2024 جىلعى 22 قازاندا الماتىدا ەكٸنشٸ قازاقستان-اۋعانستان بيزنەس-فورۋمى ٶتتٸ. فورۋم قورىتىندىسى بويىنشا جالپى سوماسى 317,6 ملن اقش دوللارىن قۇرايتىن ساۋدا-ەكونوميكالىق ىنتىماقتاستىق تۋرالى 23 قۇجاتقا قول قويىلدى, دەپ حابارلايدى Dalanews.kz.
ٸس-شاراعا قازاقستان مەن اۋعانستاننان 300-دەن استام دەلەگات قاتىستى.
"فورۋم اياسىندا B2B كەزدەسۋلەر ٶتٸپ, ىنتىماقتاستىقتىڭ جاڭا باعىتتارى تالقىلاندى. قول جەتكٸزٸلگەن كەلٸسٸمدەر اياسىندا التى قازاقستاندىق كومپانييا اۋعان تاراپىمەن ۇن جەنە دەندٸ داقىلداردى جەتكٸزۋگە كەلٸستٸ. ولاردىڭ جالپى سوماسى 37 ملن اقش دوللارىنان اسادى", دەلٸنگەن ساۋدا جەنە ينتەگراتسييا مينيسترلٸگٸنٸڭ حابارلاماسىندا.
سونىمەن قاتار, استىق ٶنٸمدەرٸن جەتكٸزۋ بويىنشا 179 ملن اقش دوللارىنا مەموراندۋمدارعا قول قويىلدى. راپس, كٷنباعىس جەنە سويا بۇرشاعىن جەتكٸزۋگە ارنالعان كەلٸسٸمدەر دە جاسالدى. فورۋم اياسىندا جاسالعان كەلٸسٸمدەر ەكٸ ەلدٸڭ ەكونوميكالىق بايلانىستارىن نىعايتادى جەنە بيزنەس ٷشٸن جاڭا مٷمكٸندٸكتەر اشادى.
ايتا كەتسەك, بۇعان دەيٸن ەكپورتقا باعىتتالاتىن قازاقستان استىعىنىڭ باسىم بٶلٸگٸن تۇتىناتىن اۋعانستان كٶلەمدٸ قىسقارتا بەرمەك نيەتتە ەكەنٸن جازعان بولاتىنبىز. سەبەبٸ مۇندا بۇرىن كٶكنەر سەبٸلٸپ كەلگەن القاپقا بيداي سالىنا باستاعان. سوندىقتان جەرگٸلٸكتٸ ديقانشىلار سىرتتان ەكەلٸنەتٸن بيدايعا ەمبارگو جارييالاۋدى سۇراۋدا. ونىڭ ٷستٸنە بيىل اۋعانستاندا بيداي مەن ۇنعا سالىناتىن باج سالىعىنىڭ كٶلەمٸ كٶتەرٸلگەن. مەسەلەن, بۇرىن 1 توننا بيداي ٷشٸن ولار 25 دوللار باج تٶلەيتٸن بولسا, قازٸر ول 40 دوللارعا جۋىقتاپتى. ۇن ٷشٸن 35 دوللار تٶلەپ كەلسە, ال باج سالىعى قوسىلسا, ول 55 دوللار بولماق. سول سەكٸلدٸ بۇرىن اۋعانستان قازاقستاننان العان استىقتى ارى قاراي پەكٸستانعا ساتىپ, پايدا تاپقان. قازٸر بۇعان دا تىيىم سالىنىپتى...
