Advokat Janna Orazbaqova "Odnako podcast" YouTube-arnasyna bergen suhbatynda Saltanat Núkenovanyń ólimine qatysty is qazir qalai júrgizilip jatqanyn aitty, - dep habarlaidy Dalanews.kz.
Onyń sózinshe, qazir tergeý tolyq aiaqtalǵan. Endi barlyq tarap is materialdarymen tanysyp jatyr.
"Qylmystyq is boiynsha sotaldy tergeý aiaqtaldy. Osy iske qatysty barlyq saraptama jasaldy, barlyq kýágerden jaýap alyndy. Onnan asa saraptama jasaldy. Endi osy iske qatysy bar adamdar istiń barysymen tanysyp jatyr. Iaǵni advokattar, kúdikti adamdar. Kúdikti adam ekeý: biri - qylmysker Bishimbaev jáne onyń inisi. Odan keiin jábirlenýshi tarap bar: Saltanattyń aǵasy, biz - advokattar, Núkenovter otbasy. Biz, Bishimbaev pen qorǵaýshylary istiń barysymen tanysyp bolǵan boida nátijesi týraly ótinish berýge quqyǵymyz bar", - deidi advokat.
Al keiin is prokýrordyń qaraýyna túsedi eken.
"Prokýror 10 kún ishinde qylmystyq isti zertteidi. Odan keiin prokýror aiyptaý aktisin jazyp, sotqa bere me nemese qosymsha tergeý úshin qaitara ma, sol jaǵyn tekseredi. Bilýimshe, qylmystyq is 16 tomnan turady, iaǵni qylmyskerdiń ózine qatysty is pen inisine qatysty isti biriktirilgen. Bul ister birge qaralyp, sotqa da birge jiberiledi", - deidi advokat.
Janna Orazbaqova Bishimbaevqa qansha jyl berilýi múmkin ekenin aitty.
"Qazir kúdiktige taǵylǵan aiyp boiynsha eki bap qarastyrylyp otyr. Alǵashynda isti asa qatigezdikpen jasalǵan kisi ólimi boiynsha qarady, bul baptyń sanktsiiasy boiynsha 15 jyldan bastap ómir boiyna bas bostandyǵynan aiyrý jazasy kózdeledi", - deidi ol.
Advokat is materialdarymen tanysý barysynda Bishimbaevqa taǵy bir bap boiynsha da aiyp taǵylyp otyrǵany belgili bolǵanyn aitady. Iaǵni kisi ólimimen qatar, kúdiktige Qylmystyq kodekstiń 110-baby, qinaý boiynsha aiyp taǵylǵan. Bul degenimiz - úzdiksiz fizikalyq, psihikalyq qysym kórsetý.
"Tergeý organdary bul bapty týystary men dostarynyń málimdemelerine qarap qosqan. Saltanat tiri kezinde de psihologiialyq, fiziologiialyq qysym kórgen", - deidi jábirlenshýi taraptyń advokaty.
Qazir olar Bishimbaev eń joǵary jazany alady degen senimde.
Bul atyshýly oqiǵa 2023 jylǵy 9 qarashada Astana meiramhanalarynyń birinde boldy. Saldarynan burynǵy ulttyq ekonomika ministri Qýandyq Bishimbaevtyń áieli Saltanat Núkenova qaitys boldy. Al eks-shendi qamaýda otyr.
Jaqynda buqaralyq aqparat quraldary men áleýmettik jelilerde jaqyndary Bishimbaevty aqtap alý protsesine kiriskeni týraly aqparattar paida boldy.
Bala quqyqtary jónindegi ýákil Dinara Zákieva da bul jaitqa ún qatty.
"Saltanat Núkenovanyń isin bastamas buryn nemese sot kezinde sottalýshyny aqtaý maqsatynda derekterdi burmalaý áreketteri jasalyp baǵady degen aqparat bar. Qazirdiń ózinde keibir adamdar osy media naýqanǵa kiristi. Qalai ǵana buǵan qatysa alady, qalai ǵana zorlyqty aqtaýǵa bolady?!" - dedi ol.
