2025 جىلدىڭ 4 مامىر كٷنٸ الماتى قالاسىنداعى Swissotel Wellness Resort Alatau Almaty قوناقٷيٸندە “RAMS BEYOND ALMATY” مەگاجوباسىنىڭ رەسمي تانىستىرىلىمى ٶتتٸ.
اۋقىمدى باسپاسٶز كونفەرەنتسيياسى تٷرٸندە ۇيىمداستىرىلعان شاراعا ەلەمگە تانىمال تٷرٸك اكتەرٸ بۋراك ٶزچيۆيت ارنايى كەلٸپ قاتىستى.
RAMS Global كومپانيياسى ٸسكە اسىرىپ جاتقان بۇل جوبا — حالىقارالىق دەڭگەيدەگٸ زاماناۋي ارحيتەكتۋرالىق كەشەندەردٸڭ بٸرٸ بولماق. جاڭا تۇرعىن ٷي كەشەنٸ پەنتحاۋس, اپارتامەنت, ليۋكس-قوناقٷي, ساۋدا ورتالىعى, سپورت جەنە مەدەني كەڭٸستٸكتەرمەن جابدىقتالىپ, الماتى قالاسىنىڭ ەڭ بيٸك ەرٸ سەندٸ عيماراتىنا اينالۋى جوسپارلانىپ وتىر. جوبا اۆتورلارىنىڭ ايتۋىنشا, بۇل نىسان تەك تۇرعىن ٷي عانا ەمەس, سونىمەن قاتار مەدەني-تۋريستٸك ورتالىققا اينالىپ, قازاقستاننىڭ حالىقارالىق يميدجٸن نىعايتۋعا ٷلەس قوسپاق. RAMS BEYOND ALMATY – “بەرٸ بٸر جەردە” كونتسەپتسيياسىن ۇسىنادى. سەبەبٸ بۇل جوبادا ەلەمدٸك برەندتەرمەن ەرلەنگەن ساۋدا ورتالىعى, 5 جۇلدىزدى قوناقٷي, مۇراجاي مەن سپورتتىق ينفراقۇرىلىم, يننوۆاتسييالىق شەشٸمدەر مەن پانورامالىق كٶرٸنٸس بولادى
RAMS Kazakhstan كومپانيياسىنىڭ تۇرعىن ٷي سەكتورى بويىنشا ساتۋ ديرەكتورى يسلام پەنيۋكوۆ ٶز سٶزٸندە, “بۇل – جاي عانا جوبا ەمەس, بۇل – فيلوسوفييا” ويىن جەتكٸزدٸ.
“بٸز نارىقتا 27 جىلدان بەرٸ جۇمىس ٸستەپ كەلەمٸز. بٷگٸنگٸ تاڭدا 6 مىڭنان استام وتباسى بٸزدٸڭ تۇرعىن ٷي كەشەندەرٸمٸزدە ٶمٸر سٷرۋدە, ال RAMS Kazakhstan-دا 4 مىڭنان اسا ادام جۇمىس ٸستەيدٸ. الماتى, اتىراۋ قالالارىندا جەنە ىستىقكٶل جاعالاۋىندا 7-دەن اسا جوبا جٷزەگە اسىرىلىپ جاتىر. بٸز تۇرعىن ٷي كەشەندەرٸن, كوممەرتسييالىق نىسانداردى, قوناقٷيلەردٸ, مەدەني, بٸلٸم بەرۋ, مەديتسينا جەنە ٶنەركەسٸپتٸك باعىتتاعى ينفراقۇرىلىمداردى دامىتىپ كەلەمٸز”, — دەدٸ ول.
سونداي-اق, ول RAMS BEYOND جوباسىنىڭ ەرەكشەلٸگٸنە توقتالدى:
“بۇل جاي عانا عيمارات ەمەس, بۇل – ٶمٸر سالتى. جوبا ورنالاساتىن ورىن – تيميريازەۆ پەن سەيفۋللين كٶشەلەرٸنٸڭ قيىلىسى, الماتىنىڭ ٸسكەرلٸك ورتالىعى. بۇل – قالانىڭ جاڭا كەلبەتٸ. مۇندا الماتىداعى العاشقى پانورامالىق كٶرٸنٸسٸ بار زەۋلٸم عيمارات بوي كٶتەرەدٸ. بٸراق بيٸكتٸك تەك مەترمەن ٶلشەنبەيدٸ. مۇندا سەرۆيس پەن قىزمەت تە جاڭا دەڭگەيدە بولادى. جوبادا ۋلترا-ليۋكس دەڭگەيٸندەگٸ Sun Regions قوناقٷي جەلٸسٸمەن سەرٸكتەستٸك ورناتتىق. ال بارلىق ينتەرەرلٸك شەشٸمدەر ەلەمگە ەيگٸلٸ يتالييالىق Etro سەن ٷيٸمەن بٸرلەسٸپ جاسالادى. بۇل – سەن مەن ساپانىڭ جاڭا ساتىسى. RAMS BEYOND – بۇل ٷش باعىتتى قامتيتىن كەشەن: پانورامالىق رەزيدەنتسييالار, ا-كلاسس بيزنەس كەڭٸستٸكتەر جەنە تەۋلٸك بويى ٶمٸر قايناپ جاتاتىن سەرۋەن ايماعى. جوبا ەكولوگييالىق جەنە تەحنولوگييالىق شەشٸمدەرگە دە نەگٸزدەلگەن: جاڭبىر سۋىن جيناۋ جٷيەسٸ, كٷن سەۋلەسٸن پايدالانۋ, 24/7 ۆيدەوباقىلاۋ جەنە Face ID تەحنولوگيياسى ٸسكە اسادى.”
پەنيۋكوۆ سٶز سوڭىندا “RAMS BEYOND – 4,7 گەكتار اۋماقتا ورنالاسادى. ونىڭ 2 گەكتارى – جاسىل ايماق. كەشەن كٷنٸنە 25 مىڭ قوناقتى قابىلداي الادى, 2,5 مىڭ جۇمىس ورنى جەنە 5 ميلليون دوللار ينۆەستيتسييا كٶزدەلگەن. بۇل – جاي عانا ساندار ەمەس, بۇل – اۋقىمدى يدەيا مەن بولاشاق بەينەسٸ. بۇل جوبا Khan Shatyr نەمەسە Ritz-Carlton سەكٸلدٸ نىساندارمەن بٸر دەڭگەيدە تۇرۋعا لايىق. بٸز الماتىنىڭ جاڭا سەۋلەتتٸك كودى مەن كەلبەتٸن قالىپتاستىرامىز”, دەپ جوبانىڭ كٶلەمٸ مەن حالىقارالىق سەرٸكتەستٸكتەرٸ تۋرالى ناقتى دەرەكتەر كەلتٸردٸ.
تانىمال اكتەر بۋراك ٶزچيۆيت جوباعا رەسمي برەند-امباسادور رەتٸندە قاتىسىپ, قازاقستان جەرٸنە, “اتا-جۇرتقا” قايتا كەلگەنٸنە قۋانىشتى ەكەنٸن جەتكٸزدٸ. كونفەرەنتسييادا بۋراك بەي جۋرناليستەردٸڭ سۇراقتارىنا جاۋاپ بەرٸپ, RAMS جوباسىنىڭ ەرەكشەلٸكتەرٸنە توقتالدى. ونىڭ ايتۋىنشا, بۇل كەشەن — ساپا مەن سۇلۋلىقتى, زاماناۋي تەحنولوگييا مەن ۇلتتىق ارحيتەكتۋرالىق دەستٷردٸ ۇشتاستىراتىن بٸرەگەي نىسان. الداعى ۋاقىتتا قازاق جەرٸندەگٸ جاسالاتىن جوبالارعا دا قولداۋ كٶرسەتۋگە دايىن ەكەندٸگٸن بٸلدٸردٸ.
الماتى قالاسىندا سالىنىپ جاتقان 40 قاباتتى عيماراتقا قاتىستى ەڭ جيٸ قويىلعان سۇراقتاردىڭ بٸرٸ — سەيسميكالىق قاۋٸپسٸزدٸك مەسەلەسٸ. تاۋلى ەرٸ سەيسميكالىق بەلسەندٸ ايماقتا ورنالاسقان قالادا مۇنداي زەۋلٸم نىسان قانشالىقتى قاۋٸپسٸز? كونفەرەنتسييا بارىسىندا وسى ساۋالعا RAMS BEYOND جوباسىنىڭ قۇرىلىس ٷيلەستٸرۋشٸسٸ حارۋن راشيت كۋتلۋاي مەن باسپاسٶز قىزمەتٸنٸڭ جەتەكشٸسٸ دانييار كاريمجان ناقتى ەرٸ نەگٸزدەلگەن جاۋاپ بەردٸ.
“الماتى – سەيسميكالىق بەلسەندٸ ايماق. سوندىقتان بٸزدٸڭ باستى ماقساتىمىز – قاۋٸپسٸزدٸكتٸ ەڭ جوعارى دەڭگەيگە جەتكٸزۋ. بۇل جوباعا تەك قازاقستاندا عانا ەمەس, بٷكٸل ەلەمدە سەنٸمدٸلٸگٸمەن تانىلعان سەرٸكتەستەر تارتىلدى. بٸز حالىقارالىق ستاندارتتارعا ساي جۇمىس ٸستەيتٸن جوبالاۋ جەنە ينجەنەرلٸك كومپانييالارمەن بٸرلەسە وتىرىپ, جوعارى دەڭگەيدەگٸ قاۋٸپسٸزدٸك جٷيەسٸن قامتاماسىز ەتتٸك. جوباداعى حالىقارالىق جەنە جەرگٸلٸكتٸ سەرٸكتەستەر: Dome+Partners — جوبانىڭ ديزاين-كونتسەپتسيياسى; DG Construction — جوبالاۋشى كومپانييا; LERA Consulting Structural Engineers — كونسترۋكتسييالار بويىنشا كەڭەسشٸ; ELBA Group — قاۋٸپسٸزدٸك كەڭەسشٸسٸ; KazNIISA — سەيسمولوگييا جەنە ينجەنەرلٸك قاۋٸپسٸزدٸك; BI Group — جەل قوزعالىسى مەن كليمات بويىنشا كەڭەسشٸ; Future Mobility — جول-كٶلٸك جوبالاۋ; KazGeo — توپىراق پەن جەردٸ زەرتتەۋ بٸرٸگۋٸ ارقىلى جوبانى ساپالى جاساپ شىعامىز. جوبانىڭ ەربٸر كونسترۋكتسييالىق شەشٸمٸ — سەيسمولوگييالىق زەرتتەۋلەر مەن ينجەنەرلٸك ساراپتامالار نەگٸزٸندە جاسالعان. بۇل — قالانىڭ بولاشاعىنا ارنالعان زاماناۋي, سەنٸمدٸ جەنە قاۋٸپسٸز ارحيتەكتۋرا” دەدٸ جوبانىڭ قۇرىلىس ٷيلەستٸرۋشٸسٸ حارۋن راشيت كۋتلۋاي.
سونىمەن قاتار جوبانىڭ باسپاسٶز قىزمەتٸنٸڭ جەتەكشٸسٸ دانييار كاريمجان دا ٶز كەزەگٸندە,
“سەيسميكالىق قاۋٸپسٸزدٸك مەسەلەسٸ — بٸزدٸڭ باستى نازارىمىزدا. ٶتكەن جىلدىڭ جەلتوقسان ايىندا كاسنييس ينستيتۋتىمەن بٸرلەسٸپ RAMS SETI تۇرعىن ٷي كەشەنٸندە سەيسموترەنينگ جەنە نەيروديناميكالىق سىناقتار ٶتكٸزدٸك. بۇل سىناقتار جوعارى باعا الدى. بٷگٸندە بارلىق تۇرعىن ٷي كەشەندەرٸ بٸرەگەي تەحنولوگييامەن سالىنىپ جاتىر, جەنە بۇل پروتسەستە كاسنييس بٸزگە ٷنەمٸ كەڭەس بەرەدٸ. بارلىق نورمالار مەن تالاپتار تولىق ساقتالادى. سوندىقتان الاڭداۋعا ەش نەگٸز جوق.”
سونداي-اق, ول جوبانىڭ تەك 40 قاباتتى عيمارات ەمەس, پرەميۋم دەڭگەيدەگٸ ا+ كلاسستى بيزنەس-ورتالىقتار مەن ساۋدا ورىندارىن قامتيتىنىن اتاپ ٶتتٸ:
“بۇل جاي عانا بيٸك عيمارات ەمەس. بۇل — الماتىدا بۇرىن بولماعان, جاڭا حالىقارالىق ليۋكس برەندتەرٸن قامتيتىن ساۋدا كەڭٸستٸگٸ. بۇل قالا ٷشٸن ناعىز جاڭالىق بولادى.”
الماتىنىڭ سوڭعى جىلدارى تۋريزم ورتالىعىنا اينالعانىن تٸلگە تيەك ەتكەن دانييار مىرزا, قالادا 5 جۇلدىزدى قوناقٷيلەردٸڭ تاپشىلىعى بايقالاتىنىن دا اتاپ ٶتٸپ,
“تۋريزمنٸڭ ٶسۋٸنە قاراماستان, الماتىدا پرەميۋم ساناتتاعى قوناقٷيلەر جەتٸسپەيدٸ. جوبادا حالىقارالىق ليۋكس برەندپەن باسقارىلاتىن زاماناۋي قوناقٷي سالۋ جوسپاردا بار. بۇل قالاداعى بوس ورىن جەتٸسپەۋشٸلٸگٸن شەشٸپ, تۋريستەر ٷشٸن جاڭا مٷمكٸندٸك اشادى” دەپ سٶزٸن قورتىندىلادى.
جوبانىڭ پرەزەنتاتسيياسى جوعارى دەڭگەيدە ۇيىمداستىرىلدى. مەديا ٷيلەستٸرۋشٸ بەنان كەپسۋتلۋ شارانى كەسٸبي تۇرعىدا جٷرگٸزٸپ, قاتىسۋشىلار تاراپىنان قويىلعان سۇراقتارعا ناقتى جاۋاپتار بەردٸ.
قورىتىندىلاي كەلە, RAMS BEYOND ALMATY — بۇل جاي عانا قۇرىلىس ەمەس, بۇل — زاماناۋي ٶمٸر سٷرۋ فيلوسوفيياسى, قاۋٸپسٸزدٸك پەن ساپانىڭ ٷيلەسٸمٸ, قالانىڭ ارحيتەكتۋرالىق بولاشاعىنا جاسالعان باتىل قادام. الماتىنىڭ جاڭا كەلبەتٸن قالىپتاستىرۋعا باعىتتالعان بۇل مەگاجوبا تەك وتاندىق ەمەس, حالىقارالىق دەڭگەيدەگٸ ماماندار مەن سەرٸكتەستەردٸڭ كٷش بٸرٸكتٸرۋٸمەن جٷزەگە اسىرىلۋدا. تٷرٸك اكتەرٸ بۋراك ٶزچيۆيتتٸڭ قاتىسۋى جوبانىڭ ماڭىزىن ارتتىرىپ, مەدەنيەتارالىق بايلانىستى نىعايتا تٷستٸ. RAMS BEYOND — بۇل قالانىڭ دامۋىنا قوسىلعان ەلەۋلٸ ٷلەس, الماتىلىقتار مەن قالا قوناقتارى ٷشٸن جاڭا ساپا, جاڭا ستاندارت, جاڭا مٷمكٸندٸك.
نۇراي داۋكەن
