Búgin Ortalyq kommýnikatsiialar qyzmetinde ótken baspasóz májilisinde QR Din isteri jáne azamattyq qoǵam ministri Nurlan Ermekbaev sońǵy jyldary elimizde jii qoldanyp júrgen «iftar», «mashallah» sekildi arab tilindegi sózderdi qoldanbaýǵa keńes berdi, dep habarlaidy Baq.kz.
«Qazaq tili óte bai. Sondyqtan kirme sózderge qoldanbaýǵa tyrysaiyq. Búgingi tańda keibir azamattar kirme sózderdi qoldanýǵa qumar. Oǵan mysal retinde «iftar», «mashallah» sózderin» aitýǵa bolady. Áitpese, «iftardy» qazaq halqy osy ýaqytqa deiin aýyz ashar, «mashallany» qudai qalasa dep aityp keldi ǵoi. Sondyqtan teris aǵymdarǵa toitarys berý úshin biz óz rýhani qundylyǵymyzdy saqtap qalýymyz kerek. Sol kezde jastarymyz jat aǵymdarǵa ermeitin bolady», – deidi N.Ermekbaev.
Onyń aitýynsha, teris radikaldy ideologiiaǵa qazaq dástúrimizben ǵana toitarys bere alamyz. Aita keteiik, sońǵy jyldary sáresin- sýhý, aýyzashardy-iftar dep aitý beleń alyp ketken bolatyn.
