-ەشقايدا كەتپەيمٸن, بٷگٸن وسى جەردە قالامىن. سٸزدەرمەن بٸرگە بولامىن. بٸر شاي وسى اۋىلدان-اق تابىلاتىن شىعار. مەسەلەنٸ بٸرگە شەشەمٸز,-دەدٸ ەكٸم.
اۋدان باسشىلىعى تٷسٸندٸرۋ جۇمىستارىن دۇرىس جٷرگٸزبەگەندٸكتەن كەشە زايسان اۋدانىنىڭ سارىتەرەك, اينابۇلاق اۋىلدارىندا كارانتيندٸك ايماق قۇرماۋدى تالاپ ەتكەن تۇرعىندار كٶشەگە جينالىپ, ٶز نارازىلىقتارىن بٸلدٸرگەن بولاتىن.
وسىعان بايلانىستى دانيال احمەتوۆ بٷگٸن تاڭ اتا جەدەل زايسانعا ۇشىپ باردى. حالىقپەن ارنايى كەزدەسٸپ, ٶزٸ تٷسٸندٸرۋ جۇمىستارىن جٷرگٸزدٸ.
«ول جاقتا ٶزٸمٸزدٸڭ ستۋدەنتتەرٸمٸز بار. ەرتەڭ ولار كەلسە, قازاق ەلٸنٸڭ بالاسىنىڭ جولىن قالاي جابامىز? ويلانۋ كەرەك. انا جەرگە شەكاراعا كەلٸپ تۇرسا, قازاق ەلٸ ونىڭ جولىن, ياعني شەكارانى جاپسا, نە بولادى? بٸز ٶز ازاماتىمىزدى ەلگە كٸرگٸزۋٸمٸز كەرەك عوي» دەدٸ وبلىس ەكٸمٸ دانيال احمەتوۆ.
ايتۋىنشا, ەلگە كٸرگەن جولاۋشىلاردىڭ قىزۋى تەكسەرٸلەدٸ جەنە بٸردەن 14 كٷن كارانتينگە جاتقىزىلادى. ەكٸم سونداي-اق بٸردە-بٸر شەتەل ازاماتىنىڭ شەكارادان ٶتپەگەنٸن باسا ايتتى.
جەرگٸلٸكتٸ بەلسەندٸ ەركەبۇلان زاعىپاروۆ كەشەدەن بەرٸ سارىتەرەك اۋىلىندا, جالپى زايسان اۋدانىندا ەشقانداي تٷسٸندٸرۋ جۇمىستارى جٷرگٸزٸلمەگەنٸن ايتىپ شاعىندى.
حالىق تٷسكٸ ساعات 12-دە وبلىس ەكٸمٸنٸڭ كەزدەسۋٸن جەنە شەكارانىڭ جابىلۋىن سۇرادى.
بۇدان كەيٸن وبلىس ەكٸمٸ زايسان قالاسىنداعى كوللەدجگە بارىپ, وسىندا جينالعان جۇرتشىلىققا كارانتيندٸك ايماقتىڭ قۇرىلمايتىنىن باسا ايتتى. ال كٶرشٸ ەلدەن كەلەتٸن بەس قازاقستان ازاماتىنىڭ 14 كٷن مەديتسينالىق باقىلاۋدا بولاتىنىن جەتكٸزدٸ. جولاۋشىلار ەشكٸممەن بايلانىسقا تٷسپەي, تولىقتاي وقشاۋلانادى. ال شەكارادان ٶتكەن ادامدا قاندايدا بٸر اۋرۋ بەلگٸلەرٸ بايقالسا ول بٸردەن وبلىس ورتالىعىنا ارنايى جابدىقتالعان كٶلٸكپەن جەتكٸزٸلەدٸ.
جالپى اۋداندىق ورتالىق اۋرۋحانانىڭ جۇقپالى اۋرۋلار بٶلٸمشەسٸ كورناۆيرۋسقا قارسى تۇرۋعا تولىقتاي دايىن. مۇندا ارنايى بوكس دايىندالعان. وعان كٸرٸپ-شىعاتىن ەسٸك تە بٶلەك. بارلىق قۇرال-جابدىقتار مەن قاجەتتٸ دەرٸلٸك پرەپاراتتار جەتكٸزٸلگەن, دەپ سەندٸرەدٸ اۋداندىق بيلٸك ٶكٸلدەرٸ.
