بيىل «جۇمىسپەن قامتۋدىڭ جول كارتاسى – 2020» باعدارلاماسى اياسىندا 30 جىلدا بٸرٸنشٸ رەت كاتونقاراعاي اۋدانىندا جەتٸ كٶپقاباتتى تۇرعىن ٷي سالىنىپ جاتىر. وسى ماقساتتا 200 ميلليون تەڭگەدەن استام قاراجات بٶلٸنٸپ, ينۆەستورلار دا تارتىلعان. نەتيجەسٸندە بٸرقاتار كٶپبالالى جانۇيانىڭ باسپانا مەسەلەسٸ شەشٸلەدٸ.
قۇرىلىس جۇمىستارى اياسىندا جاڭا جۇمىس ورىندارى دا اشىلماق. ايماق باسشىسى دانيال احمەتوۆتٸڭ ايتۋىنشا, جىل سوڭىنا دەيٸن ٶڭٸردەگٸ 562 كٶپبالالى وتباسى تۇرعىن ٷيمەن قامتاماسىز ەتٸلەدٸ.
– جالپى, ٶڭٸردەگٸ تۇرعىن ٷي قۇرىلىسى جىل سايىن قارقىندى جٷرگٸزٸلۋدە. مەردٸگەرلەردٸڭ جۇمىسىنا باقىلاۋ كٷشەيتٸلدٸ. وسى جىلى 77 ٷي قولدانىسقا بەرٸلەدٸ دەپ جوسپارلانىپ وتىر. قۇرىلىس 118 اۋماقتا جٷرگٸزٸلۋدە. بۇل التى جارىم مىڭ پەتەردٸ قۇرايدى. الداعى ەكٸ جىلدا 93 كٶپقاباتتى تۇرعىن ٷي سالىنباق. بارلىق قارجى كٶزدەرٸن تارتۋ ارقىلى 2020-2021 جىلدارى بٸر ميلليون شارشى مەتر تۇرعىن ٷي بوي كٶتەرەدٸ. مۇنداي كٶرسەتكٸش شقو-دا ەلٸمٸز تەۋەلسٸزدٸك العالى بەرٸ بولماعان, – دەپ حابارلادى وبلىستىق اقپارات ورتالىعى.
ٶڭٸردەگٸ ەكٸ ٸرٸ قالادا «بٸرقاباتتى شىعىس» جوباسى جٷزەگە اسىرىلۋدا. وتباسى تۇرعىن ٷيدٸڭ جوباسىنا قينالماي, بيلٸك ٶكٸلدەرٸ ۇسىنعان بٸرنەشە جوبانىڭ بٸرەۋٸن تاڭداي الادى. بۇل تۇرعىن ٷي كەزەگٸندەگٸلەردٸ ازايتۋعا مٷمكٸندٸك بەرەدٸ. بٷگٸندە ٶڭٸردە جەكە جەنە كٶپقاباتتى تۇرعىن ٷيلەر سالۋعا بارلىق جاعداي جاسالعان.
