شىعىس قازاقستان وبلىسىنىڭ سپورتشىسى فاينا مەيىرمانوۆا وتكەن جىلدىڭ قاراشا ايىندا توكيو قالاسىندا وتكەن ححV جازعى سۋردليمپيادا ويىندارىندا التىن مەدال جەڭىپ العان. وبلىس باسشىسى چەمپيونعا قۇرمەت كورسەتىپ، پاتەر كىلتىن تابىستادى، دەپ حابارلايدى Dalanews.kz
جەڭىل اتلەتيكادان بيىكتىككە سەكىرۋ سايىسىندا ول 1،79 مەتر ناتيجەسىن كورسەتىپ، قارسىلاستارىنان باسىم ءتۇستى. وسىلايشا، جارىس رەكوردىن جاڭارتىپ، سۋردليمپيادا چەمپيونى اتاندى.
سۋردليمپيادا ويىندارى - ەستۋ قابىلەتى بۇزىلعان سپورتشىلار اراسىنداعى ەڭ ءىرى حالىقارالىق جارىس.
ول حالىقارالىق ساڭىراۋلار سپورت كوميتەتىنىڭ قولداۋىمەن وتكىزىلەدى. فاينانىڭ جەڭىسى قازاقستان ۇلتتىق قۇراماسىنىڭ قورجىنىن تولتىرىپ، شىعىس قازاقستانداعى سپورتتىڭ جوعارى دەڭگەيىن ايقىندادى.
فاينا مەيىرمانوۆا قازاقستان ۇلتتىق قۇراماسىنىڭ نەگىزگى ساپىندا ونەر كورسەتەدى. ونىڭ جەتىستىكتەرى - كوپجىلدىق جۇيەلى دايىندىقتىڭ، باپكەرلەر شتابىنىڭ كاسىبي ەڭبەگىنىڭ جانە وڭىردەگى سپورت ۇيىمدارىنىڭ قولداۋىنىڭ ناتيجەسى.
سوڭعى ەكى جىلدا سپورتشى حالىقارالىق جانە رەسپۋبليكالىق ارەنالاردا تۇراقتى تۇردە جوعارى ناتيجە كورسەتىپ كەلەدى. 2024 جىلى تايبەيدە وتكەن سۋردو-جەڭىل اتلەتيكادان الەم چەمپيوناتىندا توپ جارىپ، كۋالا-لۋمپۋردەگى ازيا-تىنىق مۇحيتى ويىندارىنىڭ جەڭىمپازى اتاندى. سونداي-اق قازاقستاننىڭ بىرنەشە دۇركىن چەمپيونى بولدى.
شىعىس قازاقستان وبلىسىنىڭ اكىمى نۇرىمبەت ساقتاعانوۆ فاينا مەيىرمانوۆاعا سپورتتاعى ايتارلىقتاي جەتىستىكتەرى ءۇشىن ءۇش بولمەلى پاتەردىڭ سەرتيفيكاتى مەن كىلتىن تابىستادى.
«سپورتشىمىزدىڭ جەڭىسى ەلىمىزدىڭ حالىقارالىق بەدەلىن نىعايتىپ، قايسارلىق پەن تاباندىلىقتىڭ جارقىن ۇلگىسىن كورسەتىپ وتىر”،- دەپ اتاپ ءوتتى ايماق باسشىسى.
ءوز كەزەگىندە فاينا جاۋاپتى ساتتە تولقۋعا بەرىلمەۋگە تىرىسقانىن ايتتى. پاتەر كىلتى ونىڭ ەڭبەگىنە بەرىلگەن لايىقتى باعا. كەزدەسۋ سوڭىندا سپورتشى باپكەرى بوگدان ۆەسەلسكييگە جانە قولداۋ كورسەتكەن بارشا جانكۇيەرلەرىنە العىس ءبىلدىردى.
