"ءبىز اباي وبلىسىنداعى جاعدايدى ءوز كوزىمىزبەن كورىپ، باقىلاۋ ءۇشىن بارعان ەدىك. تۇندە قايتىپ كەلدىك. ءورت اۋىزدىقتالدى، توقتاتىلدى دەپ ايتا المايمىز. ول جەرگە تەحنيكالىق كومەك كوپ قاجەت. جەلدىڭ توقتاماۋى مەن جاڭبىردىڭ بولماۋى سىندى تابيعي فاكتورلار دا قاتتى اسەر ەتىپ جاتىر. تەك AMANAT پارتياسى عانا ەمەس، جەرگىلىكتى حالىقتىڭ بەلسەندىلىگى، كوشىرىلگەن حالىققا كومەك كورسەتۋ سىندى ىس-ارەكەتتەر رەتكە كەلتىرىلگەن. بارلىعى قالىپتى جوسپار بويىنشا جۇمىس ىستەپ جاتىر"، – دەدى رينات زايىوۆ.
دەپۋتات اتاعانداي، باستى پروبلەما – وتتى اۋىزدىقتاپ توقتاتۋ.
"وسى جاعىنان كەلگەندە سۇراق وتە كوپ. قالاي توقتاتادى؟ قاشان توقتاتادى؟ ءقازىردىڭ وزىندە "سەمەي ورمانى" رەزەرۆاتىنىڭ 10 پايىزىنا دەيىنگى اۋماعى ورتەنىپ جاتىر. كەشە ءبىز بارعان تاليسا دەگەن اۋىلعا ءبىز كەتكەن سوڭ تۇندە وت بارعان. بۇلاق دەگەن اۋىلدى ءتۇتىن جايلاعان سوڭ ادامداردى كوشىرگەن. قازىرگى احۋالى وسىنداي بولىپ وتىر"، – دەدى رينات زايىتوۆ.
سونىمەن قاتار دەپۋتات سامات نۇرتازا وڭىردەگى جاعداي ءالى دە كۇردەلى ەكەنىن ايتتى.
"تەحنيكا ءىشىنارا جەتىسپەدى. مەنىڭ ويىمشا، ءورت ايماعىندا تەحنيكا كوبىرەك بولۋى كەرەك ەدى. جالپى تجم باسشىلىعىن اۋىستىرۋ بۇرىننان قاجەت بولدى. باسشىلىقتى اۋىسقاننان كەيىن وڭ ناتيجە بولادى دەگەنگە سەنگىم كەلەدى، ويتكەنى ورمان ۇلكەن جانە 3-4-اق تىكۇشاق ۇشادى. بۇل وتە از.
ءبىز ءورت بولعان جەرگە جەتتىك، سوندا بولدىق. ورماننان كەلگەن ادامداردىڭ كيىمدەرىنەن ءتىپتى ءتۇتىندى دە بايقاۋعا بولادى. ولار كۇيىپ قالماس ءۇشىن ورمانعا كيىمدەرىن ىلعالداپ كىرەدى. ياعني بۇل – اۋىر جۇمىس، ولار – ناعىز باتىرلار. ولاردىڭ جالاقىسى-110 مىڭ تەڭگە. ءتىپتى مۇنى ايتۋدىڭ ءوزى ۇيات. وسى پروبلەمالىق ماسەلەلەردىڭ بارلىعى كوتەرىلەدى. سارسەنبىدە پلەنارلىق وتىرىستا ءبىز بۇل ماسەلەنى كوتەرەمىز دەپ ويلايمىن"، – دەپ اتاپ ءوتتى دەپۋتات.
سامات نۇرتازامەن بىرگە تج ورنىندا باسقا دەپۋتاتتار دا بولعان.
“ءبىز كوللەدج جاتاقحاناسىندا بولعان ادامدارعا باردىق. ولار وزدەرىنىڭ مالى، باقشالارى، ۇيلەرى ءۇشىن الاڭدادى. ءىىم، ارينە، جاقسى جۇمىس ىستەدى. ولار توناۋ بولماس ءۇشىن اۋىلدى قورشاپ الدى. ءبىز سول بوس قالعان اۋىلعا باردىق. پوليسەيلەر تىكەلەي تىزبەكتە تۇر"، – دەپ اتاپ ءوتتى سامات نۇرتازا.
ايتا كەتەيىك، اباي وبلىسىنداعى الاپات ءورت كەزىندە 14 ادام قازا تاپتى.
دەرەككوز: Stan.kz
