الماتىلىق "قايرات" فۋتبول كلۋبىنىڭ شابۋىلشىسى داستان ساتپايەۆ قازاندا وتەتىن 2026 جىلعى الەم چەمپيوناتىنىڭ ىرىكتەۋ ماچتارىندا قازاقستان قۇراماسىنا كومەكتەسە المايدى، دەپ حابارلايدى Dalanews.kz.
مالىمەتكە سۇيەنسەك، جاس فورۆارد ۇلتتىق قۇرامانىڭ وقۋ-جاتتىعۋ جيىنىنا كەلمەگەن. سەبەبى - جاراقات.
ايتا كەتەيىك، 5 قازاندا داستان ساتپايەۆ كاسىپقوي فۋتبول ليگاسىنىڭ كەيىنگە شەگەرىلگەن ويىنىندا تالدىقورعاندىق "جەتىسۋعا" قارسى تولىق 90 مينۋت ويناعان ەدى (ەسەپ - 5:0).
بۇعان دەيىن قازاقستان قۇراماسىنىڭ باس باپكەرىنىڭ مىندەتىن ۋاقىتشا اتقارۋشى تالعات بايسۋفينوۆ ليحتەنشتەينمەن (10 قازان) جانە سولتۇستىك ماكەدونيامەن (13 قازان) وتەتىن ماچتارعا شاقىرىلعان ويىنشىلاردىڭ سوڭعى ءتىزىمىن جاريالاعان ەدى.
