ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا وتكەن جىلى ءبىرقاتار ازامات الەۋمەتتىك تولەمدى جاساندى تۇردە ۇلعايتۋعا تىرىسقانىن جەتكىزدى، دەپ حابارلايدى Dalanews.kz.
ءمينيستردىڭ سوزىنشە، 2024 جىلى ەلىمىزدە 1،4 ميلليون ازاماتقا جالپى سوماسى 958 ميلليارد تەڭگە كولەمىندە الەۋمەتتىك تولەم بەرىلگەن.
"جۇكتىلىك پەن بوسانۋعا بايلانىستى تولەمدەرگە ناقتى شەكتەۋ قويىلماعاندىقتان، كەيبىر ازاماتتار تابىسىن جاساندى تۇردە ارتتىرىپ، مەملەكەتتەن جوعارى مولشەردە تولەم الۋعا تىرىسقان. مۇنداي جاعدايلار الەۋمەتتىك ادىلەتتىلىك قاعيداتتارىنا قايشى كەلەدى. ويتكەنى جۇيەنىڭ ادال قاتىسۋشىلارىنا زيان كەلتىرىپ، بيۋدجەتكە ارتىق سالماق تۇسىرەدى"، – دەدى جاقىپوۆا.
رەسمي دەرەكتەرگە سايكەس، 113 ايەل زاڭسىز ارەكەتتەرى ارقىلى 158،4 ميلليون تەڭگە كولەمىندە تولەم العان. سونىمەن قاتار 2024 جىلدىڭ قىركۇيەگىنەن باستاپ 1،5 مىڭعا جۋىق ازامات ءوز تابىسىن ادەيى ارتتىرعانىن مويىنداپ، مەملەكەتكە 3،4 ميلليارد تەڭگە قايتارعان.
"اتالعان ماسەلەنىڭ الدىن الۋ ءۇشىن زاڭنامالىق وزگەرىستەر توپتاماسىن ازىرلەدىك. جوسپارلانعان رەفورمالار الەۋمەتتىك ساقتاندىرۋ جۇيەسىنىڭ قارجىلاي تۇراقتىلىعىن قامتاماسىز ەتۋگە باعىتتالعان"، – دەپ قوستى ول.
