ادۆوكات جاننا ورازباقوۆا "Odnako podcast" YouTube-ارناسىنا بەرگەن سۇحباتىندا سالتانات نٷكەنوۆانىڭ ٶلٸمٸنە قاتىستى ٸس قازٸر قالاي جٷرگٸزٸلٸپ جاتقانىن ايتتى, - دەپ حابارلايدى Dalanews.kz.
ونىڭ سٶزٸنشە, قازٸر تەرگەۋ تولىق اياقتالعان. ەندٸ بارلىق تاراپ ٸس ماتەريالدارىمەن تانىسىپ جاتىر.
"قىلمىستىق ٸس بويىنشا سوتالدى تەرگەۋ اياقتالدى. وسى ٸسكە قاتىستى بارلىق ساراپتاما جاسالدى, بارلىق كۋەگەردەن جاۋاپ الىندى. وننان اسا ساراپتاما جاسالدى. ەندٸ وسى ٸسكە قاتىسى بار ادامدار ٸستٸڭ بارىسىمەن تانىسىپ جاتىر. ياعني ادۆوكاتتار, كٷدٸكتٸ ادامدار. كٷدٸكتٸ ادام ەكەۋ: بٸرٸ - قىلمىسكەر بيشٸمباەۆ جەنە ونىڭ ٸنٸسٸ. ودان كەيٸن جەبٸرلەنۋشٸ تاراپ بار: سالتاناتتىڭ اعاسى, بٸز - ادۆوكاتتار, نٷكەنوۆتەر وتباسى. بٸز, بيشٸمباەۆ پەن قورعاۋشىلارى ٸستٸڭ بارىسىمەن تانىسىپ بولعان بويدا نەتيجەسٸ تۋرالى ٶتٸنٸش بەرۋگە قۇقىعىمىز بار", - دەيدٸ ادۆوكات.
ال كەيٸن ٸس پروكۋروردىڭ قاراۋىنا تٷسەدٸ ەكەن.
"پروكۋرور 10 كٷن ٸشٸندە قىلمىستىق ٸستٸ زەرتتەيدٸ. ودان كەيٸن پروكۋرور ايىپتاۋ اكتٸسٸن جازىپ, سوتقا بەرە مە نەمەسە قوسىمشا تەرگەۋ ٷشٸن قايتارا ما, سول جاعىن تەكسەرەدٸ. بٸلۋٸمشە, قىلمىستىق ٸس 16 تومنان تۇرادى, ياعني قىلمىسكەردٸڭ ٶزٸنە قاتىستى ٸس پەن ٸنٸسٸنە قاتىستى ٸستٸ بٸرٸكتٸرٸلگەن. بۇل ٸستەر بٸرگە قارالىپ, سوتقا دا بٸرگە جٸبەرٸلەدٸ", - دەيدٸ ادۆوكات.
جاننا ورازباقوۆا بيشٸمباەۆقا قانشا جىل بەرٸلۋٸ مٷمكٸن ەكەنٸن ايتتى.
"قازٸر كٷدٸكتٸگە تاعىلعان ايىپ بويىنشا ەكٸ باپ قاراستىرىلىپ وتىر. العاشىندا ٸستٸ اسا قاتٸگەزدٸكپەن جاسالعان كٸسٸ ٶلٸمٸ بويىنشا قارادى, بۇل باپتىڭ سانكتسيياسى بويىنشا 15 جىلدان باستاپ ٶمٸر بويىنا باس بوستاندىعىنان ايىرۋ جازاسى كٶزدەلەدٸ", - دەيدٸ ول.
ادۆوكات ٸس ماتەريالدارىمەن تانىسۋ بارىسىندا بيشٸمباەۆقا تاعى بٸر باپ بويىنشا دا ايىپ تاعىلىپ وتىرعانى بەلگٸلٸ بولعانىن ايتادى. ياعني كٸسٸ ٶلٸمٸمەن قاتار, كٷدٸكتٸگە قىلمىستىق كودەكستٸڭ 110-بابى, قيناۋ بويىنشا ايىپ تاعىلعان. بۇل دەگەنٸمٸز - ٷزدٸكسٸز فيزيكالىق, پسيحيكالىق قىسىم كٶرسەتۋ.
"تەرگەۋ ورگاندارى بۇل باپتى تۋىستارى مەن دوستارىنىڭ مەلٸمدەمەلەرٸنە قاراپ قوسقان. سالتانات تٸرٸ كەزٸندە دە پسيحولوگييالىق, فيزيولوگييالىق قىسىم كٶرگەن", - دەيدٸ جەبٸرلەنشۋٸ تاراپتىڭ ادۆوكاتى.
قازٸر ولار بيشٸمباەۆ ەڭ جوعارى جازانى الادى دەگەن سەنٸمدە.
بۇل اتىشۋلى وقيعا 2023 جىلعى 9 قاراشادا استانا مەيرامحانالارىنىڭ بٸرٸندە بولدى. سالدارىنان بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ ەيەلٸ سالتانات نٷكەنوۆا قايتىس بولدى. ال ەكس-شەندٸ قاماۋدا وتىر.
جاقىندا بۇقارالىق اقپارات قۇرالدارى مەن ەلەۋمەتتٸك جەلٸلەردە جاقىندارى بيشٸمباەۆتى اقتاپ الۋ پروتسەسٸنە كٸرٸسكەنٸ تۋرالى اقپاراتتار پايدا بولدى.
بالا قۇقىقتارى جٶنٸندەگٸ ۋەكٸل دينارا زەكيەۆا دا بۇل جايتقا ٷن قاتتى.
"سالتانات نٷكەنوۆانىڭ ٸسٸن باستاماس بۇرىن نەمەسە سوت كەزٸندە سوتتالۋشىنى اقتاۋ ماقساتىندا دەرەكتەردٸ بۇرمالاۋ ەرەكەتتەرٸ جاسالىپ باعادى دەگەن اقپارات بار. قازٸردٸڭ ٶزٸندە كەيبٸر ادامدار وسى مەديا ناۋقانعا كٸرٸستٸ. قالاي عانا بۇعان قاتىسا الادى, قالاي عانا زورلىقتى اقتاۋعا بولادى?!" - دەدٸ ول.
