Oblystaǵy tehnotýrızm salasyn damytý maqsatynda arnaıy joba ázirlenýde. Eger bul joba maquldanatyn bolsa, odan túsetin tabys kózi mol bolmaq, dep habarlaıdy Dalanews tilshisi.

–    Jobany júzege asyrýǵa ruqsat berse, birden iske kirisemiz. Óıtkeni bul qazir álemde joǵary suranysqa ıe týrızmniń bir salasy. Al bizdiń elimizde tehnotýrızmdi damytý jaǵy kenjelep tur.

Osy turǵyda biz alǵash bolyp osy sharýany qolǵa alýdy jón kórdik.

Tehnotýrızm - belgili bir oqıǵa oryn alǵan jer, ol múmkin jer silkinisi, ıadrolyq jarylys nemese ekologıalyq apat oryn alǵan aımaq bolýy múmkin.

Mysal keltirsek, Ýkraınadaǵy Chernobylǵa jylyna mıllıondaǵan týrıs barady.

Atalǵan týrızm salasyn qolǵa alýdyń negizgi eki sebebi bar. Ol aldymen tarıhpen tanysý, ıaǵnı ótkendi umytpaý. Ekinshiden, otandyq jáne sheteldik týrıserdi tartýdyń bir tásili, - deıdi oblystyq týrızm basqarmasy basshysynyń mindetin atqarýshy Inara Boıdýkova.

Aıta keteıik, atalmysh joba elimiz boıynsha alǵash ret bizdiń oblysta qolǵa alynyp otyr.

– Semeı polıgonynda tehnotýrızmdi damytýǵa bolady. Óıtkeni qazirdiń ózinde sol jaqqa barǵysy keletin týrıser jeterlik, - deıdi Inara Boıdýkova.