قازاقسان حالقى اسسامبلەياسىنىڭ جاس بەلسەندٸلەرٸ بيىل قۇرىلعانىنا 30 جىل تولاتىن ۇيىمنىڭ وسىناۋ مەرەيلٸ داتاعا اۋىز تولتىرىپ ايتارلىقتاي جەتٸستٸكتەرمەن جەتٸپ وتىرعانىن ايتتى, – دەپ حابارلايدى Dalanews.kz.
قحا جانىنداعى جاس عالىمدار كلۋبىنىڭ تەڭ تٶراعاسى انەل پيميچەۆانىڭ ايتۋىنشا, بٷگٸنگٸ تاڭدا قازاقستان حالقى اسسامبلەياسى ەلٸمٸزدٸ مەكەن ەتەتٸن تٷرلٸ ەتنوس ٶكٸلدەرٸ بٸرلەستٸكتەرٸنٸڭ باسى قوسىلعان ورتا عانا ەمەس, مەدەنيەت, عىلىم, بٸلٸم مەن ٶزارا ىنتىماقتاستىقتىڭ ورداسىنا اينالىپ ٷلگەرگەن.
– بٸزدە جاس عالىمدار كلۋبى قۇرىلدى. بۇل كلۋب قۇرىلعالى بەرٸ بٸراز جۇمىستى اتقارىپ ٷلگەردٸك. ەتنومەدەني بٸرلەستٸكتەردٸڭ جۇمىسى, ەر ەتنوستىڭ مەدەنيەتٸ, ولاردىڭ بٸرەگەيلٸگٸ, ەرەكشەلٸكتەرٸ تۋرالى زەرتتەۋلەر جٷرگٸزدٸك. بۇل زەرتتەۋلەر ەتنوسارالىق تاتۋلىقتى نىعايتۋىمەن قاتار جاس عالىمدارعا ەتنومەدەنيەت, ەتنوساياسات باعىتىندا كٶپتەگەن پايدالى اقپاراتتارعا قول جەتكٸزۋگە مٷمكٸندٸك بەردٸ, – دەيدٸ ول.
انەل ورىس ۇلتىنىڭ ٶكٸلٸ, قوستاناي قالاسىنىڭ تۋماسى. بٸراق, ول ٶزٸڭ "قازاقتىڭ ورىس قىزىمىن" دەپ تانىستىرادى. مەملەكەتتٸك تٸلدٸ جەتٸك مەڭگەرگەن ول بٷگٸندە قوعامدىق جۇمىستارمەن قاتار قازاق تاريحىن زەرتتەۋمەن اينالىسادى ەكەن.
– مەنٸڭ ەڭ باستى باعىتىم – قازاق تٸلٸنٸنٸڭ ٶرٸسٸن كەڭەيتۋگە كٷش سالۋ. بۇل باعىت بويىنشا بٸزدە بٸرنەشە جوبا بار, ول مەديا سالاسى, بالالاردى وقىتۋ, بەلگٸلٸ تۇلعالاردىڭ كٶمەگٸمەن مەملەكەتتٸك تٸلدٸڭ مەرتەبەسٸن ارتتىرۋ. بٸزدٸڭ كلۋب قازاقستاننىڭ كيبەرسپورت فەدەراتسيياسىمەن بٸرلەسكەن جوبانى قولعا الدى. مامىر ايىندا ەلٸمٸزدە كيبەرسپورتتان حالىقارالىق جارىس ٶتپەكشٸ. بٸز وسى ماڭىزدى شارادا قىزمەت كٶرسەتەتٸن كوممەنتاتورلاردى وقىتىپ جاتىرمىز. ونداعى ماقسات – دٷنيەجٷزٸنە قازاق تٸلٸنٸڭ قانداي باي ەكەنٸن تانىتۋ, – دەيدٸ انەل.
انەل ەلٸمٸزدەگٸ ٶزگە ۇلت ٶكٸلدەرٸ اراسىندا مەملەكەتتٸك تٸلدٸ ٷيرەنەمٸن دەيتٸندەر سانىن ارتتىرۋ ٷشٸن ينتەرنەتتەگٸ قازاقشا كونتەنتتٸ كٶبەيتۋ كەرەكتٸگٸن العا تارتىپ وتىر.
ايتۋىنشا, YouTube-تە, ەلەۋمەتتٸك جەلٸلەردە قازاقشا بەينەجازبالاردى كٶپتەپ شىعارۋ قاجەت. قازٸرگٸ تاڭداعى مۋلتفيلمدەر مەن كينولاردىڭ قازاقشا دۋبلياج جاسالۋى دا انەلدٸ قۋانتىپ وتىر. جاس عالىم ەندٸگٸ كەزەك قازٸر قاتتى دامىپ كەلە جاتقان ينتەرنەت – ستريمدەردە دەيدٸ.
ول الداعى ۋاقىتتا قاتارلاستارىمەن بٸرگە قازاق تٸلٸندەگٸ ساپالى كونتەنتتٸ تٸكەلەي ەفيردە تاراتىن قىزمەتتەردٸڭ سانىن ارتتىرۋعا كٶڭٸل بٶلمەكشٸ.
