Jambyl oblystyq perinataldyq ortalyqta jańa týǵan shaqalaq 1 saǵat ishinde shetinep ketti. Al anasy qazir aýyr halde jansaqtaý bóliminde jatyr. Áieldiń týystary dárigerler kesir tiligin jasaý úshin aqsha suraǵanyn, ony bermegendikten ana men balaǵa qajetti kómek kórsetilmegenin aitady, dep habarlaidy Dalanews.kz agenttigi “Astana” telearnasyna silteme jasap.
Turar Rysqulov aýdanynyń turǵyny Gúlim Orazbaeva júktiliginiń 41 aptasynda oblystyq perinataldyq ortalyǵyna kelgen. Aýdandyq aýrýhana balanyń deni saý ekenin aityp, áieldi kesir tiligin jasaý úshin ortalyqqa jibergen. Alaida týystarynyń aitýynsha, munda dárigerler áieldiń meditsinalyq kartasyn qaramai, jeti kún boiy jatqyzyp qoiǵan. Nátijesinde sábi ómirge kelgen soń bir saǵat ishinde shetinep, anasyna qan ketý saldarynan jatyryn túgel alý operatsiiasy jasalǵan.
Joldasy Ermuhan Ámireevtiń sózinshe, dárigerler aldyn ala 20 myń teńge suraǵan, biraq olar ony bermegen.
“20 myń teńge ne isteiin deidi. Aman esen bosanyp alsam, berem dedim deidi. Aldyn ala emes dep aittym deidi. Aldyn ala bere almaimyn, eger aldyn ala bersem ol bosanatyn edi senbi kúni kesarevo jasai salatyn edi”, - deidi áieldiń joldasy Ermuhan Ámireev.
Ápkesi Aigerim Maratqyzy da dárigerlerdiń áreketine narazy.
“Sińilim ózdiginen bosana almaidy, ony kesarvomen osy jaqqa jiberip tur. Vrach meniń sińilimniń istoriiasyn qaraǵan kezde, onyń betinde kesarvo degendi oqyǵan kezde ony sol ponedelnik kúni bolmasa vtornik kúni jasap qoiý kerek edi. Men janynda boldym daje kesarvo jasashy, kesińdershi dep jylaǵan kezde de bizge ózi týady, ózi týady dep aiaǵyna deiin sińilimniń ómirimen riskovat etti. Mine bala óldi”, - deidi ol.
Shetinep ketken sábi 4 keli 400 gramm bolyp týǵan. Jaqyndary dárigerlerdi jaýapqa tartýdy talap etip otyr.
Jambyl oblystyq densaýlyq saqtaý basqarmasy qyzmettik tekseris bastalǵanyn habarlady.
“Zerdeleý úshin jumys toby qurylady. Sol arqyly táýelsiz saraptama taǵaiyndalyp, komitet kontrol medetsinoskii qyzmeti boiynsha degen bar. Sol jaqqa júginemiz. + Zań boiynsha qol aqy berýdiń qajeti joq. Ol zańsyz. Bizdegi QR zańyna sáikes bosandyrý bári tegin ótý kerek”, — Jambyl oblystyq densaýlyq saqtaý basqarmasy basshysynyń orynbasary Erik Musabaev.
