قازاقستاننىڭ دەپوزيتتٸك نارىعىندا كٷرت ٶزگەرٸس ورىن الۋدا. Kaspi بۇرىنعىشا قارقىن العانىمەن, بٸراق بٸردەن بٸرنەشە بانكتە حالىق جيناعىنىڭ كٶلەمٸ كٷرت قىسقارعان. بۇعان نە تٷرتكٸ? بۇل ساۋالعا Ranking.kz ساراپشىلارى جاۋاپ بەرٸپ, اتالعان نارىقتاعى قازٸرگٸ احۋالدى ەگجەي-تەگجەي تٷسٸندٸردٸ, دەپ حابارلايدى Dalanews.kz.
قازاقتاندىقتار دەپوزيتكە قايتا بەت بۇرا باستادى: مامىرداعى ٶسٸم ماردىمسىز بولعانىمەن, سەنٸم ارتىپ كەلەدٸ.
"2025 جىلدىڭ 1 ماۋسىمداعى جاعداي بويىنشا, الداعى ايمەن سالىستىرعاندا حالىقتىڭ بانكتەگٸ دەپوزيتتەرٸ ازداپ ٶسٸپ, 25 ترلن تەڭگەگە جەتتٸ. ايلىق ٶسٸم – بار بولعانى 0,4%. بۇل كەرەمەت ەسەرگە يە نەتيجە بولماسا دا, ۇزاق مەرزٸمدٸ ترەند تۇراقتى ٶسٸمدٸ كٶرسەتٸپ وتىر: سوڭعى بەس جىلداعى جىلدىق ورتاشا ٶسٸم – 20,5%, ال 2025 جىلدىڭ ٶزٸندە – 18,9%. دەمەك, قازاقستاندىقتار بانكتٸك سالىمداردى ەلٸ دە اقشانى ساقتاۋ مەن كٶبەيتۋدٸڭ باستى قۇرالى دەپ ەسەپتەيدٸ. الايدا بانكتەردٸڭ بەرٸ بٸردەي وڭ نەتيجەگە قول جەتكٸزبەگەن. 22 بانكتىڭ تەك سەگٸزٸ عانا دەپوزيت كٶلەمٸن ارتتىرسا, قالعان 13-ٸندە حالىقتىڭ اقشاسى ازايعان. جالپى العاندا, بانكتەن الىنعان اقشانىڭ جيىنتىق كٶلەمٸ 84,3 ملرد تەڭگەنٸ قۇرايدى", - دەيدٸ ساراپشىلار.
ونىڭ سەبەبٸ ەر بانككە قاتىستى ەرقالاي: بٸرٸ سىياقىلار بويىنشا تارتىمدى جاعدايلاردان باس تارتسا, تاعى بٸرٸ ٶزٸنە دەگەن سەنٸمدٸ جوعالتا باستاعان, سول سەكٸلدٸ بانك سەكتورى كٶشباسشىلارىمەن قاتتى بەسەكەلەسە الماۋ.
ساراپشىلار ايلىق ٶسٸم بويىنشا Kaspi Bank-تٸڭ كٶش باستاپ تۇرعانىن ايتادى.
مۇندا مامىر ايىندا حالىق سالىمدارى 124,5 ملرد تەڭگەگە نەمەسە 2,1%-عا ارتقان. بانكتەگٸ جالپى سالىم كٶلەمٸ 6 ترلن تەڭگەدەن استى.
ەكٸنشٸ ورىندا – Freedom Bank: +23,6 ملرد تەڭگە (680,8 ملرد تەڭگەگە دەيٸن).
ٷزدٸك ٷشتٸكتٸ Home Credit Bank تٷيٸندەيدٸ: +20,5 ملرد تەڭگە, جالپى سالىمدار سوماسى 507 ملرد تەڭگەگە جەتكەن.
ودان بٶلەك, مامىردا وڭ ديناميكا كٶرسەتكەن بانكتر قاتارىندا مىنالار جاتادى:
- بانك تسەنتركرەديت (+12,4 ملرد),
- ەۋرازييالىق بانك (+4 ملرد),
- وتباسى بانك (+2,1 ملرد),
- نۇربانك (+1,2 ملرد),
- ۆتب قازاقستان (+0,8 ملرد).
بانك سالىمدارىنىڭ ٸشٸندە ەڭ تانىمالى – مەرزٸمدٸ دەپوزيتتەر (73,1%). ودان كەيٸن جيناقتاۋشى دەپوزيتتەر (13,3%) مەن اعىمداعى شوتتار (13,2%) تۇر.
دەپوزيتتەر نەگە ەلٸ دە تارتىمدى?
بٸرٸنشٸدەن, حالىق تابىسىنىڭ ارتۋى. ەسٸرەسە, ٸرٸ قالالاردا جۇمىسپەن قامتىلۋ جەنە جالاقى دەڭگەيٸ جوعارى, ارتىق قاراجاتتى جيناقتاۋعا مٷمكٸندٸك بار.
ەكٸنشٸدەن, جوعارى پايىزدىق مٶلشەرلەمە. ۇلتتىق بانكتٸڭ بازالىق مٶلشەرلەمەسٸ – 16,5%. بۇل – ەلەمدەگٸ ەڭ جوعارى كٶرسەتكٸشتەردٸڭ بٸرٸ. ينفلياتسييا مەن مٶلشەرلەمە اراسىنداعى ايتارلىقتاي ايىرماشىلىق دەپوزيتتٸڭ تابىستىلىعىن كٷرت ارتتىرادى.
ٷشٸنشٸدەن, بانك سەكتورىنا دەگەن سەنٸم نىعايىپ كەلەدٸ. كاپيتالى وسال بانكتەر نارىقتان كەتكەن سوڭ, ٸرٸ ويىنشىلاردىڭ تۇراقتى ٶسٸمٸ مەن تسيفرلىق ترانسفورماتسيياسى كليەنتتەردٸڭ سەنٸمٸن ارتتىرۋدا.
تٶرتٸنشٸدەن, مەملەكەت كەپٸلدٸگٸ. قازاقستاننىڭ دەپوزيتتەرگە كەپٸلدٸك بەرۋ قورى ارقىلى بارلىق سالىمدار ساقتاندىرىلعان, بۇل دا شەشٸم قابىلداۋدا ماڭىزدى رٶل اتقارادى.
بەسٸنشٸدەن, تسيفرلىق ىڭعايلىلىق. بٷگٸندە دەپوزيت اشۋ – بٸرنەشە مينۋتتىق شارۋا. بانكتەردٸڭ موبيلدٸ قوسىمشالارى ارقىلى كليەنتتەر ٷيدەن شىقپاي-اق, قارجىسىن تيٸمدٸ ورنالاستىرا الادى.
بۇعان دەيٸن سايتىمىزدا وتباسى بانك سالىمشىلارىنىڭ دەپوزيتتەرٸ ەندٸ ەسەپتەن شىعارۋعا جەنە بۇعاتتاۋعا جاتپايتىنىن جازعانبىز.
