دونالد ترامپ بريكس ەلدەرٸ ٶز ۆاليۋتاسىن شىعارىپ, ٶزارا ەسەپ ايىرىسۋدا امەريكالىق دوللاردى پايدالانۋدان باس تارتىپ جاتسا, وندا امەريكا قۇراما شتاتتارىنا ەكسپورتتالاتىن تاۋارلارىنا 100 پايىز سالىق سالاتىنىن ەسكەرتتٸ, دەپ جازادى Dalanews.kz.
"بٸز ىقتيمال دوستاس ەمەس ەلدەردەن بريكس ۆاليۋتاسىن جاساپ شىعارماۋ جەنە كٷشتٸ اقش دوللارىن الماستىراتىن باسقا ۆاليۋتانى قولدانباۋ مٸندەتتەمەسٸن تالاپ ەتەمٸز, ەيتپەسە ولار 100 پايىزدىق باجعا تاپ بولادى, سٶيتٸپ اقش-تىڭ تاماشا ەكونوميكاسىنداعى ساۋدا-ساتتىعىمەن قوشتاسۋعا تۋرا كەلەدٸ", دەپ جازدى دونالد ترامپ تruthsocial-داعى پاراقشاسىندا.
ونىڭ ايتۋىنشا, "بريكس-تٸڭ حالىقارالىق ساۋدا-ساتتىقتا اقش دوللارىن الماستىرۋعا ەشبٸر مٷمكٸندٸگٸ جوق". مۇنى ٸستەۋگە تىرىساتىن كەز-كەلگەن ەل "باج سالىعىن كٷتٸپ الىپ, امەريكامەن قوشتاسا بەرسە بولادى".
سونىمەن قاتار امەريكا پرەزيدەنتٸ ۆاشينگتون مۇندايدا "جاي عانا پروتسەستٸ باقىلاپ, سىرتتاي قاراپ تۇرمايتىنىن دا" ەسكەرتتٸ.
ايتا كەتسەك,بريكس بەلگٸلٸ بٸر دەرەجەدە ۇجىمدىق جاعىنان باتىسقا قارسى ۇيىم رەتٸندە قاراستىرىلادى. بريكس باستاپقىدا بەس ەلدەن تۇرعان: برازيلييا, رەسەي, ٷندٸستان, قىتاي جەنە وڭتٷستٸك افريكا. 2024 جىلدىڭ باسىندا ولارعا يران, مىسىر, ەفيوپييا جەنە بٸرٸككەن اراب ەمٸرلٸكتەرٸ قوسىلدى. رف پرەزيدەنتٸ ۆلاديمير پۋتين امەريكالىق ۆاليۋتانىڭ ٷستەمدٸگٸن بٸرنەشە رەت سىنعا الىپ, بريكس اياسىندا تەۋەلسٸز تٶلەم قۇرالىن جەنە ەسەپ ايىرىسۋ جٷيەسٸن قۇرۋ نيەتٸ بارىن جارييالادى. قازٸرگٸ ۋاقىتتا اقش دوللارى جاھاندىق تٶلەم وپەراتسييالارىنداعى ەڭ ماڭىزدى ۆاليۋتا بولىپ تابىلادى.
مەسكەۋ باتىستان تەۋەلسٸز بالامالى ۆاليۋتانى ەنگٸزۋ ۋكرايناعا قارسى سوعىسقا بايلانىستى ۇرىنىپ جاتقان ايىپپۇل شارالارىنىڭ ەسەرٸن ازايتۋعا مٷمكٸندٸك بەرەدٸ دەپ ٷمٸتتەنەدٸ. سوعىس جاعدايىندا باتىس ەلدەرٸ رەسەيگە قارسى بٸرقاتار سانكتسييالار ەنگٸزدٸ, ولار, ەسٸرەسە قارجى سەكتورىن وڭدىرماي جاتىر.
جالپى, دونالد ترامپ باجداردى 2017 جىلدان 2021 جىلعا دەيٸنگٸ العاشقى پرەزيدەنتتٸك مەرزٸمٸندە قىسىم قۇرالى رەتٸندە قولدانعان. سوندىقتان ونىڭ بۇل تەسٸلگە تاعى دا بارۋى ەبدەن مٷمكٸن. ەكونوميستەر اۋقىمدى باجدار اقش-تى باعالار ٶسٸمٸنە ەكەلٸپ سوقتىرادى دەپ سانايدى.
ەۋەل باستا, قازاقستان بريكس-كە مٷشەلٸكتەن باس تارتقان. الايدا 2024 جىلدىڭ سوڭىندا قازان قالاسىندا ٶتكەن "بريكس+" سامميتٸندە بٸرقاتار مەملەكەت اتالعان حالىقارالىق ۇيىمىنا "سەرٸكتەس ەل" بولۋعا دايىن ەكەنٸن راستادى. ولاردىڭ قاتارىندا بەلارۋس, بوليۆييا, يندونەزييا, كۋبا, مالايزييا, تايلاند, ۋگاندا جەنە ٶزبەكستانمەن قاتار قازاقستان دا بار. ياعني, 2025 جىلدىڭ 1 قاڭتارىنان باستاپ قازاقستان بريكس-كە "سەرٸكتەس ەل" مەرتەبەسٸنە يە. ايتقانداي, وسى سامميتتە پۋتيننٸڭ قولىنا اقشا ۇستاپ تٷسكەن سۋرەتٸ باق بەتتەرٸندە تاراپ كەتكەن. كەيٸننەن بۇل بولاشاق ۆاليۋتانىڭ تانىستىرىلىمىنا ارنالعان كٶشٸرمە نۇسقا ەكەنٸ ناقتىلاندى. سونداي-اق بريكس-تٸڭ تاياۋ ارادا جاڭا ۆاليۋتا جاساپ شىعارعالى جاتپاعاندارى دا ايتىلعان.
