قاسىم-جومارت توقاەۆ سالتاناتتى ٸس-شارادا قازاقستاندىقتار نيكول پاشينياندى ارمەنييانىڭ دامۋىنا جاڭا لەپ ەكەلگەن, مەملەكەتتٸك قۇرىلىمنىڭ بارلىق سالادا قايتا جاڭعىرۋىنا تىڭ سەرپٸن بەرگەن جالپىۇلتتىق كٶشباسشى دەپ بٸلەتٸنٸن جەتكٸزدٸ دەپ حابارلايدى Dalanews.kz.
– سٸزدٸڭ كٶرەگەن باسشىلىعىڭىزدىڭ ارقاسىندا ارمەنييا ورنىقتى دامۋ جولىنا تٷسٸپ, حالىقارالىق ارەناداعى پوزيتسيياسىن نىعايتتى. سونداي-اق ٸشكٸ جەنە سىرتقى ساياساتتا پاراساتتى, جاۋاپتى ۇستانىمىمەن ٷلگٸ كٶرسەتٸپ وتىر. سٸز ٶتە كٷردەلٸ گەوساياسي احۋالدا قالىپتان تىس ەرٸ باتىل شەشٸم قابىلدادىڭىز. تٷپتٸڭ تٷبٸندە بۇل ارميان حالقىنا پايداسىن تيگٸزەتٸن ٶتە قۇندى شەشٸم بولدى. دوستاس, باۋىرلاس ارمەنييا بەيبٸتشٸلٸك, ورنىقتى دامۋ جولىن تاڭداعانى انىق. بۇل ٸستە سٸزدٸڭ تاريحي ەڭبەگٸڭٸز زور. ۆاشينگتوندا قابىلدانعان ارمەنييا مەن ەزەربايجان اراسىنداعى بەيبٸت كەلٸسٸمدٸ ٸلگەرٸلەتۋدە ەلەۋلٸ رٶل اتقارعانىڭىزدى اتاپ ٶتكٸم كەلەدٸ, – دەدٸ قازاقستان پرەزيدەنتٸ.
قاسىم-جومارت توقاەۆ بٷگٸندە قازاق-ارميان مەملەكەتارالىق بايلانىسى ستراتەگييالىق سەرٸكتەستٸكتٸڭ جاڭا دەڭگەيٸنە كٶتەرٸلگەنٸن مەلٸمدەدٸ.
– بۇل ٸسكە سٸزدٸڭ ەلدەرٸمٸز اراسىنداعى سان قىرلى ىنتىماقتاستىقتى دامىتۋعا بەلسەندٸ اتسالىسۋىڭىز ايتارلىقتاي ىقپال ەتتٸ. قازاق-ارميان قارىم-قاتىناسىن دامىتۋداعى ٷلكەن ٷلەسٸڭٸز بەن ايرىقشا ەڭبەگٸڭٸزدٸ ەسكەرە وتىرىپ, بٷگٸن سٸزدٸ قازاقستان رەسپۋبليكاسىنىڭ ەڭ جوعارى مەملەكەتتٸك ناگراداسى – «التىن قىران» وردەنٸمەن ماراپاتتاۋ تۋرالى شەشٸم قابىلدادىم. بۇل – مىزعىماس باۋىرلاستىعىمىزدىڭ, ٶزارا بەرٸك سەنٸمنٸڭ جەنە حالىقتارىمىزدىڭ كەلەشەگٸ جولىنداعى ورتاق ۇمتىلىستارىمىزدىڭ جارقىن سيمۆولى, – دەدٸ پرەزيدەنت.
نيكول پاشينيان قازاقستاننىڭ ەڭ جوعارى ناگراداسىمەن ماراپاتتاعانى ٷشٸن قاسىم-جومارت توقاەۆقا جەنە بارشا قازاق حالقىنا العىس ايتىپ, مۇنى وتانداستارىنا كٶرسەتٸلگەن ەرەكشە قۇرمەتتٸڭ بەلگٸسٸ رەتٸندە قابىلدايتىنىن جەتكٸزدٸ.
– مەن ٷشٸن باۋىرلاس قازاقستان رەسپۋبليكاسىنىڭ ەڭ جوعارى ناگراداسىنا يە بولۋ جەنە ونى سٸزدٸڭ قولىڭىزدان الۋ – زور مەرتەبە. سٸزدٸ ٶتە تەجٸريبەلٸ ساياساتكەر, مەملەكەت قايراتكەرٸ, ديپلومات رەتٸندە بٸلەمٸز. سوندىقتان سٸزدٸڭ بەرگەن باعاڭىز مەن ٷشٸن قۇندى. بۇل ماراپات ەكٸجاقتى قارىم-قاتىناسىمىزدى عانا ەمەس, تۇتاس ٶڭٸردٸڭ دامۋىنا سەپتٸگٸن تيگٸزەدٸ دەپ سەنەمٸن, – دەدٸ ارمەنييا پرەمەر-مينيسترٸ.
