گەرمانياعا قازاقستان مۇنايى ايدالاتىن "درۋجبا" مۇناي قۇبىرى زارداپ شەككەن جوق. بۇل تۋرالى "قازترانسويل" اق-تىڭ باسپا ءسوز قىزمەتى حابارلادى، دەپ جازادى Dalanews.kz.
جەلتوقساننىڭ 10-نان 11-ىنە قاراعان ءتۇنى ۋكراينا اۋە كۇشتەرىنىڭ دروندارى رەسەيدىڭ بريانسك وبلىسىنداعى جانار-جاعارماي شىعاراتىن زاۋىتقا شابۋىل جاساعان. سالدارىنان بريانسك ماڭىنداعى سۆەن اۋىلىنداعى "درۋجبا" قۇبىرىنىڭ قۇيۋ بەكەتى وتقا ورانعانى تۋرالى اقپارات الەۋمەتتىك جەلىدە پايدا بولدى. الايدا بۇل مالىمەت رەسمي تۇردە جوققا شىعارىلدى.
ۇلتتىق كومپانيانىڭ حابارلاۋىنشا، ۋكراينا اۋە كۇشتەرىنىڭ دروندارى شابۋىل جاساعان رەسەيدىڭ بريانسك جانە روستوۆ وبلىستارىنداعى جاعدايعا بايلانىستى "درۋجبا" مۇناي قۇبىرى زارداپ شەككەن جوق. نەگىزىنەن سوققىلار جانار-جاعارماي شىعاراتىن نىسانعا باعىتتالعان، دەپ جەتكىزگەن وسى مۇناي قۇبىرىنا يەلىك ەتەتىن "ترانسنەفت" جاق" "قازترانسويلعا".
"مۇناي قۇبىرلارىنا سوققى باعىتتالىپ جاتقان جوق، ءويتكەنى ونداعى كولەم ەۋروپاعا (گەرمانيا) باعىتتالعان"، - دەپ حابارلايدى قتو.
ايتا كەتسەك، قازاقستان گەرمانياعا 2023 جىلدان باستاپ مۇناي يمپورتىن ۇلعايتا باستادى. شيكىزات "وزەن – اتىراۋ – سامارا" جانە "درۋجبا" مۇناي قۇبىرلارى ارقىلى ايدالادى. "درۋجبا" قۇبىرى وتاندىق شيكىزاتتى رەسەي تەرريتورياسى ارقىلى ("ترانسنەفت" جاق)، ودان ءارى گفر-عا تاسىمالداۋ ءۇشىن "اداموۆا زاستاۆا" مۇناي تاپسىرۋ پۋنكتىنە جەتكىزەدى.
بۇعان دەيىن، 2 جەلتوقساندا قازاقستان مۇنايىن گەرمانياعا ايدايتىن "درۋجبا" قۇبىرىندا اقاۋ پايدا بولعان. پولشا تۇسىندا انىقتالعان بۇل اقاۋ بىرنەشە كۇننەن كەيىن قالپىنا كەلتىرىلگەنى ايتىلعان. نەگىزىنەن، "درۋجبا" قۇبىرىنىڭ سولتۇستىك تارماعى بويىنشا گەرمانياداعى مۇناي وڭدەۋ زاۋىتىنا 2023 جىلدىڭ اقپان ايىنان باستاپ تاۋلىگىنە 2 ملن باررەل قازاقستان مۇنايى ايدالۋدا. بۇل تاسىمالعا بىرنەشە رەت ءقاۋىپ تونگەن. بۇل رەتتەگى اپات تۇرعىسىندا ەمەس، تولەمدەر بويىنشا. ماسەلەن، "درۋجبا" قۇبىرىنىڭ وپەراتورى - "ترانسنەفت" ۆارشاۆادان بيىل ماۋسىم ايىنا دەيىن اداموۆوداعى بازاسىندا گازدى ولشەۋ قىزمەتتەرى بويىنشا تولەم جاساۋدى تالاپ ەتتى، ءبىراق پولياك وپەراتورى باتىس سانكسيالارىن بۇزامىن با دەپ قورىققان. اقىرىندا "ترانسنەفت" جانە قازاقستاندىق مۇنايدى قابىلداۋشى شۆەدتەگى نەمىس ءموز پولياك شىعىندارىن ءوز مويىندارىنا الاتىنىن، ال اتى اتالماعان سلوۆاك كومپانياسى PERN-گە سانكسيا اسەرى تاۋەكەلدەرى ماسەلەسىمەن اينالىسۋعا ءوزارا كەلىسكەن بولاتىن. سوندىقتان مۇنىڭ بارلىعى بۇل ارادا مۇناي ەكسپورتى كولەمىنە قاتىستى شەشىم ءبىرجاقتى شەشىلمەيتىنىن اڭعارتا الادى.
