قازاقستان اتىنان جيىنعا "حابار" تەلەارناسىنىڭ ءتوراعاسى ەرجان بەكقوجين قاتىستى.
"قالاعان سۇراقتارىڭىزدى قويىڭىزدار، جاۋاپ بەرۋگە ءازىرمىن. مەن ءۇشىن جابىق تاقىرىپ جوق"، – دەگەن لۋكاشەنكو جۋرناليستەرمەن تاپجىلماي 4 ساعات تىلدەستى.
ءتورت ساعاتقا سوزىلعان پىكىرالماسۋدىڭ توق ەتەرى: "بيلىكتى بەرمەيمىن. ترانزيتتەن ءۇمىت ءۇزسىن. مۇراگەر دەگەندى ۇمىتسىن"، – دەگەنگە تىرەلدى.
ارتىنشا الگى سوزىنەن اينىپ: "حالىق كىمدى تاڭدايدى – سول باسشى بولادى. اينالايىندار، مەن انت-سۋ ءىشتىم. بەلارۋس حالقىنىڭ تالعامى مەن تاڭداۋىنا قارسى كەلمەيمىن دەگەن ۋادەم بار..."، – دەدى ول.
"حابار" ءتوراعاسى ەرلان بەكقوجيننىڭ ساۋالى دا بيلىك ءترانزيتى توڭىرەگىندە ءوربىدى. بەكقوجين بيلىكتى توقايەۆقا تاپسىرعان نازاربايەۆتىڭ ساياساتىن ءسوز ەتىپ، لۋكاشەنكوعا بۇدان نەگە ۇلگى الماسقا دەگەنگە مەڭزەدى.
"بيلىك ءترانزيتى تۋرالى ويىڭىز قانداي؟ قازاقستاننىڭ تاجىريبەسى قىزىقتىرماي ما؟ بالكىم ءبىر بىلگەنىڭىز بار شىعار؟ ايتالىق، اياقاستىنان بيلىكتەن باس تارتۋىڭىز مۇمكىن بە؟"، – دەدى بەكقوجين.
لۋكاشەنكو بۇعان لەزدە جاۋاپ قاتىپ، بيلىكتەن باس تارتپايتىنىن ۇزىلدى-كەسىلدى مالىمدەدى.
"كەنەتتەن كەتە سالمايمىن. كەرەك كەزدە كەتەمىن. اياقتاستىنان كەتىپ قالارداي نە كورىندى؟ ءبۇيتىپ كەتە قالۋدىڭ ءوزى ءقاۋىپتى. جاڭا كونستيتۋتسيا قابىلدانعاننان كەيىن ەلگە ءۇن قاتامىن. اقىلداسامىز. ءارى قارايعى باعدارىمىزدى انىقتايمىز. مەنىڭ جاعاما جارماسىپ، قىسپاققا الامىز دەپ ويلاماسىن. تايىپ تۇرادى دەپ ۇمىتتەنبەسىن. ەلدى تاستاپ بەتىم اۋعان جاققا جوڭكىلە جونەلمەيمىن. قاشىپ كەتپەيمىن..."، – دەدى لۋكاشەنكو.
دۋمان بىقاي
