14-15 مامىر كٷندەرٸ اقش پرەزيدەنتٸ دونالد ترامپ بەيجٸڭگە مەملەكەتتٸك ساپارمەن بارماق. بۇل كەزدەسۋ الدىندا ەكٸ ەلدٸڭ ديپلوماتييالىق توپتارى بەلسەندٸ دايىندىق جٷرگٸزٸپ, نەگٸزگٸ باعىتتار بويىنشا الدىن الا كەلٸسسٶزدەر ٶتكٸزگەن, دەپ حابارلايدى dalanews.kz.
سەۋٸر ايىنىڭ سوڭىندا اقش قارجى مينيسترٸ سكوتت بەسسەنت پەن مەملەكەتتٸك حاتشى ماركو رۋبيو قىتايلىق شەنەۋنٸكتەرمەن كەزدەسٸپ, ەلەمدەگٸ تۇراقتىلىق پەن ۆاشينگتون-بەيجٸڭ قاتىناسىنىڭ بولاشاعىن تالقىلاعان. ساراپشىلاردىڭ پٸكٸرٸنشە, قازٸرگٸ كەلٸسسٶزدەردٸڭ باستى ماقساتى – ەكٸ دەرجاۆانىڭ اراسىنداعى شيەلەنٸستٸ بەسەڭدەتۋ.
كەلٸسسٶزدەردٸڭ نەگٸزگٸ تاقىرىپتارىنىڭ بٸرٸ – تاياۋ شىعىستاعى احۋال. اقش قىتايدان يرانعا ىقپال ەتٸپ, ورمۇز بۇعازىنداعى جاعدايدى تۇراقتاندىرۋعا كٶمەكتەسۋدٸ سۇراپ وتىر. ٶز كەزەگٸندە بەيجٸڭ تايۆان مەسەلەسٸندە ۆاشينگتوننان ناقتى ۇستانىم كٷتەدٸ. قىتاي اقش-تىڭ "تايۆان تەۋەلسٸزدٸگٸن قولدامايمىز" دەگەن رەسمي مەلٸمدەمەسٸن جەنە ارالعا قارۋ جەتكٸزۋدٸ توقتاتۋدى تالاپ ەتۋٸ مٷمكٸن.
سونىمەن قاتار تاراپتار تەحنولوگييالىق تەكەتٸرەس مەسەلەسٸن دە تالقىلاماق. ەسٸرەسە Nvidia چيپتەرٸنە قاتىستى امەريكالىق شەكتەۋلەر باستى نازاردا تۇر. قىتاي بۇل تەۋەلدٸلٸكتەن ارىلۋ ٷشٸن Huawei تەحنولوگييالارىنا كٶشۋدٸ جەدەلدەتٸپ جاتىر. جاقىندا تانىستىرىلعان DeepSeek V4 جاساندى ينتەللەكت جٷيەسٸ امەريكالىق چيپتەرسٸز دە جۇمىس ٸستەي الاتىنىن كٶرسەتكەن.
ساراپشىلاردىڭ ايتۋىنشا, ۆاشينگتون سيرەك كەزدەسەتٸن مەتالدارعا قولجەتٸمدٸلٸكتٸ ساقتاۋ ٷشٸن قىتايعا قاتىستى كەيبٸر سانكتسييالاردى جۇمسارتۋى مٷمكٸن.
ساۋدا سالاسىندا ەزٸرگە اۋقىمدى تاريحي كەلٸسٸم كٷتٸلمەيدٸ. بٸراق قىتاي اقش-پەن ساۋدا شيەلەنٸسٸن ۋشىقتىرماۋ ٷشٸن Boeing ۇشاقتارىن, سويا ٶنٸمدەرٸن, مۇناي مەن گازدى كٶپ كٶلەمدە ساتىپ الۋعا دايىن ەكەنٸن بٸلدٸرۋٸ ىقتيمال.
سوعان قاراماستان, قىتايدىڭ ەلەكتروموبيلدەرٸ مەن كٷن پانەلدەرٸنە قاتىستى امەريكالىق شەكتەۋلەر ەلٸ دە نەگٸزگٸ تٷيتكٸلدەردٸڭ بٸرٸ بولىپ قالىپ وتىر.
JP Morgan ساراپشىلارىنىڭ پٸكٸرٸنشە, اقش پەن قىتاي اراسىنداعى بەسەكەلەستٸك توقتامايدى. قازٸرگٸ جاعداي ەكٸ ەلدٸڭ "ستراتەگييالىق قارسىلاستىقتان" "ستراتەگييالىق قاتار ٶمٸر سٷرۋگە" بەيٸمدەلۋ ەرەكەتٸ رەتٸندە باعالانىپ وتىر.
