وبلىستاعى تەحنوتۋريزم سالاسىن دامىتۋ ماقساتىندا ارنايى جوبا ازىرلەنۋدە. ەگەر بۇل جوبا ماقۇلداناتىن بولسا، ودان تۇسەتىن تابىس كوزى مول بولماق، دەپ حابارلايدى Dalanews ءتىلشىسى.
– جوبانى جۇزەگە اسىرۋعا رۇقسات بەرسە، بىردەن ىسكە كىرىسەمىز. ويتكەنى بۇل ءقازىر الەمدە جوعارى سۇرانىسقا يە ءتۋريزمنىڭ ءبىر سالاسى. ال ءبىزدىڭ ەلىمىزدە تەحنوتۋريزمدى دامىتۋ جاعى كەنجەلەپ تۇر.
وسى تۇرعىدا ءبىز العاش بولىپ وسى شارۋانى قولعا الۋدى ءجون كوردىك.
تەحنوتۋريزم - بەلگىلى ءبىر وقيعا ورىن العان جەر، ول مۇمكىن جەر سىلكىنىسى، يادرولىق جارىلىس نەمەسە ەكولوگيالىق اپات ورىن العان ايماق بولۋى مۇمكىن.
مىسال كەلتىرسەك، ۋكرايناداعى چەرنوبىلعا جىلىنا ميلليونداعان تۋريست بارادى.
اتالعان تۋريزم سالاسىن قولعا الۋدىڭ نەگىزگى ەكى سەبەبى بار. ول الدىمەن تاريحپەن تانىسۋ، ياعني وتكەندى ۇمىتپاۋ. ەكىنشىدەن، وتاندىق جانە شەتەلدىك تۋريستەردى تارتۋدىڭ ءبىر ءتاسىلى، - دەيدى وبلىستىق تۋريزم باسقارماسى باسشىسىنىڭ مىندەتىن اتقارۋشى ينارا بويدۋكوۆا.
ايتا كەتەيىك، اتالمىش جوبا ەلىمىز بويىنشا العاش رەت ءبىزدىڭ وبلىستا قولعا الىنىپ وتىر.
– سەمەي پوليگونىندا تەحنوتۋريزمدى دامىتۋعا بولادى. ويتكەنى ءقازىردىڭ وزىندە سول جاققا بارعىسى كەلەتىن تۋريستەر جەتەرلىك، - دەيدى ينارا بويدۋكوۆا.
