مەجٸلٸستٸڭ جالپى وتىرىسىندا دەپۋتات پرەمەر-مينيستردٸڭ ورىنباسارى تامارا دٷيسەنوۆاعا سۇراق قويىپ, مەملەكەتتٸك جوبالاردىڭ يگٸلٸگٸن حالىق كٶرە الماي وتىرعانىن جەتكٸزدٸ.
تامارا قاسىمقىزى, بايانداماڭىزدا بارلىق جوسپارلانعان جۇمىستار ٷكٸمەتتٸڭ باقىلاۋىندا ەكەنٸنە سەندٸرگٸم كەلەدٸ دەدٸڭٸز. مەنٸڭ دە سەنگٸم كەلەدٸ. بٸراق سەنە المايمىن. ٶيتكەنٸ سٸز سٶزٸڭٸزدە دەپۋتاتتاردىڭ ۇسىنىسى ەسكەرٸلدٸ دەدٸڭٸز. مەنٸڭ سٶزٸمدٸ قاپەرٸنە الىپ جاتقان مينيسترلٸك ٶكٸلٸن ەلٸ كٷنگە دەيٸن كٶرمەدٸم, - دەدٸ رينات زايىتوۆ.
سونىمەن قاتار, ول سٶزٸنە ناقتى دەلەل كەلتٸرۋگە تىرىستى.
«ەنەۋگٷنٸ ەڭ بولماسا مەمس-تٸ توقتاتا تۇرايىق دەدٸم. ونى ەشكٸم ەسكەرمەدٸ. بٸر اپتا بۇرىن تاعى دا اقتوعاي ەلدٸ مەكەنٸندە اۋرۋحاناعا جەتە الماي, 1994 جىلعى جٸگٸت قايتىس بولدى. سودان كەيٸن سٸز باعا 15 پايىزدان اسپايدى دەدٸڭٸز. بۇعان دا سەنۋ قيىن. ەلدٸ مەكەندەردٸ 2027 جىلعا دەيٸن گازبەن قامتاماسىز ەتەمٸز دەيسٸز. مەن بۇعان مٷلدە سەنبەيمٸن.
مىسالى, الماتى وبلىسىنىڭ بالقاش اۋدانى باقاناس ەلدٸ مەكەنٸندە وسىدان 3 جىل بۇرىن قۇبىرىن, بەرٸن تارتىپ قويعان. قۇبىرلار شٸري باستادى, گاز ەلٸ جوق.
2 جىلدا جٷزدەگەن اۋىلدى سۋمەن قامتاماسىز ەتەمٸز دەدٸڭٸزدەر. بۇلارىڭىز دا ٶتٸرٸك. ٶيتكەنٸ اياگٶز اۋدانىنداعى قاراپايىم 3 اۋىلدى سۋمەن قامتاماسىز ەتە الماي وتىرعاندارىڭىزعا 10 جىلدان اسىپ كەتتٸ. «جايلى مەكتەپ» جوباسى بويىنشا 369 مەكتەپ سالام دەگەندەرٸڭٸزگە مٷلدە سەنبەيمٸن. ايىپ ەتپەڭٸزدەر, استانا-الماتى تاسجولى كەلەسٸ جىلى بٸتەدٸ دەيسٸزدەر. قالباتاۋ-مايقاپشاعاي جولىنىڭ بٸتپەي جاتقانىنا قانشا جىل بولعانىن بٸلەتٸن شىعارسىزدار...
وسىعان بايلانىستى سۇراق قويعىم كەلەدٸ. قۇرمەتتٸ تامارا قاسىمقىزى, جوسپارلاپ وتىرعان ٸستەرٸڭٸز ورىندالماي قالسا, موينىنا جاۋاپكەرشٸلٸكتٸ كٸم الادى? ناقتى سونىڭ اتى-جٶنٸن ايتىڭىزشى», - دەدٸ دەپۋتات.
ۆيتسە-پرەمەر رينات زايىتوۆتى سابىر ساقتاپ, ورىندى سٶيلەۋگە شاقىردى.
«جالپى ٷكٸمەت تاراپىنان ەشقانداي جۇمىس ٸستەلٸپ جاتقان جوق دەپ ايتۋعا بولمايدى. قازٸر ەرٸپتەستەرٸم جانىمدا وتىر. قانداي جۇمىستار ٸستەلگەنٸن, ونىڭ قوعامدا قالاي قابىلدانعانىن, جالپى بيزنەس بويىنشا جۇمىستار قالاي ٸستەلٸپ جاتقانىن كٶرٸپ وتىرسىزدار. سوندىقتان بارلىق مەسەلە شەشٸلمەي جاتىر, قارالماي جاتىر دەپ ايتا المايمىز. بٸراق جۇمىس پەن ادام بار جەردە كەمشٸلٸك تە بار. كەمشٸلٸك جوق, بارلىق جەردە كەرەمەت جۇمىس ٸستەپ جاتىر دەپ ايتا المايمىز», - دەدٸ تامارا دٷيسەنوۆا.
https://dalanews.kz/del-qazir/93856-songgy-ush-zhylda-qazaqmystagy-zhalaqy-823-p
