بيشٸمباەۆ ٸسٸ بويىنشا سوتتا تاعى بٸر كۋەگەر - جەدەل جەردەم قىزمەتكەرٸ نۇرلان مۇحامبەدەنوۆ سۇراقتارعا جاۋاپ بەرٸپ جاتىر. ونىڭ سٶزٸنشە, جەدەل جەردەم بريگاداسى قوڭىراۋ تٷسكەننەن كەيٸن 8 مينۋتتىڭ ٸشٸندە كەلگەن, - دەپ حابارلايدى Dalanews.kz.
جەدەل جەردەمنٸڭ كەلۋٸنە ناۋقاستىڭ ەس-تٷسسٸز جەنە دەمالماي جاتقانى سەبەپ بولعان.
"قاسىمدا جٷرگٸزۋشٸ جەنە كٶمەكشٸ تۇرلىبەك بولدى. مەيرامحاناعا ٷشەۋٸمٸز كٸردٸك. مەيرامحانادا بٸزدٸ بايجانوۆ كٷتٸپ الىپ, 2-قاباتتاعى vip-بٶلمەگە كٸرگٸزدٸ. ونىمەن سٶيلەسپەدٸك, بٸردەن ەكٸنشٸ قاباتقا كٶتەرٸلدٸك. ديۆاندا كٶرپەشە جامىلىپ جالاڭاش ەيەل جاتتى. بٸردەن تەكسەرٸسكە كٶشە باستادىق, جەرگە جاتقىزىپ, رەانيماتسييالىق شارالار جاساي باستادىق", - دەيدٸ جەدەل جەردەم قىزمەتكەرٸ.
وسى سەتتە بيشٸمباەۆ پەن بايجانوۆ سٶيلەسٸپ تۇرعاندىقتان جەدەل جەردەم قىزمەتكەرلەرٸنە كەدەرگٸ جاساعان. دەرٸگەر ولاردى بٶلمەدەن شىعىپ كەتۋدٸ سۇراعان.
"كٶمەكشٸمنەن اپپاراتۋرانى مونيتورعا قوسۋىن سۇرادىم, ناۋقاس بۇل كەزدە ەس-تٷسسٸز جاتتى. تامىر سوعىسى بايقالمادى, تىنىس الۋ جەنە جٷرەك سوعىسى توقتاپ قالعان. دەنەسٸ سۋىپ كەتكەن, قاراشىقتارى كەڭەيٸپ كەتكەن. جەدەل جەردەم كەلگەنگە دەيٸن قايتىس بولعان", - دەيدٸ دەرٸگەر.
بۇعان دەيٸن بيشٸمباەۆ سالتاناتقا قانداي دەرٸنٸ نە ٷشٸن بەرگەنٸن ايتقان بولاتىن.
سونىمەن قاتار,نٷكەنوۆانىڭ اعاسى سوتتا بيشٸمباەۆقا سۇراق قويدى.
ايتا كەتەيٸك, 27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
سونىمەن قاتار, قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
سوت وتىرىستارىندا وقيعا بولعان كەزدٸڭ, دەلٸرەك, بيشٸمباەۆ سالتاناتتى شاشىنان سٷيرەپ, تەپكٸلەگەن سۇمدىق كادرلار كٶرسەتٸلدٸ.
ال بٷگٸن قۋاندىق بيشٸمباەۆ سالتانات نٷكەنوۆا قايتىس بولعان تٷنٸ نە ٷشٸن كٶرٸپكەلگە حابارلاسقانىن تٷسٸندٸردٸ. ونىڭ سٶزٸنشە, قايعىلى وقيعا بولعان تٷنٸ جەدەل جەردەم شاقىرۋدىڭ ورنىنا حابارلاسقان كٶرٸپكەل شىمكەنتتە تۇرادى.
