كەڭەستٸڭ XV مەجٸلٸسٸندە قابىلدانعان پەتۋا مەتٸنٸ مىناداي:
«قۇرساق انا (سۋرروگات انا) قازٸرگٸ تاڭدا ٶزەكتٸ مەسەلەلەردٸڭ بٸرٸنە اينالدى. بۇل ەدٸس بويىنشا ەرلi-زايىپتىلاردان الىنعان اتالىق ۇرىق پەن انالىق كلەتكانى ارنايى تٷتiكشەلەردە سىرتتاي ۇرىقتاندىرىپ, قۇرساق انا (سۋرروگات) قىزمەتiن اقىلى نەمەسە اقىسىز تٷردە اتقارۋعا ريزاشىلىعىن بiلدiرگەن بٶتەن ەيەلدiڭ جاتىرىنا سالادى. مۇنداي جولمەن بالا تابۋعا شاريعاتتا رۇقسات جوق. سەبەبٸ:
- ەر كٸسٸ مەن قۇرساق انانىڭ اراسىندا نەكە جوق.
شاريعاتىمىزدا«نەكەمەن تۋىلعان بالا» دەگەن مەرتەبەگە يە بولۋ ٷشٸن ونىڭ اتا-اناسى بولىپ تابىلاتىن ەر مەن ەيەلدٸڭ اراسىندا شاريعي تۇرعىدان نەكەنٸڭ رٷكٸندەرٸ مەن شارتتارى تولىق ورىندالۋى تيٸس. اللا تاعالا قۇران كەرٸمدە «ناحىل» سٷرەسٸنٸڭ 72-اياتىندا:
«اللا تاعالا ٶز جىنىستارىڭنان جۇبايلار جاراتتى. جۇبايلارىڭنان سەندەرگە بالالار, نەمەرەلەر نەسٸپ ەتتٸ. سونداي-اق سەندەردٸ تاپ-تازا نەرسەلەردەن ريزىقتاندىردى. وسىلاي بولا تۇرا ولار جالعانعا سەنٸپ, اللانىڭ نىعمەتٸنە شٷكٸرسٸزدٸك ەتە مە?»–دەپ باياندايدى.
شاريعاتتا كەيبٸر زاتتار, مەسەلەن, تاعام تٷرلەرٸ, سۋسىندار, كيٸم, كٶلٸك, باسپانا, كٸتاپ, باۋ-باقشالار, ت.ب. ساۋدا-ساتتىققا, الىس-بەرٸسكە جارامدى سانالادى. وسى زاتتاردى ساتۋعا, جالعا بەرۋگە, ساداقا ەتۋگە, سىيعا تارتۋعا بولادى. ال كەيبٸر دٷنيەلەر ساۋدا-ساتتىققا, الىس-بەرٸسكە رۇقسات ەتٸلمەيدٸ. مەسەلەن, ەيەلدٸڭ جىنىستىق قالاۋىن تەك نەكەلٸ كٷيەۋٸ عانا جٷزەگە اسىرا الادى. كٷيەۋٸ ٶزٸنە جٷكتەلگەن ٸستەردٸ ٶزگە ەر كٸسٸگە بەرۋٸنە بولمايدى. سول سەكٸلدٸ,ەيەل دە كٷيەۋٸنەن ٶزگە ەر كٸسٸگە وسى ٸستەردٸ (ياعني كٷيەۋٸنە عانا شەكتەلگەن ٸستەردٸ) ساداقا ەتۋٸنە, جالعا بەرۋٸنە, ساتۋىنا اقىسى جوق. ەيەلدٸڭ بٷكٸل تەنٸ, جاتىرى كٷيەۋٸنەن باسقا ەر كٸسٸگە حارام بولعاندىقتان جاتىرىن جالعا بەرۋگە, ساتۋعا رۇقسات ەتٸلمەيدٸ.
ەگەر ەيەلگە جاتىرىن ساتۋعا نەمەسە جالعا بەرۋگە رۇقسات ەتٸلسە, بالا ٶز تەگٸن بٸلمەي,ونىڭ ەكەسٸ دە: «مىناۋ مەنٸڭ بالام», – دەپ ايتا الماس ەدٸ. تەكسٸزدٸككە الىپ باراتىن مۇنداي ەرسٸ, سٶكەت ٸستٸ شاريعات ەش ۋاقىتتا قۇپتامايدى.
- نەكەلٸ ەرلٸ-زايىپتىلاردىڭ بالا سٷيۋ قۇقىعى.
بالا سٷيۋ – ەرلٸ-زايىپتىلاردىڭ ورتاق نىعمەتٸ. ەيەلٸ كٷيەۋٸنٸڭ رۇقساتىنسىز «بالا كٶتەرمەيمٸن» دەپ ايتا المايدى. سەبەبٸ, بالا سٷيۋ كٷيەۋٸنٸڭ دە قۇقىعى. تەك جٷكتٸلٸك ەيەلدٸڭ دەنساۋلىعىنا زييان كەلتٸرەتٸن بولسا عانا بالا كٶتەرمەۋگە رۇقسات ەتٸلەدٸ.
ٷكٸم:
- ەرلi-زايىپتىلاردىڭ اتالىق ۇرىعى مەن انالىق جۇمىرتقا جاسۋشاسىن ارنايى تٷتiكشەلەردە سىرتتاي ۇرىقتاندىرىپ, ونى قۇرساق انا قىزمەتٸن اتقارۋعا ريزاشىلىعىن بٸلدٸرگەن بٶتەن ەيەلدٸڭ جاتىرىنا ەگۋگە تىيىم سالىنادى.
- ەيەل جاتىرى ٶزگەگە جالعا دا, اقىسىز دا بەرٸلمەيدٸ.
