جيىنعا اتالعان كەڭەس پەن كوميسسيا مۇشەلەرى، ق ر پارلامەنتى ءماجىلىسىنىڭ دەپۋتاتى قاينار اباسوۆ، پروكۋراتۋرا جانە وزگە دە جاۋاپتى مەكەمەلەردىڭ وكىلدەرى قاتىستى. ءماجىلىستى «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى بەيسەن تاجىبايەۆ جۇرگىزىپ وتىردى.
كۇن تارتىبىندە «اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنىڭ ىسكە اسىرىلۋى، ونىڭ ىشىندە مەملەكەتتەن بەرىلەتىن سۋبسيديالاۋدىڭ ماقساتتى يگەرىلۋى تۋرالى» ماسەلە تالقىلاندى.
تۇركىستان وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆتىڭ ايتۋىنشا، تۇركىستان وبلىسىندا اۋىل شارۋاشىلىعى سالاسى بويىنشا ەڭبەك ونىمدىلىگى 2،2 ەسەگە، جالپى ءونىم كولەمى 1،8 ەسەگە ءوسىپ، 730 ملرد تەڭگەگە جەتكەن.
2020 جىلى 847،9 مىڭ گەكتارعا اۋىل شارۋاشىلىعى داقىلدارى ەگىلىپ، سوڭعى 3 جىلدا 47،7 مىڭ گەكتارعا ارتقان. جىلىجايلار كولەمى 1246 گەكتارعا جەتىپ، وبلىس اۋماعىندا سۋدى ۇنەمدەۋ تەحنولوگيالارى ەنگىزىلۋدە.
سوڭعى ءۇش جىلدا مال مەن قۇس باسى 23 پايىزعا كوبەيگەن. وسى جەتىستىكتەرگە مەملەكەت تاراپىنان بەرىلىپ جاتقان سۋبسيديالار مەن جەڭىلدىكتەردىڭ كومەگى ايرىقشا ەكەنىن ايتقان باسقارما باسشىسى 2017-2020 جىلدار اراسىندا اگروونەركاسىپ كەشەنىن سۋبسيديالاۋعا 111،9 ملرد تەڭگە باعىتتالعانىن ايتتى.
تۇركىستان وبلىسى پروكۋراتۋراسىنىڭ باسقارما پروكۋرورى اسىلبەك تۋرشەكوۆتىڭ ايتۋىنشا، وبلىستىق پروكۋراتۋرا تۇركىستان وبلىسىنىڭ اۋىل شارۋاشىلىعى باسقارماسىنىڭ «اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنىڭ» ورىندالۋ بارىسىنداعى جۇمىستاردى زەردەلەپ، ءبىرقاتار دەرەكتەردى انىقتاعان. زەردەلەۋ بارىسىندا تۇركىستان وبلىسى اۋىل شارۋاشىلىعى باسقارماسىنىڭ لاۋازىمدى تۇلعالارى تاراپىنان جالپى سوماسى 1،9 ملرد تەڭگەگە ينۆەستيسيالىق سۋبسيديالاردى نەگىزسىز تولەۋ بەلگىلەرىمەن 13 فاكت انىقتالىپ، ولار بويىنشا پروسەستىك شەشىم قابىلداۋ ءۇشىن تۇركىستان وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنە جولدانعان.
بۇل دەرەككە باسقارمانىڭ دا ءوز ايتارى بار بولىپ شىقتى. ن.بادىراقوۆتىڭ ايتۋىنشا، اۆانس تۇرىندەگى سۋبسيديالاۋدا كاسىپكەردەن جوبالىق-سمەتالىق قۇجات تالاپ ەتىلمەۋى ءتيىس.
مەملەكەتتىڭ قاراجاتى ءتيىستى مەكەمەنىڭ ەسەپ-شوتىندا تۇر. كاسىپكەرلەر وزدەرىنىڭ جوبالارىن جۇزەگە اسىرىپ، جۇمىستارىن اياقتاعان. ياعني، سۋبسيديانى الۋعا تولىق قۇقىلى.
وسى ءبىر قۇجاتتاعى كەمشىلىك سالدارىنان وبلىستىڭ بىرنەشە كاسىپكەرى شىعىنعا ۇشىراپ، جوبالارى اياقسىز قالۋى مۇمكىن. بۇل جايلى تۇركىستان وبلىستىق كاسىپكەرلەر پالاتاسىنىڭ باسشىسى تيمۋر ناقىپبەكوۆ وي قوزعاپ، كاسىپكەرلەردىڭ زارداپ شەكپەۋى كەرەك ەكەنىن ايتتى. سونىمەن بىرگە ماجىلىسكە قاتىسقان بىرنەشە كاسىپكەر وسى تۇيتكىلدىڭ شەشىلۋىنە كومەك سۇراپ، ءوز شاعىمدارىن جەتكىزدى.
– جوسپارعا ساي جۇمىس اتقارىلدى، جىلىجايلار سالىندى. ەندى جوبامىزدى جالعاستىرايىق پا الدە سۋبسيديانى قايتارايىق پا؟ سۋبسيديالاۋداعى قاعازباستىلىق پەن تۇسىنبەستىكتىڭ سالدارىنان جۇمىسىمىز توقتاپ تۇر، – دەدى ەكى ءجشس-نىڭ وكىلى.
ق ر پارلامەنت ءماجىلىسىنىڭ دەپۋتاتى، ق ر پارلامەنتى ءماجىلىسىنىڭ اگرارلىق ماسەلەلەر كوميتەتىنىڭ مۇشەسى قاينار اباسوۆ بۇل ماسەلەنى پارلامەنت مىنبەرىندە كوتەرەتىنىن مالىمدەدى.
– بۇگىن ءسوز بولعان سۋبسيديالاۋ بارىسىنداعى ماسەلە – اكتىلەرىمىزدەگى جىبەرىلگەن ولقىلىق. باسقاشا ايتا المايمىن. پروكۋراتۋرا دا، كاسىپكەرلەر دە ءوز جۇمىسىن ىستەپ وتىر. اۋىل شارۋاشىلىعى مينيسترلىگىنىڭ بۇيرىعىنداعى ءبىر ولقىلىق وسىنداي ماسەلە تۋىنداتىپ وتىر. بۇگىنگى جيىنداعى حاتتاما بويىنشا ماسەلەنى قىركۇيەكتە ماجىلىستە ءتيىستى ءمينيستردىڭ الدىندا كوتەرەمىز.
شەشىلۋىنە اتسالىسامىز. وسى جانە وزگە دە پروبلەمالار ارقىلى ق ر اۋىل شارۋاشىلىعى مينيسترلىگىنىڭ وڭىرلەرمەن كەرى بايلانىسى تومەن ەكەنى اڭعارىلىپ وتىر.
ءبىز اۋىلداردى ارالاعان كەزىمىزدە كاسىپكەرلەر سۋبسيديا الۋداعى كەدەرگىلەردى ازايتۋ، جوبالىق-سمەتالىق قۇجات ازىرلەۋ جونىندەگى تالاپتى الىپ تاستاۋ تۋرالى ءوتىنىش، ۇسىنىس ايتتى. شارۋالاردىڭ ۇسىنىستارى ورىندى.
سۋبسيديا الاتىن ادامنان جۇمىس ورىندارىن اشۋ جانە سالىق تولەۋ عانا تالاپ ەتىلۋى ءتيىس. ءاربىر تيىن ءۇشىن بولجام الدىرۋ، الدىن الا كەلىسىمشارت جاساتقىزۋ شارۋانىڭ ەكى قولىن بايلاپ قويادى. «قولداۋ» باعدارلاماسىن جۇيەلەۋ، وسى سالانى سيفرلاندىرۋدى جەتىلدىرۋ باعىتىندا جۇمىس جۇرگىزەمىز، – دەدى ول.
