بۇعان دەيىن پرەزيدەنت قاسىم-جومارت توقايەۆ رەسپۋبليكانىڭ ەگۋ ورتالىقتارىندا كوروناۆيرۋسقا قارسى ۆاكسينالاردى ساقتاۋدىڭ تەمپەراتۋرالىق رەجيمىنىڭ بۇزىلۋى تۋرالى ايتقان بولاتىن.
سانيتارلىق كوميتەت باسشىسىنىڭ ايتۋىنشا، جاڭا ەگۋ پۋنكتىن ىسكە قوسپاس بۇرىن بىرنەشە كەزەڭدىك تەكسەرۋ جۇرگىزىلەدى.
“بىزدە ەگۋ پۋنكتەرىن قاداعالايتىن ارنايى توپتار بار. ءبىز اقپان ايىندا 200-دەن استام تەكسەرۋدى 200-دەن استام ەگۋ پۋنكتتەرىنەن باستاعان بولاتىنبىز. بۇگىندە ەلىمىزدە 2000-نان استام ەگۋ پۋنكتتەرى بار. ۆاكسينا سالۋ پۋنكتتەرى اشىلعان كەزدە مىندەتتى تۇردە ونى الدىن الا تەكسەرەمىز”، – دەيدى ول.
سونداي-اق ەسماعامبەتوۆا ۆاكسينا پۋنكتتەرىندە ەكپە جۇمىستارىن ۇيىمداستىرۋمەن بايلانىستى بۇزۋشىلىقتار انىقتالعانىن اتاپ ءوتتى. تەمپەراتۋرالىق رەجيمدى ساقتاۋ ماسەلەسى ەرەكشە باقىلاۋدا.
"مونيتورينگتىك تەكسەرۋلەر جۇرگىزىلۋدە. ولاردىڭ ناتيجەلەرى بويىنشا انىقتالعان بۇزۋشىلىقتار ۆاكسينانىڭ قاۋىپسىزدىگىنە اسەر ەتپەيتىنىن كورسەتتى. بۇزۋشىلىقتار ازاماتتاردىڭ ۆاكسينا سالۋدى ۇيىمداستىرۋمەن، ولاردى باقىلاۋىمەن جانە الدىن الۋ شارالارىن ورىنداۋمەن بايلانىستى انىقتالدى. بۇلىنگەن ۆاكسينا ازاماتتارعا ەگىلمەيدى. ارنايى باقىلاۋدىڭ بىرنەشە كەزەڭى بار"، – دەدى ول.
بۇعان دەيىن پرەزيدەنت قاسىم-جومارت توقايەۆ قازاقستاننىڭ ەگۋ پۋنكتتەرىنىڭ ۇشتەن ءبىرى كوروناۆيرۋستىق ينفەكسياعا قارسى ۆاكسينالاردى ساقتاۋدىڭ تەمپەراتۋرالىق رەجيمىن بۇزعانىن، بۇل ونىڭ تيىمدىلىگىنە اسەر ەتكەنىن مالىمدەگەن ەدى.
"ۆاكسينالاردى تاسىمالداۋ مەن ساقتاۋدىڭ بارلىق اسپەكتىلەرىن ناقتى قاراستىرعان ءجون. وكىنىشكە قاراي، سوڭعى دەرەكتەر بويىنشا بارلىق وڭىرلەر بۇل جۇمىسقا دۇرىس كوڭىل بولمەگەن. ۆاكسينالاردى ساقتاۋدىڭ تەمپەراتۋرالىق رەجيمىن بۇزۋدىڭ كوپتەگەن فاكتىلەرى انىقتالدى. مۇنداي جاعداي ەگۋ پۋنكتتەرىنىڭ شامامەن 30%-ىندا بولعان. بۇل جاعداي ۆاكسينانىڭ تيىمدىلىگىنىڭ تومەندەۋىنە سەبەپ بولدى"، – دەدى توقايەۆ.
