Dalanews.kz portaly «Karjylyq keńesshi» aidary aiasynda jeke qarjy menedjmenti, aqshany jinaý men paidalaný, nesie túrlerine arnalǵan maqalalar seriiasyn jariialai bastady.
Búgin biz «durys» jáne «burys» nesielerge toqtalmaqpyz. Olardyń adam ómirine tigizetin áseri qandai? Qai nesie durysqa jatady? Al qai nesie túrinen boidy aýlaq ustaǵan jón?
Nesieniń formasy emes, maqsaty mańyzdy
Durystylyq nemese burystylyq – esh ýaqytta nesieniń qarjylyq, tehnikalyq parametrine bailanbaidy. Ózderińiz biletindei, nesieniń túr-túri bar. Mysaly, kepilzatsyz nesie, kepilzat qoiylatyn nesie, taýarly nesie, qolma-qol aqshalai beriletin nesie jáne ipoteka. Onyń kez-kelgeni biz úshin «durys» nemese «burys» bolyp shyǵýy múmkin. Bári – onyń maqsatty qoldanýyna bailanysty.
«Durys» nesie
Sizdiń nemese jaqyn otbasy músheleriniń damýyna, iaǵini qazirgiden jaqsyraq bola túsýine baǵyttalǵan qarjy – investitsiialardyń tóresi bolyp sanalady. Mysaly, jaqsy bilim alýǵa, densaýlyqty jaqsartýǵa, professionaldy biliktilikti arttyrý úshin qosymsha oqýǵa alynǵan nesie esh ýaqytta beker ketpeidi. Ózińizge salynǵan investiiatsiiany sizden eshkim tartyp ala almaidy.
Sizge bolashaqta paida ákeletin, iaǵni biznes, kásip ashýǵa baǵyttalǵan nesieler.
Kásiptiń biznes-josparyn aldyn-ala jasap, naryqty tereń zerttep, iske «jeti ólshep, bir keskendei» kirisseńiz, biznes nesie sizdi úlken jeńisterge jeteleitini sózsiz.
Turǵyn úi jaiyn jaqsartý. Baspana máselesine qatysty nesie, bir sózben aitqanda ipoteka «durys nesie» baǵytyna jatady. Sebebi – azamattyń óz menshigindegi baspana onyń bolashaqqa degen senimin, odan ári otbasyn quryp, ómirge bala ákelip, turaqty ómir súrýge degen yntasyn nyǵaitady. Jalpy, óz úiiniń bolmaýy otandastarymyzdyń psihoemotsionaldy jaǵdaiyna qatty áser etetin faktor. Ipoteka ol máseleni sheshe alady.
«Burys» nesie
Toi, týǵan kún, kez kelgen kóńil kóterý sharalaryn atqarý úshin alynǵan bank nesiesi – «burys» nesie bolyp sanalady. Ásili, ondaiǵa qaryz almaǵan durys. Toi jasaýǵa qarjylyq jaǵdai kelmese, sol toidy jasamaýǵa da bolady. Bul jaǵdaida sizdi ainalańyzdaǵy adamdardyń pikiri emes, bolashaq qarjylyq qaýipsizdigińiz mazalaýy kerek. Mundai nesie esh ýaqytta paida ákelgen emes. Bir kúnde ótip ketetin shara úshin, ailap-jyldap nesie somasyn óteý kez-kelgen adamdy kúizeliske ushyratady.
Qarjylyq piramida, túrli lombard, kriptovaliýtalyq alaiaqtardyń shemasyna aldanyp, soǵan nesie alý. Nesieniń eń aýyr formasy osy.
Biz osynyń aldynda tek ózińiz ben etene jaqynyńyzdyń bilim alýyna, biliktiligin arttyrýyna, emdelýine baǵyttalǵan nesieniń durys ekenin aittyq. Al basqa maqsatqa, mysaly siz nemese sizdiń jaqynyńyzǵa bir sáttik zor paidany aityp, ýáde berip otyrǵan áldekimniń sózine senip, eshqashan nesie alýǵa bolmaidy.
Aldyndaǵy nesie, qaryzdardy jabý úshin taǵy da nesie alý. Eger qaita qarjylandyrý, iaǵni sharttary aýyrlaý, paiyzdary joǵary bastapqy nesieni anaǵurlym tiimdi sharttarǵa bar nesiege aýystyrý bolmasa, bul da nesieniń «burys» túri. Sebebi, ol azamattyń qarjylyq júktemesin arttyra beredi.
Qoryta kelgende
Eger bankke báribir júginý kerek bolsa, onda tek «durys» nesieni tańdańyz. Sonymen birge, onyń sharttaryna nazar aýdaryńyz. Ózińizge tiimdisin ǵana iriktep alyńyz.
Bir qýantarlyǵy, qazir bankter azamattar úshin nesie sharty men ony rásimdeýdi barynsha qolaily qylýǵa tyrysýda. Kóptegen rásimder onlain formatqa kóshirildi. Úiden shyqpai-aq, nesiege ótinishti bank saitynan da berýge bolady.
Sonymen birge, kepilzatsyz nesieniń sharttary da azamattarǵa barynsha qolaily bola tústi. Mysaly, Bank VTB (Qazaqstan) kezekti ret óz klientteri úshin nesie sharttaryn jaqsartyp otyr. Bank VTB (Qazaqstan) usynatyn kepilzatsyz nesie sharttarynda nesie somasy 5 million teńgeden 6 million teńgege deiin ulǵaisa, merzimi 5 jyldan 7 jylǵa deiin uzartyldy.
Dalanews.kz qarjy keńesshisi sizdiń jeke aqsha menedjmentińizdi jaqsartýǵa arnalǵan. Qarjylyq saýattylyq sizdi alaiaqtardan qorǵap, nesieni barynsha jeńil sharttarmen alýǵa jáne aqshańyzdy tiimdi jumsaýǵa jol ashady.
2020 jylǵy 3 aqpandaǵy №1.2.14/39 QR QNRDA litsenziiasy.
