قازاقستاندا ءماسليحات دەپۋتاتتارىنا الەۋمەتتىك تولەمدەر قاراستىرۋ ۇسىنىلدى، دەپ حابارلايدى Dala News.
ماجىلىستە قارالىپ جاتقان زاڭ جوباسىنا سايكەس، ەگەر ءماسليحات تاراتىلعان جاعدايدا تۇراقتى نەگىزدە جۇمىس ىستەيتىن دەپۋتاتتارعا ءۇش ايعا دەيىن ورتاشا ايلىق جالاقى مولشەرىندە جاردەماقى تولەۋ كوزدەلىپ وتىر.
سونىمەن قاتار قۇجاتتا ءىسساپار شىعىندارىن وتەۋ نورماسى بەكىتىلەدى. بۇدان بولەك، دەپۋتاتتارعا قاتىستى تارتىپتىك شارالار ەنگىزۋ ۇسىنىلعان.
اتاپ ايتقاندا، دەپۋتاتتاردى داۋىس بەرۋ قۇقىعىنان نەمەسە سەسسياعا قاتىسۋدان ۋاقىتشا شەكتەۋ مۇمكىندىگى قاراستىرىلعان. ال تۇراقتى نەگىزدە جۇمىس ىستەيتىن دەپۋتاتتارعا ءبىر كۇندىك جالاقىنى ۇستاپ قالۋ تۇرىندەگى جاۋاپكەرشىلىك شاراسى ەنگىزىلەدى.
زاڭ جوباسى ازىرگە تالقىلاۋ ساتىسىندا.
