جامبىل وبلىستىق پەريناتالدىق ورتالىقتا جاڭا تۋعان شاقالاق 1 ساعات ىشىندە شەتىنەپ كەتتى. ال اناسى ءقازىر اۋىر حالدە جانساقتاۋ بولىمىندە جاتىر. ايەلدىڭ تۋىستارى دارىگەرلەر كەسىر تىلىگىن جاساۋ ءۇشىن اقشا سۇراعانىن، ونى بەرمەگەندىكتەن انا مەن بالاعا قاجەتتى كومەك كورسەتىلمەگەنىن ايتادى، دەپ حابارلايدى Dalanews.kz اگەنتتىگى “استانا” تەلەارناسىنا سىلتەمە جاساپ.
تۇرار رىسقۇلوۆ اۋدانىنىڭ تۇرعىنى گۇلىم ورازبايەۆا جۇكتىلىگىنىڭ 41 اپتاسىندا وبلىستىق پەريناتالدىق ورتالىعىنا كەلگەن. اۋداندىق اۋرۋحانا بالانىڭ دەنى ساۋ ەكەنىن ايتىپ، ايەلدى كەسىر تىلىگىن جاساۋ ءۇشىن ورتالىققا جىبەرگەن. الايدا تۋىستارىنىڭ ايتۋىنشا، مۇندا دارىگەرلەر ايەلدىڭ مەديسينالىق كارتاسىن قاراماي، جەتى كۇن بويى جاتقىزىپ قويعان. ناتيجەسىندە ءسابي ومىرگە كەلگەن سوڭ ءبىر ساعات ىشىندە شەتىنەپ، اناسىنا قان كەتۋ سالدارىنان جاتىرىن تۇگەل الۋ وپەراسياسى جاسالعان.
جولداسى ەرمۇحان امىرەيەۆتىڭ سوزىنشە، دارىگەرلەر الدىن الا 20 مىڭ تەڭگە سۇراعان، ءبىراق ولار ونى بەرمەگەن.
“20 مىڭ تەڭگە نە ىستەيىن دەيدى. امان ەسەن بوسانىپ السام، بەرەم دەدىم دەيدى. الدىن الا ەمەس دەپ ايتتىم دەيدى. الدىن الا بەرە المايمىن، ەگەر الدىن الا بەرسەم ول بوساناتىن ەدى سەنبى كۇنى كەساريەۆو جاساي سالاتىن ەدى”، - دەيدى ايەلدىڭ جولداسى ەرمۇحان امىرەيەۆ.
اپكەسى ايگەرىم مارات قىزى دا دارىگەرلەردىڭ ارەكەتىنە نارازى.
“ءسىڭىلىم وزدىگىنەن بوسانا المايدى، ونى كەسارۆومەن وسى جاققا جىبەرىپ تۇر. ۆراچ مەنىڭ ءسىڭىلىمنىڭ يستورياسىن قاراعان كەزدە، ونىڭ بەتىندە كەسارۆو دەگەندى وقىعان كەزدە ونى سول پونەدەلنيك كۇنى بولماسا ۆتورنيك كۇنى جاساپ قويۋ كەرەك ەدى. مەن جانىندا بولدىم داجە كەسارۆو جاساشى، كەسىڭدەرشى دەپ جىلاعان كەزدە دە بىزگە ءوزى تۋادى، ءوزى تۋادى دەپ اياعىنا دەيىن ءسىڭىلىمنىڭ ومىرىمەن ريسكوۆات ەتتى. مىنە بالا ءولدى”، - دەيدى ول.
شەتىنەپ كەتكەن ءسابي 4 كەلى 400 گرامم بولىپ تۋعان. جاقىندارى دارىگەرلەردى جاۋاپقا تارتۋدى تالاپ ەتىپ وتىر.
جامبىل وبلىستىق دەنساۋلىق ساقتاۋ باسقارماسى قىزمەتتىك تەكسەرىس باستالعانىن حابارلادى.
“زەردەلەۋ ءۇشىن جۇمىس توبى قۇرىلادى. سول ارقىلى تاۋەلسىز ساراپتاما تاعايىندالىپ، كوميتەت كونترول مەدەسينوسكيي قىزمەتى بويىنشا دەگەن بار. سول جاققا جۇگىنەمىز. + زاڭ بويىنشا قول اقى بەرۋدىڭ قاجەتى جوق. ول زاڭسىز. بىزدەگى ق ر زاڭىنا سايكەس بوساندىرۋ ءبارى تەگىن ءوتۋ كەرەك”، — جامبىل وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ەرىك مۇسابايەۆ.
