزاتسىز نەسيە شارتتارىندا نەسيە سوماسى 5 ميلليون تەڭگەدەن 6 ميلليون تەڭگەگە دەيىن ۇلعايسا، مەرزىمى 5 جىلدان 7 جىلعا دەيىن ۇزارتىلدى.
Dalanews.kz قارجى كەڭەسشىسى ءسىزدىڭ جەكە اقشا مەنەدجمەنتىڭىزدى جاقسارتۋعا ارنالعان. قارجىلىق ساۋاتتىلىق ءسىزدى الاياقتاردان قورعاپ، نەسيەنى بارىنشا جەڭىل شارتتارمەن الۋعا جانە اقشاڭىزدى ءتيىمدى جۇمساۋعا جول اشادى.
2020 جىلعى 3 اقپانداعى №1.2.14/39 ق ر قنردا ليسەنزياسى.
