دۇنيەجۇزىلىك دەنساۋلىق ساقتاۋ ۇيىمى قازاقستانعا ەكى ءىرى قايعىلى وقيعا — تۇركىستان وبلىسىندا بولعان ءورت پەن استاناداعى فەلدشەردىڭ قازاسىنا بايلانىستى كوڭىل ايتتى. ۇيىمنىڭ ەۋروپالىق بيۋروسىنىڭ باسشىسى حانس كليۋگە رەسمي حات جولدادى، دەپ حابارلايدى Dalanews.kz
«استانادا ادامداردى قۇتقارۋ مىندەتىن ورىنداۋ كەزىندە جاس مەديسينالىق قىزمەتكەردىڭ قازا بولۋىنا بايلانىستى شىن جۇرەكتەن كوڭىل ايتامىن» – دەپ جازدى ول دەنساۋلىق ساقتاۋ ءمينيسترى اقمارال ءالنازاروۆاعا.
حاتتا العاباس اۋىلىندا بولعان قايعىلى وقيعا دا اتاپ ءوتىلدى: ءورت كەزىندە ەكى وتباسى، ونىڭ ىشىندە توعىز بالا قازا تاپقان. سونىمەن قاتار، حانس كليۋگە قاجەتتىلىك تۋىنداعان جاعدايدا ددسۇ كومەك كورسەتۋگە دايىن ەكەنىن حابارلادى.
«بالالاردىڭ ورتتەن قازا بولۋى – ۇلكەن تراگەديا، تۋىستارىنىڭ قايعىسىن ەلەستەتۋ مۇمكىن ەمەس»، – دەپ اتاپ ءوتتى كليۋگە.
