بۇگىن ورتالىق كوممۋنيكاسيالار قىزمەتىندە وتكەن باسپا ءسوز ماجىلىسىندە ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ سوڭعى جىلدارى ەلىمىزدە ءجيى قولدانىپ جۇرگەن «يفتار»، «ماشاللاح» سەكىلدى اراب تىلىندەگى سوزدەردى قولدانباۋعا كەڭەس بەردى، دەپ حابارلايدى Baq.kz.
«قازاق ءتىلى وتە باي. سوندىقتان كىرمە سوزدەرگە قولدانباۋعا تىرىسايىق. بۇگىنگى تاڭدا كەيبىر ازاماتتار كىرمە سوزدەردى قولدانۋعا قۇمار. وعان مىسال رەتىندە «يفتار»، «ماشاللاح» سوزدەرىن» ايتۋعا بولادى. ايتپەسە، «يفتاردى» قازاق حالقى وسى ۋاقىتقا دەيىن اۋىز اشار، «ماشاللانى» قۇداي قالاسا دەپ ايتىپ كەلدى عوي. سوندىقتان تەرىس اعىمدارعا تويتارىس بەرۋ ءۇشىن ءبىز ءوز رۋحاني قۇندىلىعىمىزدى ساقتاپ قالۋىمىز كەرەك. سول كەزدە جاستارىمىز جات اعىمدارعا ەرمەيتىن بولادى»، – دەيدى ن.ەرمەكبايەۆ.
ونىڭ ايتۋىنشا، تەرىس راديكالدى يدەولوگياعا قازاق داستۇرىمىزبەن عانا تويتارىس بەرە الامىز. ايتا كەتەيىك، سوڭعى جىلدارى سارەسىن- سۋھۋ، اۋىزاشاردى-يفتار دەپ ايتۋ بەلەڭ الىپ كەتكەن بولاتىن.
