الماتى قالاسىنىڭ مەدەۋ اۋدانىنداعى ەكى كوپقاباتتى عيماراتقا يە "سايحان" جىلجىمايتىن مۇلىكتىڭ اكسيونەرلىك ينۆەستيسيالىق قورى" اق ديرەكتورلار كەڭەسى اكسيونەرلەردىڭ كەزەكتەن تىس جينالىسىندا 2025 جىلدىڭ ءى-توقسانىندا 61،2 ملن تەڭگە ديۆيدەند تولەۋدى ۇسىندى. بۇل قوردىڭ تۇپكى تەڭ قوجايىندارىنىڭ ءبىرى پرەمەر-ءمينيستردىڭ بۇرىنعى ورىنباسارى ساۋات مىڭبايەۆ بولىپ تابىلادى، دەپ حابارلايدى Dalanews.kz Kursiv.media-عا سىلتەمە جاساپ.
"قوعام اكسيونەرلەرىنە ءبىر جاي اكسيا ءۇشىن 180 تەڭگەدەن 2025 جىلدىڭ ءى-توقسانىندا 61 200 000 تەڭگە مولشەرىندە ديۆيدەندتەر ءبولۋ ۇسىنىلسىن. 2025 جىلى 13 قازاندا قوعام اكسيونەرلەرىن كەزەكتەن تىس جينالىسقا شاقىرۋعا باستاماشىلىق جاسالسىن"، دەلىنگەن قوردىڭ ديرەكتورلار كەڭەسى قابىلداعان شەشىمدە.
سونداي-اق اكسيونەرلەرگە قوردىڭ 2025 جىلدىڭ ءى-توقسانىنداعى قارجىلىق ەسەبىن الدىن الا بەكىتۋ ۇسىنىلدى.
"سايحان" جىلجىمايتىن مۇلىكتىڭ اكسيونەرلىك ينۆەستيسيالىق قورى الماتى قالاسىنىڭ مەدەۋ اۋدانىندا تىركەلگەن. قور اقشانى جىلجىمايتىن مۇلىككە جانە باسقا دا مۇلىكتەر توڭىرەگىندە جيناقتاپ، ينۆەستيسيالايدى. قوردىڭ ينۆەستيسيالىق قورىجىنىمەن 2022 جىلعى 7 ساۋىردەگى ۇلتتىق بانكتىڭ بەرگەن ليسەنزياسىنا يە UD Capital باسقارۋشى كومپانياسى اينالىسادى. قور اكسيالارىنىڭ 75%-ى، 2024 جىلدىڭ سوڭىنداعى مالىمەت بويىنشا، "پوزيتيۆ كونسالتينگ" جشس-عا (ونىڭ تەڭ يەلەرى نۇرجان بەكشەنوۆ پەن ۆاسيليي سيماچيەۆ)، 25%-ى "AQPAN ASSET" جشس-عا ("پيك" ج ش س (ساۋات مىڭبايەۆ) مەن دامير ساۋات ۇلى مىڭبايەۆ) تيەسىلى.
قوردىڭ اكسيونەرلىك كاپيتالى 2024 جىلدىڭ سوڭىندا 340 ملن تەڭگەنى قۇرادى. قوردىڭ ەسەبىندە اق قىزمەتىن قازاقستان رەسپۋبليكاسىنىڭ رەزيدەنت – جەكە تۇلعالارى: ن.بەكشەنوۆ، ۆ.سيماچيەۆ، س.قالييەۆ، س.مىڭبايەۆتىڭ باقىلايتىنى كورسەتىلگەن.
قوردىڭ قوردالانعان پايداسى 2024 جىلدىڭ اياعىندا 520 ملن تەڭگەدەن 579،1 ملن تەڭگەگە دەيىن ۇلعايدى. قوردىڭ پايداسى 2024 جىلى 273،9 ملن تەڭگەنى (232،5 ملن تەڭگە) نەمەسە ءبىر جاي اكسياعا 805،55 تەڭگەنى (683،71 تەڭگە) قۇرادى. 2024 جىلى قور ءۇش رەت ديۆيدەندتەر ەسەپتەپ، تولەدى: 2023 جىلعى ءبىرىنشى جارتىجىلدىقتا 22 قاڭتاردا 74،1 ملن تەڭگە، 2023 جىلعى 27 مامىردا 81،6 ملن تەڭگە، 21 قازاندا – 59،2 ملن تەڭگە.
ەسەپكە سايكەس، ءقوردىڭى الماتىداعى گوگول كوشەسىندەگى 12 قاباتتى جانە ءۇش قاباتتى عيماراتتارى، ولاردىڭ استىنداعى ەكى جەر ۋچاسكەسى، سونداي-اق ترانسفورماتورلىق قوسالقى ستانسيا سيپاتىندا ينۆەستيسيالىق جىلجىمايتىن مۇلىگى بار.
ساۋات مىڭبايەۆ ۇكىمەتتە، كۆازيمەملەكەتتىك سەكتوردا جانە جەكە سەكتوردا ءتۇرلى باسشىلىق قىزمەتتەر اتقاردى. اتاپ ايتقاندا، ول 1998 جىلى قارجى ءمينيسترى، 1999 جىلى ق ر پرەزيدەنتى اكىمشىلىگى باسشىسىنىڭ ورىنباسارى، 1999-2001 جىلدارى اۋىل شارۋاشىلىعى ءمينيسترى بولىپ تاعايىندالدى. 2003 جىلعى ماۋسىمدا "قازاقستاننىڭ دامۋ بانكىنىڭ" پرەزيدەنتى جانە "كاسپيي ونەركاسىپتىك قارجىلىق توبىنىڭ" باسشىسى بولىپ جۇمىس ىستەگەننەن كەيىن ول 2004 جىلى ۆيسە-پرەمەر، يندۋستريا جانە ساۋدا ءمينيسترى بولدى. 2006 جىلعى اقپاندا مىڭبايەۆ "سامۇرىق" حولدينگىن باسقاردى (كەيىن ول "قازىنامەن" بىرىكتى)، 2007 جىلى ەنەرگەتيكا جانە مينەرالدىق رەسۋرستار ءمينيسترى، 2010 جىلى مۇناي جانە گاز ءمينيسترى، 2013 جىلى "قازمۇنايگاز" باسقارماسىنىڭ تءوراعاسى، 2018 جىلى "قازاقستان تەمىر جولى" باسقارماسىنىڭ ءتوراعاسى بولدى. وسى قىزمەتتەن كەتكەننەن كەيىن ول رەسمي لاۋازىمدارعا تاعايىندالعان جوق.
بۇعان دەيىن Kaspi Bank اكسيونەرلەرىنىڭ جالپى جينالىسىندا وتكەن جىلدىڭ قورىتىندىسى بويىنشا 2024 جىلعا ءۇشىنشى رەت ديۆيدەند تولەۋ تۋرالى شەشىم قابىلداعانىن جازعانبىز. وسىلايشا بانك اكسيونەرلەرى ءبىر قاراپايىم جانە ءبىر ارتىقشىلىققا يە اكسيا ءۇشىن 4 900 تەڭگە الاتىن بولدى. 2025 جىلدىڭ 1 ساۋىرىندەگى مالىمەت بويىنشا، بۇگىندەرى 18،3 ملن جاي جانە 372 مىڭ ارتىقشىلىققا يە اكسيالار اينالىمدا ءجۇر.
