Qazaqstan atynan jiynǵa "Habar" telearnasynyń tóraǵasy Erjan Bekqojin qatysty.
"Qalaǵan suraqtaryńyzdy qoiyńyzdar, jaýap berýge ázirmin. Men úshin jabyq taqyryp joq", – degen Lýkashenko jýrnalistermen tapjylmai 4 saǵat tildesti.
Tórt saǵatqa sozylǵan pikiralmasýdyń toq eteri: "Bilikti bermeimin. Tranzitten úmit úzsin. Murager degendi umytsyn", – degenge tireldi.
Artynsha álgi sózinen ainyp: "Halyq kimdi tańdaidy – sol basshy bolady. Ainalaiyndar, men ant-sý ishtim. Belarýs halqynyń talǵamy men tańdaýyna qarsy kelmeimin degen ýádem bar...", – dedi ol.
"Habar" tóraǵasy Erlan Bekqojinniń saýaly da bilik tranziti tóńireginde órbidi. Bekqojin bilikti Toqaevqa tapsyrǵan Nazarbaevtyń saiasatyn sóz etip, Lýkashenkoǵa budan nege úlgi almasqa degenge meńzedi.
"Bilik tranziti týraly oiyńyz qandai? Qazaqstannyń tájiribesi qyzyqtyrmai ma? Bálkim bir bilgenińiz bar shyǵar? Aitalyq, aiaqastynan bilikten bas tartýyńyz múmkin be?", – dedi Bekqojin.
Lýkashenko buǵan lezde jaýap qatyp, bilikten bas tartpaitynyn úzildi-kesildi málimdedi.
"Kenetten kete salmaimyn. Kerek kezde ketemin. Aiaqtastynan ketip qalardai ne kórindi? Búitip kete qalýdyń ózi qaýipti. Jańa Konstitýttsiia qabyldanǵannan keiin elge ún qatamyn. Aqyldasamyz. Ári qaraiǵy baǵdarymyzdy anyqtaimyz. Meniń jaǵama jarmasyp, qyspaqqa alamyz dep oilamasyn. Taiyp turady dep úmittenbesin. Eldi tastap betim aýǵan jaqqa jóńkile jónelmeimin. Qashyp ketpeimin...", – dedi Lýkashenko.
Dýman Byqai
