2025 jyldyń 4 mamyr kúni Almaty qalasyndaǵy Swissotel Wellness Resort Alatau Almaty qonaqúiinde “RAMS BEYOND ALMATY” megajobasynyń resmi tanystyrylymy ótti.
Aýqymdy baspasóz konferentsiiasy túrinde uiymdastyrylǵan sharaǵa álemge tanymal túrik akteri Býrak Ózchivit arnaiy kelip qatysty.
RAMS Global kompaniiasy iske asyryp jatqan bul joba — halyqaralyq deńgeidegi zamanaýi arhitektýralyq keshenderdiń biri bolmaq. Jańa turǵyn úi kesheni penthaýs, apartament, liýks-qonaqúi, saýda ortalyǵy, sport jáne mádeni keńistiktermen jabdyqtalyp, Almaty qalasynyń eń biik ári sándi ǵimaratyna ainalýy josparlanyp otyr. Joba avtorlarynyń aitýynsha, bul nysan tek turǵyn úi ǵana emes, sonymen qatar mádeni-týristik ortalyqqa ainalyp, Qazaqstannyń halyqaralyq imidjin nyǵaitýǵa úles qospaq. RAMS BEYOND ALMATY – “bári bir jerde” kontseptsiiasyn usynady. Sebebi bul jobada álemdik brendtermen árlengen saýda ortalyǵy, 5 juldyzdy qonaqúi, murajai men sporttyq infraqurylym, innovatsiialyq sheshimder men panoramalyq kórinis bolady
RAMS Kazakhstan kompaniiasynyń turǵyn úi sektory boiynsha satý direktory Islam Peniýkov óz sózinde, “Bul – jai ǵana joba emes, bul – filosofiia” oiyn jetkizdi.
“Biz naryqta 27 jyldan beri jumys istep kelemiz. Búgingi tańda 6 myńnan astam otbasy bizdiń turǵyn úi keshenderimizde ómir súrýde, al RAMS Kazakhstan-da 4 myńnan asa adam jumys isteidi. Almaty, Atyraý qalalarynda jáne Ystyqkól jaǵalaýynda 7-den asa joba júzege asyrylyp jatyr. Biz turǵyn úi keshenderin, kommertsiialyq nysandardy, qonaqúilerdi, mádeni, bilim berý, meditsina jáne ónerkásiptik baǵyttaǵy infraqurylymdardy damytyp kelemiz”, — dedi ol.
Sondai-aq, ol RAMS BEYOND jobasynyń ereksheligine toqtaldy:
“Bul jai ǵana ǵimarat emes, bul – ómir salty. Joba ornalasatyn oryn – Timiriazev pen Seifýllin kósheleriniń qiylysy, Almatynyń iskerlik ortalyǵy. Bul – qalanyń jańa kelbeti. Munda Almatydaǵy alǵashqy panoramalyq kórinisi bar záýlim ǵimarat boi kóteredi. Biraq biiktik tek metrmen ólshenbeidi. Munda servis pen qyzmet te jańa deńgeide bolady. Jobada ýltra-liýks deńgeiindegi Sun Regions qonaqúi jelisimen seriktestik ornattyq. Al barlyq intererlik sheshimder álemge áigili italiialyq Etro sán úiimen birlesip jasalady. Bul – sán men sapanyń jańa satysy. RAMS BEYOND – bul úsh baǵytty qamtityn keshen: panoramalyq rezidentsiialar, A-klass biznes keńistikter jáne táýlik boiy ómir qainap jatatyn serýen aimaǵy. Joba ekologiialyq jáne tehnologiialyq sheshimderge de negizdelgen: jańbyr sýyn jinaý júiesi, kún sáýlesin paidalaný, 24/7 videobaqylaý jáne Face ID tehnologiiasy iske asady.”
Peniýkov sóz sońynda “RAMS BEYOND – 4,7 gektar aýmaqta ornalasady. Onyń 2 gektary – jasyl aimaq. Keshen kúnine 25 myń qonaqty qabyldai alady, 2,5 myń jumys orny jáne 5 million dollar investitsiia kózdelgen. Bul – jai ǵana sandar emes, bul – aýqymdy ideia men bolashaq beinesi. Bul joba Khan Shatyr nemese Ritz-Carlton sekildi nysandarmen bir deńgeide turýǵa laiyq. Biz Almatynyń jańa sáýlettik kody men kelbetin qalyptastyramyz”, dep jobanyń kólemi men halyqaralyq seriktestikteri týraly naqty derekter keltirdi.
Tanymal akter Býrak Ózchivit jobaǵa resmi brend-ambasador retinde qatysyp, Qazaqstan jerine, “ata-jurtqa” qaita kelgenine qýanyshty ekenin jetkizdi. Konferentsiiada Býrak bei jýrnalisterdiń suraqtaryna jaýap berip, RAMS jobasynyń erekshelikterine toqtaldy. Onyń aitýynsha, bul keshen — sapa men sulýlyqty, zamanaýi tehnologiia men ulttyq arhitektýralyq dástúrdi ushtastyratyn biregei nysan. Aldaǵy ýaqytta qazaq jerindegi jasalatyn jobalarǵa da qoldaý kórsetýge daiyn ekendigin bildirdi.
Almaty qalasynda salynyp jatqan 40 qabatty ǵimaratqa qatysty eń jii qoiylǵan suraqtardyń biri — seismikalyq qaýipsizdik máselesi. Taýly ári seismikalyq belsendi aimaqta ornalasqan qalada mundai záýlim nysan qanshalyqty qaýipsiz? Konferentsiia barysynda osy saýalǵa RAMS BEYOND jobasynyń qurylys úilestirýshisi Harýn Rashit Kýtlýai men baspasóz qyzmetiniń jetekshisi Daniiar Karimjan naqty ári negizdelgen jaýap berdi.
“Almaty – seismikalyq belsendi aimaq. Sondyqtan bizdiń basty maqsatymyz – qaýipsizdikti eń joǵary deńgeige jetkizý. Bul jobaǵa tek Qazaqstanda ǵana emes, búkil álemde senimdiligimen tanylǵan seriktester tartyldy. Biz halyqaralyq standarttarǵa sai jumys isteitin jobalaý jáne injenerlik kompaniialarmen birlese otyryp, joǵary deńgeidegi qaýipsizdik júiesin qamtamasyz ettik. Jobadaǵy halyqaralyq jáne jergilikti seriktester: Dome+Partners — jobanyń dizain-kontseptsiiasy; DG Construction — jobalaýshy kompaniia; LERA Consulting Structural Engineers — konstrýktsiialar boiynsha keńesshi; ELBA Group — qaýipsizdik keńesshisi; KazNIISA — seismologiia jáne injenerlik qaýipsizdik; BI Group — jel qozǵalysy men klimat boiynsha keńesshi; Future Mobility — jol-kólik jobalaý; KazGeo — topyraq pen jerdi zertteý birigýi arqyly jobany sapaly jasap shyǵamyz. Jobanyń árbir konstrýktsiialyq sheshimi — seismologiialyq zertteýler men injenerlik saraptamalar negizinde jasalǵan. Bul — qalanyń bolashaǵyna arnalǵan zamanaýi, senimdi jáne qaýipsiz arhitektýra” dedi jobanyń qurylys úilestirýshisi Harýn Rashit Kýtlýai.
Sonymen qatar jobanyń baspasóz qyzmetiniń jetekshisi Daniiar Karimjan da óz kezeginde,
“Seismikalyq qaýipsizdik máselesi — bizdiń basty nazarymyzda. Ótken jyldyń jeltoqsan aiynda KASNIIS institýtymen birlesip RAMS SETI turǵyn úi kesheninde seismotrening jáne neirodinamikalyq synaqtar ótkizdik. Bul synaqtar joǵary baǵa aldy. Búginde barlyq turǵyn úi keshenderi biregei tehnologiiamen salynyp jatyr, jáne bul protseste KASNIIS bizge únemi keńes beredi. Barlyq normalar men talaptar tolyq saqtalady. Sondyqtan alańdaýǵa esh negiz joq.”
Sondai-aq, ol jobanyń tek 40 qabatty ǵimarat emes, premiým deńgeidegi A+ klassty biznes-ortalyqtar men saýda oryndaryn qamtitynyn atap ótti:
“Bul jai ǵana biik ǵimarat emes. Bul — Almatyda buryn bolmaǵan, jańa halyqaralyq liýks brendterin qamtityn saýda keńistigi. Bul qala úshin naǵyz jańalyq bolady.”
Almatynyń sońǵy jyldary týrizm ortalyǵyna ainalǵanyn tilge tiek etken Daniiar myrza, qalada 5 juldyzdy qonaqúilerdiń tapshylyǵy baiqalatynyn da atap ótip,
“Týrizmniń ósýine qaramastan, Almatyda premiým sanattaǵy qonaqúiler jetispeidi. Jobada halyqaralyq liýks brendpen basqarylatyn zamanaýi qonaqúi salý josparda bar. Bul qaladaǵy bos oryn jetispeýshiligin sheship, týrister úshin jańa múmkindik ashady” dep sózin qortyndylady.
Jobanyń prezentatsiiasy joǵary deńgeide uiymdastyryldy. Media úilestirýshi Benan Kepsýtlý sharany kásibi turǵyda júrgizip, qatysýshylar tarapynan qoiylǵan suraqtarǵa naqty jaýaptar berdi.
Qorytyndylai kele, RAMS BEYOND ALMATY — bul jai ǵana qurylys emes, bul — zamanaýi ómir súrý filosofiiasy, qaýipsizdik pen sapanyń úilesimi, qalanyń arhitektýralyq bolashaǵyna jasalǵan batyl qadam. Almatynyń jańa kelbetin qalyptastyrýǵa baǵyttalǵan bul megajoba tek otandyq emes, halyqaralyq deńgeidegi mamandar men seriktesterdiń kúsh biriktirýimen júzege asyrylýda. Túrik akteri Býrak Ózchivittiń qatysýy jobanyń mańyzyn arttyryp, mádenietaralyq bailanysty nyǵaita tústi. RAMS BEYOND — bul qalanyń damýyna qosylǵan eleýli úles, almatylyqtar men qala qonaqtary úshin jańa sapa, jańa standart, jańa múmkindik.
Nurai DAÝKEN
